Lukas 17:30 - Allahle a neme heteungekoke homofae

³⁰ “Nebei wanen mbai Raei merele yane.

Lukas 17:30 ပူးပေါင်းရင်းမြစ်များ

Matius 16:27

Rabuhine ban Reyae Allahle bokora mekale ro miyae uware yeubokale Kiyae Maeko naei one hengko hehe kaban bele einye na malaikat yoni-yoni bele surgara memale. Nebei hee yae Reyae ro miyaere na u mekai wa mekai mokowate huluinye isemile.

Matius 24:3

Nebeisa Zaitun mokone ikate Yesus angken nuweuboke nekewole hee, na moisa orowate yo na mo-mo nekewate yae are hinenainyehinderene Yesusle bokore mekate mo hinainye, “Maere yakaimebone, nda a eleyae makei hee yae nanemene enaibende enaiyakande? Rahe iwau wae Waei mele naei ya bele nda kani kela huba mokoungele naei ya bele yen kolonde?”

Matius 24:37

Reyae Allahle bokora mekale ro miyae uware yeubokale Kiyae merele ya na mekai na bere hele Nuh nekewole heena wanen.

Matius 24:39

Nebei heena ro miyae yembonde rambun na isian mae nekewate, meke bu yae ufeukoke nanemene riyau weumiboke. Naei mekai mbai Reyae Allahle bokora mekale ro miyae uware yeubokale Kiyae merele yane benate.

Matius 26:64

Yesus yae weunge, “Wenaeijae warae, na hele Reyae Wali Ondofolo. Reyae na hele wawale, nda heera Reyae Allahle bokora mekale ro miyae uware yeubokale Kiyae Allah Elaelo Wakelo Na meube reufine nuwerebonde, nane merau yaku bumara mangko randa merele mayae erensele.”

Markus 13:26

Nebei hee yae ro miyae erenaisele Reyae, Allahle bokora mekale ro miyae uware yeubokale Kiyae, elae wake bele one hengko bele kitenaisebonde mangko eisa merele.

Lukas 17:24

Wili wanen yakune wele na hehe nda kani kela nemene naeikoyole wanen mbai Raei merele ya.

Lukas 17:29

Lot Sodom yora meukuke mo, nebei ya mbai i yakura oke, ro miyae nemene howole haiwole.

Lukas 21:22

Nebei ya Allah Na homofaene molaikoke honole huluinye ro miyae naei beko mokowate hului ehee bukulu hainyemikonde.

Lukas 21:27

Nebei hee ro miyae Reyae Allahle bokora mekale ro miyae uware yeubokale Kiyaere elae wake bele one hengko hehe kaban bele mangko einye merele erenaisele.

1 Korintus 1:7

Nebei aerene mayae Yesus Wali Ondofolo benen mende uwa yakambonde yare rei mai yae rakaunge yae, Allahle Roh yeumi meli mekai yoni-yoni mai nolone kalo omoloiboi.

1 Korintus 1:8

Tuhan Yesus Wali Ondofolo benen bensonde mende hee mare beko ewei sului u mekai ma yae hubayengkombe naeise, Nenaeijae mare hiron kayaa hebenembe elae inyemembe nebei ya huba mennemokonde.

Kolose 3:4

Wali Ondofolo yae mare wali yembe. Neyae benen nene waewae bele uwa yae yakaiboise mendene, mayae nane merau Nangkele yakambombe.

2 Tesalonika 1:7

mangkele maengkele no emayembonde naeise, weitasi aere koyaime yo hee nemmihande. Nebei hee mbai aei Tuhan Yesus yakambonde i bulo-bulo eisa na malaikat-malaikat nelae wake bele surgara onate.

1 Petrus 1:13

Nebeinye mai u bene hiyei ranembombe nane merau mauwa kayaa foi hebemembe. Yesus Wali Ondofolo benen yakambonde heene mare foi yoni-yoni aere ban mae inyembe naeise, mai rabo halei wauwau okoijae.

1 Petrus 1:7

Mayae Wali Ondofolore na hele yae hila rabo halaeungere kelennebombe naeise, nebei yoni-yoni hubaunge. Emas hele i yae yolonnebonde rambunde na hului beko mokonnebonde. Nebeibe mai hila rabo emasre moi wokeunge. Mayae Wali Ondofolore na hele hila rabo halembena, Naei uwa yakaiboise benen mende heene mare buma kaenayembe, nene waewae yembombe, be hinenayembe.

1 Petrus 4:13

Yesus Naei nene waewaere yakambonde hee mayae rei mai ensukelembe naeise, Yesus beko hubawounge wanen mae mayae beko hubaungene rei mai kon.

1 Yohanes 2:28

Reyae buhaere haemale kelu omi wanen ro miyae, Neyae mende heene fe hubamandene uware emafaembonde anuwaube baemale bele, nebeibe Naei ro be ro yoinye be yae rabulemabonde emahebembonde naeise, nda hee Wali Ondofolo mangkele mbainye nekembe.

1 Yohanes 3:2

Kena buhaere haemale aka baeke, eyae nda hee Allahle kelu omire yaendebokebe, nebeibe aei uwa ma enaibende yoni-yoni namman foi yae isaeyeiboi nekande. Eyae aeisaei Yesus Wali Ondofolo mende heene eyae Naei uwa wanen mae imabonde, rabuhine ban Naei uwa hele kiteungebokere aei ijoko hele yae eremande.

Wahyu 1:7

Eren, Neyae mangkora mele, ro miyae nanemene nane merau Nare menda yae nekate yo bele na ijoko-ijoko yae erenainyele. Nane merau Neyae ro miyae naei wali hului emmikolondene, nda kani kelana yoho yoni-yoni nanemene rime kali ayan buyan enainyekonde, ya! Amin.