Kolose 3:2 - Allahle a neme heteungekoke homofae

² Mai u bene wa bene na hibi-hibi Naei kena kole rambun naeise mo harannebombe nekembe, nda kanina kelana naei yae ban,

Kolose 3:2 ပူးပေါင်းရင်းမြစ်များ

Matius 16:23

Yesus weke Petrusre weunge, “Walobo yun, Ra moise yae eye, Rare oro halun wanen yeuboke kiyae. Waei u bene nekayete ro miyae helen mae u bene nekaimi hului mbai, Allahle u benene nekainye ma ban.”

Matius 6:19

“Eba he nda kani ran kela ranne waei u mbai naeise arileyeijae. Rabuhine ban, nda kanine oyaya bele ehi bele rambun-rambunde bekore mokate, nane merau yokoyo yae honate anuwau kelarenaibonde. Nebei rambun yoko yae yaronaikonde.

Lukas 12:15

Nebeinye nekewate ro miyaere Yesus yae weumi, “Mauwa foi yae kayaa hebembe, kuikui maemaere kena haehae okoijae. Naendae wanen horore ro mbai kuikui maemae nolone nda wali heki nekeweube, nebei kuikui maemae yae nare wali foise eyei.”

Lukas 16:11

Nda kanina kelana rambun yoni-yoni mai mene rabore ehalei huluinya, surgana rambun yoni-yoni bele nde yae mai mene rabo halende?

Filipi 1:23

Wali bele here bele rare reufira reufira ayeisekoke. Raei kena bae nda kani kela nukerebonde erele Wali Ondofolole mbainye anekendere. Nebei naei foi sele yae reyae hubanale.

Kolose 3:1

Mai kena u bele Wali Ondofolo bele nulu yo mahe yora annukembene, Wali Ondofolo Allahle meube reufi surgane ekenekele Kiyae kena kole rambunde mo u bene nekenayembe.

Kolose 3:5

Nebei aerene mai uwa nda kani kelana nekaube na u mekai beko nda wanen menaeijae hee roromembe: yoko kaeimae, wali niki belere u bene nekayembe, kena bekore haehae koyaube me u, bekore kena kaube, rambun yarombere kena haehae kaube (rabuhine ban nda wanen mokombombena, hoime bahe wanen ei moloi-moloise yembonde).