Kisah 8:2 - Allahle a neme heteungekoke homofae

² Allahle a elelere ei hawainye yo hiwa mekate Stefanusle no elaisake kanine aimoloufake nane merau na kena hele yae rime rimewainye.

Kisah 8:2 ပူးပေါင်းရင်းမြစ်များ

Markus 6:29

Yohanesle moisa orowate yo hereke a angkaei boroukatene, ekate na uwa bangkare mo elaeisake a bulune aimoloufake.

Lukas 2:25

Nebei hee Yerusalem yone ro mbai nekewole na ro Simeon, na wali himaloungeboke nekeweke. Allahle are hubara haeisa yaneungeke, nane merau Allah yae Israel ro miyae yokeijo naei me eisa memmihayengkondere ereiko rakeiko koweke. Allahle Roh yae Naei uware ei haweungeboke.

Kisah 10:2

Kornelius Allahle are hubara haeisa yaneungeke nane merau Nare ei moloungeke. Nebei sului mbai naei imae ei obe einya yo. Ro miyae koufe kalore molowoumi yore eisako meisako nekai hakoumiyeke. Na yane baei Allahre ebeli bainyeke.

Kisah 2:5

Nebei hee Yahudi ro miyae Allahle are hubara haeisa yanewainye holona kani hine-hine nekayeke yo nemene Yerusalem yone nekewate.

Kisah 8:1

Saulus nebei haibokere be hineumiboke. Nebei heera huba rawaiboke Yerusalem na jemaat einye ro miyaere weitasi kowaimilene, nebei abu ako riyana yo mo Yerusalem yone nekewate, ro miyae nemene Yesusre hila rabore halewainye yo helen heraeyeuboke, hiwa Yudea kanire bele Samaria kanire bele habelaeyeke.

Kisah 8:3

Nebeibe Saulus huba raweuboke jemaatna ro miyaere herere wemmilere nibi mahi-mahi baewole, imaera obera eleiso akoibo kowole rone miyaene yobowole kawane mo hewoumi.