Lukas 21:17 - Allahle a neme heteungekoke homofae

¹⁷ “Rare hakonsele aerene, ro miyae nemene mare ikele konayembe.

Lukas 21:17 ပူးပေါင်းရင်းမြစ်များ

Matius 10:22

Rare hakaufekoke aerene ro miyae nanemene mare ikele konayembe. Nebeibe ro miyae kena beko hubanainyele hororebe kena yae herawembonde Reyae a uwamale hului nekende kiyae Reyae hole molorembonde.

Matius 24:9

“Raei moisa hakaufekoke aerene nda kani kelana ro miyae helen sele ikele konayembe. Nebei hee mare ikilenayembe, weitasi konayembe, nane merau honayembe.

Matius 5:11

Mare Raei aerene a beko yae ungayembe, mare weitasi konayembe, nane merau na hele ban a beko yae aukaka konayembe, nebei mekai ma mokonayembena, onomi foka hubannembe.

Lukas 21:16

Ana yae arai yae, aka yae baeke yae, yoho yongko yae, hokolo uneyau wae, mai kelai nenayende. Hiwa yo mbemba mai nolora honaikonde.

Lukas 21:18

Nebeibe, mai Allahlena wali henara neyae ehobeikoi sului.

Lukas 6:22

Reyae Allahle bokora mekale ro miyae uware yeubokale Kiyae aerene mare ikele konayembe, hukenayembe, a beko huwayembe, ro u mekai beko bele yae kaenenayembe yo onomi foka hubannembe.

Yohanes 15:19

Mayae nda kani kelana wali beko nibine orate holona yo yae me baeyembena, naei holonane mare kena buhae henayembe. Mayae nebei holona yo naei ban nebeibe Reyae mare elembokamalene, nebei wali beko nibira wekaunge. Nebei aerene wali beko nibine orate yo mare ikele kayembe.

Yohanes 15:21

Reyae Wali Ondofolo yeubokalere mayae na hele elaube aerene nebei yo yae mare u mekai beko mokonayembe, rabuhine ban Rare ukeufe mekale Kiyae nda yo yae oroiboinye.

Yohanes 17:14

Arai, Waei ako faeuko nebei yore Reyae weumikokalere aisakoukokene, nda kani kelana wali beko nibine orate yo yae nare ikele kaimi. Rabuhine ban Reyae nda kani kelana wali beko nibine orate holona ro miyae ban nane merau nebei holona yo nebei sului mbai nda kani kelana wali beko nibine orate holona ro miyae ban.

Yohanes 7:7

Nda kani kelana wali beko nibine orate yo mare ikele okoi. Nebeibe Rare na ikele hele kaise, rabuhine ban naei me u na beko mo mokate a isaeyaemaelene.

Kisah 9:16

Reyae erengkelembonde Raei Ro aerene neyae beko helen hubannekonde.”

2 Korintus 12:10

Nebei aerene Wali Ondofolole foi naeise nda rambun beko mokaise yae kena roweisiyaise: raei uwa male u yambi u yae ikowale, raei rore a yae isorowate, aukaka yae enaisekonde, kena beko u beko ikowale, weitasi eikowaise, kalo eisubawanale. Rabuhine ban male yambi hubanale hee Wali Ondofolole walora elae yeiboyale.

2 Korintus 4:11

Meyae here bele uwa nekande walora Wali Ondofolole wali yakambonde naeise, Naei kalia mokande aerene ro miyae na hibi-hibi maere honaimekondere relaeinye.

2 Korintus 4:5

Maei uwa naei a faeube huwammile ban, nebeibe Yesus Wali Ondofolo na hele Neyae Tuhan a faeube huwayembe, nane merau meyae nebei Kiyaele aerene mai yebaei bubaeise yaendeboke abe huwammile.

Filipi 1:29

Rabuhine ban Wali Ondofolole aerene mare mon ikembe Nare hila rabo halennelere mo ban nebeibe Naei aerene beko hubannembe,

1 Petrus 4:14

Yesus Wali Ondofolole Ro aerene mare a beko ungayembena, mayae onomi foka yae hubannele, rabuhine ban Allahlena Roh nene waewae bele Kiyae mai kena u einye nekelene.

Wahyu 2:3

Raei Ro aerene beko hubawaunge hororebe, ma kena beko ebei nebeibe kena yae herawaube na hibi-hibi Raei a elelere hila rabo haleimeyaube.