Kisah 7:35 - Allahle a neme heteungekoke homofae

³⁵ “Nda Musa mbai Israel yoni-yoni yae ahi yae elewate wainye, ‘Nde yae ware maei be yun be yebaere hebelere nane merau maei walire huluise koloumele rore roukayete?’ Nebei Musa mbaise i faeu bulura malaikat yae Allahlena are uwounge aei yobe naei be yun be yebaere yembonde nane merau holere molommibonde kiyae.

Kisah 7:35 ပူးပေါင်းရင်းမြစ်များ

Markus 12:26

Na hibi ro miyae herewate yo benen walemmile naei, Allahle Yendo Kayaalo Musa homone moloukoke mayae okoikoinye? Nebei homone isa folon i bewole reufira Allah a uwounge, ‘Reyae Abrahambe Allah, Ishakle Allah, Yakuble Allah yeubokale.’

Lukas 19:14

“Nebei yona ro miyae hiwa nda rore ikele kowainyene ro hiwa ukaimile na moisa enate, ungainyele, ‘Meyae kena ban nda ro maei ondofolore nekendere.’

Yohanes 18:40

Nebei yo kali ara nene kaenate wainye, “Neyae ban, maere Barabasbe hayeinyeko!” Barabas fa kangkin kowole ro.

Yohanes 19:15

Nda yo yae kaenate, “Hombo! Hombo! Ohaline bongko!” Pilatus yae hineumi, “Rahene mai Ondofolo ohaline borekondere waufe?” Imam yun-jun mae wainye, “Kaisar mbai ken maei Ondofolo.”

Kisah 2:36

“Nebei wanen mayae Israel ro miyae nda are isaeyembombe, Yesus mayae ohaline baukoke Kiyae mbaibe Allah yae Tuhande raneuweke nane merau Wali Ondofolore oro umau heraungeboke.”

Kisah 3:22

Musa nane merau Yesusle naeise a eleukoke, ‘Allah yendo kayaalo mbai raeinya wanen ro hi mai nolora ranenjende. Nebei yendo kayaalole a menelende nemene nou hembe.

Kisah 5:31

Allah Naei meube me yae anuwau reufine raneujeke. Israel ro miyae naei beko bakora nulu kenaimile yore na beko bakora faeinyemmibonde naeise, Allah yae Naei Kelure nane merau Walilore raneujeke.

Kisah 7:30

“Nekeukoke ralo yakama rorele u bee mo, Sinai moko kelaeunga a kala-kalane o kaei-kaei ken mbai i yae boloufike bewole nolora malaikat mbai Musale bokore meke.

Kisah 7:51

“Aka naei baeke naei, ma yun elaekei sele. Mai u bene Allahre isian nekeyate ro miyae wanen. Mayae Allahle are oboroyei. Allahle Rohre moi yae mo buleyaunge, mai yobe naei yae kowate wanen.

Kolose 1:15

Ro miyae ijoko ereiboi sului Allah Nauwa mbai Kiyae Yesus Niyae. Yesus na bena Kiyae yeuboke, Naei anuwau buma reufina, nuleuboke rambun nemene fomene ana mo,

Ibrani 2:2

Malaikat yoni-yonire ukaimi Musale walora wali heere foloukoke are asasi kaikoke yo bele hubara haeisa eyanei yo bele nebei a huluinye ehee bukulu hayaimikoke.

Wahyu 15:3

Nda yo Allahle yebaei bubaei Musa yae kowole bele Domba Kelu kowole bele koi bae kate, “Tuhan Allah Elaelo Wakelo, Waei me u mokowoyae kaban sele nane merau era mahi hele. Weyae kani kelana nemene naei Ondofolo mere mokoimeyamae. Waei wali nibi a na ijen sele nane merau na hele.