Kolose 1:28 - Allahle a neme heteungekoke homofae

²⁸ Meyae Wali Ondofolole ako faeuko isaei hebaen eisa ro miyae nemene huweyammile, a usaei waeisaei weyammile. Yesus Naei eleuboke wekeumi ro miyae naei wali hiyei rannaibonde mo Allahle bene hamamibonde naeise, meyae nda kalia mokande.

Kolose 1:28 ပူးပေါင်းရင်းမြစ်များ

Matius 28:20

Nane merau nebei yore, mare uwamale a hului kelemmile nebei sului yae mokonate. Reyae mare na hibi mo ei haufemembe ende nda kani kela huba mokorende yane.”

Matius 3:7

Yahudi era henare na bereise eraimi holo mbai Farisi yae ro raimiboke yo nane merau nulu yo mahe yora benen ewaleiboi are kelaeimi Saduki yae ro raimiboke yo helen sele bure kowoumi anuwaufe mekate. Nebei yo erekeumine Yohanes yae weumi, “Mayae rami ehekaei wanen hangkei, faeu kai bee. Allah mare ehee bukulu inyembombe belene mai walire himalonnebombe naeise, nde yae mare angkaa yobombokembe?

Matius 5:48

Nebei aerene mai Arai surgane nekele Kiyae naei wali nekele ma, mayae nebei sului mbai wali himalennebombe hele.”

Markus 6:34

Yesus naei kaikaisa fainyoke yae ro miyae helen sele erewoumine kena beko hele hubawounge. Nebei ro miyae domba wanen yaweiboi ro ban. Nebeinye huba raweuboke a helen kelewoumi.

Lukas 21:15

Renaeijae isaei hebaen isembene, ma yokeijo yoni-yoni mai a faeu elembere ohoroiboi sului.

Kisah 10:36

Aka naei baeke naei, maisaei nekaube Israel ro miyaere mo nda a foi faeu foi Allah uwoumi, ‘Yesus Wali Ondofolo nemene naei Tuhan, Naei walora ro miyae na hului kena foi u foi bele nekenate.’

Kisah 11:20

Nebeibe nda nolona Yesusre hakainyekoke ro miyae hiwa Siprus yokobara, hiwa Kirene kanina ro miyae Antiokhia yore ekate. Yahudi holona ban Yunani ro miyaere Tuhan Yesuslena a foi faeu foi kelaemiyeke.

Kisah 13:38

Nebeinye, aka naei baeke naei, mayae isaeisembombere Yesusle walora Allah beko bakore faeinyembonde a huwayembe.

Kisah 17:18

Allahlena a foi faeu foi Yesusle naei bele herekera waleuboke naei bele a kelewoumine, isaei hebaen bele Eprikuras holona bele Stoa holona bele Paulus naei aku keteuboke. Nebei holo bee nolona hiwa yo yae elate, “Nda a wakure kole ro rahe abe keleumi!” Hiwa yo yae elate, “Nauwae, yo hi naei walobo yoni-yonibe keleumi.”

Kisah 17:3

na yaka yae kelewoumi Allah merau raungehike hului nda Wali Ondofolo Kiyae mende, beko hubannekonde, herendera walembonde hele. Paulus yae weumi, “Nebei Yesus, reyae mare huwamale Kiyae mbai Allah yae oro umaufe heraungeboke Wali Ondofolo Niyae.”

Kisah 20:31

Nebei aerene mauware kayaa foi yae hebembe! Bene nekenayembe ralo yakama name hele reniai rai na ro yun fa yunne kelewekamale, ya mon bohi rime yae meitimale.

Kisah 5:42

Na yane baei Allahre ei mom-mom imae na kaban sele kiyae imaehounge nane merau ro miyae naei imaene-imaene Yesus na hele Allah yae oro umaufe heraungeboke Wali Ondofolo na a foi faeu foi kelewaimi.

Kisah 8:35

Filipus nebei koimeyele homofae ijenda huba raweuboke nebei rore Yesuslena a foi faeu foi huwounge.

Kisah 8:5

Ro mbai na ro Filipus Samaria kanina yo mbaise eke, Yesus na hele Allah yae oro umaufe heraungeboke Wali Ondofolo Kiyaele ane nebei yona ro miyaere huwoumi.

Kisah 9:20

Nebeisa Saulus na hibi ei mom-mom imaene eyeisiyele huweumi Yesus na hele Allahle Kelu.

Roma 16:25

Aka naei baeke naei, reyae Wali Ondofolena a foi faeu foise huwengkokamale. Nebei a heki hele nunne honowate. Nebeibe nda hee yoho nemene Wali Ondofolore hila rabo halenainyele naeise, nane merau hakonainyele naeise, Allah Hubalo Mando yae Naei yenjo kayaayo naei homofaene ukeumi molaikoke, nane merau nda heene Wali Ondofolole naeise yakaumeboke. Nebei Allah na hului mokonembonde Wali Ondofolo Naei a elelere hila rabo elae yae halemembe, hakomembe.

1 Korintus 1:23

Nebeibe meyae huwammi Wali Ondofolo ohaline baikoke yae wali hena bona u mekai hubanainyende nibire mokouboke. Nebei a huwammi Yahudi ro miyae na hele elenaikondere kabewainye, rabuhine ban Wali Ondofolo ohaline baikoke mare ahi elate. Yahudi ro miyae ban yo yae nebei a faeufe a bangka-bangka yae elate.

1 Korintus 1:30

Allah Nenaeijae mokombokembe Yesus Wali Ondofolo bele mbainye nekaube. Wali Ondofolo yae mokoumeboke Allahle isaei hebaen aei kena une nekele. Naei walora Allahle ro be ro yoinye eyae wali himalanneboke yo yae me baeume, Allah yae eleuboke wekeumi holonare yaendeboke nekande, nane merau aei beko bako aheukoke baeufoke.

1 Korintus 12:8

Ro miyae mbaise isaei hebaen bele ma yae uwa harannebondere a naei meli mekai Allahle Roh yae yeunge, ro hire nebei Roh mbai yae isaei hebaen naei meli mekai yeunge,

1 Korintus 15:12

Nebeibe Yesus Wali Ondofolo nulu yo mahe yora aunguke naei a huwayembe lonbe, mai nolona ro miyae hiwa yo yae elate nulu yo mahe yore ate yo benen ainyui sului naei a na hele ban!

1 Korintus 2:15

Nebeibe Allahlena Roh bele ro miyae yae rambun nemene hamenaimile, nebeibe hiwa yo yae naei uware ehameikoi sului.

1 Korintus 2:6

Mai nolona Wali Ondofolole eisa uwa henaiboke yore meyae Allahle isaei hebaen kelaemmile, nebeibe nda kani kelana wali beko nibine orate yo naei isaei hebaen bele nda kani kelana rabuhi ban inyaibonde mere mokaimi yo naei isaei hebaen bele meyae ekeleikoi.

1 Korintus 4:14

Nda homona moloukokale nanemene mare fere mokorembombe naeise ban, nebeibe mayae kena buhaere haemale kelu omi wanenne a usaeise ufengkombe naeise.

2 Korintus 10:14

Mai nolone meyae kalia mokowandene na mekai sele uwa emakaende, rabuhine ban mayae ahau fele nekaube anuwaufe mekande Wali Ondofolole a foi faeu foi huwewayembe.

2 Korintus 11:2

Allah mai naeise kena me yae heyele wanen reyae mare kena me yae heyale. Rabuhine ban mayae raei maengke yele reyae mare Wali Ondofolore molone hambokamale wanenne, reyae kena kaban kale Neyae wembe a huluinye nekembe.

2 Korintus 4:5

Maei uwa naei a faeube huwammile ban, nebeibe Yesus Wali Ondofolo na hele Neyae Tuhan a faeube huwayembe, nane merau meyae nebei Kiyaele aerene mai yebaei bubaeise yaendeboke abe huwammile.

Efesus 3:8

Allah eleuboke wekeumi holona ro miyae u nolo u kaisa reyae na ro ban sele kiyaebe Allah kena buhae aere ban mae heufekoke. Allah ukeufe Yahudi ban ro miyaere Wali Ondofolole me ei u einye rambun emekai bele honate naei are hufemiyendere.

Efesus 5:27

Nebei mekai yaere Wali Ondofolo mokonnebonde nebei jemaat Na ro be ro yoinye me u bekore mokoyate yo ban, nebeibe yolo-yolo ma, nane merau hiwa yo nare a beko ewei sului wali ma nekenate.

Kolose 1:22

Yesusle a foi faeu foi mayae boraukoke nane merau nda kani kelana yo nemene aimihuweukoke. Mayae Yesusle a foi faeu foi hila rabo elae halemembe nane merau neinye honate a benatere rabo elae halemembene, Yesus hereke walora Allah mare foi mokombokembe. Nebei nibi yae Neyae mokouboke mai wali alombokembe ma nane merau bekore ewei sului ma Naei bene hanembombe naeise. Yesusle a foi faeu foi reyae Paulus yae ro miyaere na hibi-hibi huweyamaele.

Kolose 2:10

Wali Ondofolo bele nekaubene, Allah Naei me einye u einye honate rambun mai waline haungembe. Wali Ondofolo Na anuwau bumana hele Kiyae, ro miyae holo bele walobo holo bele mere ure mokoyate yun-jun holona bele nemene Naei keleene.

Kolose 2:3

Wali Ondofolo eisa Allahlena isaei hebaen nemene fomene na foi bangka mo nunna honate.

Kolose 3:16

Mayae Wali Ondofolo a wembe hului na hibi-hibi nekemembe. Hiwa yore isaei hebaen bele ma yae uwa haraungeboke yae kelemmile, angkaa yobommile! Mai kena einye Allahre helen foi wennele ma mekai Mazmur bele hobolo mandu bele a koi-koi mahi-mahi bele komembe.

Kolose 4:12

Epafras, mai yona ro Wali Ondofolo Yesusle kaliane mokoyeunge, mare ro melaeyembe. Neyae ebeli na hibi-hibi Allahre eiboungele mai hila rabo elaekei sele halemembere, nane merau Allah kena kole hului na hibi-hibi nekemembere. Neyae eiboungele mai wali hiyei ranembombe, nane merau Allahle ako faeuko mai kena u einye na hele yae elembe.

1 Tesalonika 4:6

Miyae yaromembena, ro mbai na aka baekere beko yae omokoyeijae, ame ame eyaneyeijae hele. Allah yae nda me u mokonaibonde yore ehee bukulu emmihayende. Na bere meyae angkaa yoboiboise mare nda a usaei yae uwayembe,

1 Timotius 3:16

Nana hesele Yesus Wali Ondofolo Allah kenare kole hului mo nekewole nibi nunne honole. Yesus nda wali ma nekewole: Naei uwa yakaiboise ro miyae uwa yae yakaumeboke, Allahle Roh yae Neyae Allahlera mekere a yae eleukoke, Malaikat yae Nauware ijoko ereungeboke, nda kani kelana ro miyae Allahre oroiboi yo nolone Naei are huwewaimi, ro miyae nda kani kelana Nare hila rabo halewainye, Allah Nare kaeuboke nene waewae bele anuwaunge eungehauboke.

1 Timotius 3:2

Nebeinye, jemaat kayaare hebate holona ro na u mekai hiwa yo naei a beko eleikoi kiyae. Naei u mekai nda ma yae nekende hele: na miyae mbai mo, bu elae roko helen anei, nauwa kayaa foi hebele, wali eise molainye ma yae nekele, imaere mate ro miyaere ei haweumi, Wali Ondofolole wali nibi are na hului kelemmile,

Ibrani 10:14

Rabuhine ban roko mbainya uwa kinyeungeboke yae Allah yae huba ban haei ban Wali Ondofolo Naei a elelere hila rabo halaeinye ro miyaere Allahle u mekai wanen nekate yo yae me baemmiyende.

Ibrani 13:21

Naei kenare kolere mokonnele naeise, foi bele meli mekai mare kitenembombe. Nane merau reyae ebeli banale, Yesus Wali Ondofolole walora Allah kenare kole ma aei kena u einye mokommekonde. Wali Ondofolo mbaibe huba ban haei ban hili hebenainyele. Amin.

2 Petrus 3:15

Nda a u benene nekenayembe, aei Tuhan Yesus ro miyaere hole molommibondere kena kolene, naei kena herauyele. Aei aka baeke Paulus nebei a mbaibe Allah yae isaei hebaen ikeunge huluinye mai naeise homo einye moloukoke.