Kisah 20:4 - Allahle a neme heteungekoke homofae

⁴ Paulus naei homo mbainye orate yo naei ro nda niyae: Sopater Pirusle fa Berea yona ro, Tesalonika yona ro bee Aristarkhusle Sekundusle, Gayus Derbe yona ro, Timotius, nane merau Asia kanina ro bee Tikikusle Trofimusle.

Kisah 20:4 ပူးပေါင်းရင်းမြစ်များ

Kisah 14:20

Nebeibe Yesusre hakainyekoke ro miyae na u ele yae naeinyeboke hebewate hee Paulus aunguke benen Listra yo eise eweufike. Ya heuboke mo Barnabasle nanembaisa kulun ukete Derbe yore ewote.

Kisah 14:6

Merau kolowainye hokolo bee isaeyeibokene, u hale yae hakaikoke Likaonia kanina yo bee Listrale Derbele nane merau nebeinya yo hiwa enena honate belere yae ewote.

Kisah 16:1

Paulus Derbe yore ekera, nebeisa Listra yore eke. Nebeinye Yesusre hakoungeboke ro mbai na ro Timotius. Nenake Yahudi maengke Yesusre hakainye holona, nebeibe naeko Yunanina ro.

Kisah 16:6

Paulus nanembaisa orate yo bele Yesuslena a foi faeu foi Asia kanire kelenaimikondere Allahle Roh ewaeisinye, ekate Frigia kani bele Galatia kani belene yanewate.

Kisah 17:1

Paulusle Silasle aloinyekoke ewote Amfipolis yora, nebeisa Apolonia yora ekete Tesalonika yone. Nebeinya Yahudi naei ei mom-mom imae mbai hebele.

Kisah 17:13

Yahudi ro miyae Tesalonika yona yo borokate Paulus naei Allahle ako faeuko Berea yone ekaikelaeimi hee, Berea yore ekate nebei yona ro miyae akure kitembonde naei moi hurewaimi.

Kisah 19:29

Nda aku keteuboke Efesus yo nemene nebu haebu heukoke. Nebei aku naufe hoimeyate yo na holone mekate. Gayusle Aristarkhusle Makedonia kanina ro bee Paulusre hakainyekoke nibire mewate yore ikilaikoke, huraimiyeke nebei yona yo koi yo baere kate obe kabanne ekate.

Kisah 2:9

Eyae ro miyae nda kanira mewande: hiwa Partiara, Mediara, Elamda, Mesopotamiara, Yudeara, Kapadokiara, Pontusra, Asiara,

Kisah 20:16

Paulus a hokoukoke Efesus yone ebaraijae Asia kanine hekibe oromale belene. Naei kena kowole u hale yae Pentakosta ya kaban konate ya yae Yerusalem yore endere.

Kisah 20:18

Nebei yo mekate mo, Paulus yae weumi, “Aka naei baeke naei, nda Asia kanire mekale heera mangkele nekeimeyande raei wali ma mayae nemene maisaei.

Kisah 21:29

(Trofimus, Efesus yona ro erekainyele Paulusle yo eise nanembaisa meketene, ndi a wanen kaenate. Neyae u bene nekewaimi Paulus nda ro yaweungehoke Allahre ei mom-mom imae eise eyeuboke.)

Kisah 27:2

Adramitium yona bu waka kabanda meyae hawandeboke ewande. Asia kanine yo mbembane nda waka ende yangkonde. Makedonia kanine Tesalonika yona ro mbai na ro Aristarkhus nda ewandene nangkele hakoumeboke.

Roma 16:21

Timotius kalia mbainye mokonde kahili nane merau raei yoho mbainya kahili wa Lukiuslera, Yasonbera, Sosipaterlera mare ro melaeyayembe.

Roma 16:23

Gayus rare naei imaene ukeufe nekale kiyae nane merau nebei imaene arileisiyate jemaatna ro miyae nemene mare ro melaeyayembe. Erastus nda yona roi mere ikileuboke kiyaele aei aka baeke Kwartusle mare ro melaeyayembe.

2 Korintus 1:1

Onomi foka, Allahle jemaat Korintus yona bele Akhaya kanina Yesus Naei eleuboke wekeumi holona yo bele. Reyae Paulus, Allah kena koukoke huluinye Yesus Wali Ondofolole abu akore yeubokale kiyae bele aei aka baeke Timotius bele mare ro melaeyayembe.

2 Korintus 1:19

Rabuhine ban reyae, nane merau Silwanusle, Timotiusle bele yae mai u nolo u kainye Yesus Wali Ondofolo Allahle Kelule naeise huwayembe hee, Yesus Allah weunge a huluinye mokonde omokoi naeise meyae ehuwei. Neyae Allah weunge a huluinye mokole a mo elandeke.

Efesus 6:21

Aei kena buhae haennele aka baeke Tikhikus raei uwana yaeiboke ma nane merau raei kalia mokale ma mayae isaeyembombe naeise nanemene mare huwenengkombe. Neyae Allahle kaliare Allah a weunge hului na hibi-hibi mokole.

Filipi 2:19

Raei rabo elae halaele Tuhan Yesus nibi wennendene, na heki ban mae Timotius ufende mai bokore endere. Neyae bensonde mende yae mai u mekai nekaube ma reyae bororebondene kenare foi mokonsebombe.

Kolose 4:10

Aristarkhus, rangkele kawane hebende ro, mare ro melaeyayembe. Markus, naei yoho mbai Barnabasle, mare ro melaeyayembe. Naei naeise reyae mare a ninae ukamaele. Neyae mai bokore mendena foi yae ei annebombe.

Kolose 4:7

Raei waline maijeukoke naeise Tikhikus yae nemene isaeinyembombe. Neyae aei aka baeke mbai reyae buhaere haenale. Neyae na hibi-hibi rare hakoyeufe aei Tuhan Yesus na kaliare mokole.

1 Timotius 1:1

Onomi foka Timotius. Weyae Wali Ondofolo Naei a elelere hila rabo halaenaene reyae ware kelu hele yae erawale. Reyae Paulus, Allah aei Holelo bele Yesus Wali Ondofolo bele rare ukeisele huluinye Yesus Naei abu akore yeubokale. Eyae hila rabo halaende Yesus Wali Ondofolo wali hena bona yemmele Kiyaere yeuboke. Reyae ebeli banale Allah aei Ako Kiyaele Yesus Wali Ondofolo bele ware kena buhae aere ban mae heneyete, yanekoi yase yae ei haweyete, rei mai inyeyete.

2 Timotius 4:12

Tikhikus bae reyae ukanale Efesus yore eke.

2 Timotius 4:20

Erastus nda hee Korintus yona eke nekele. Nane merau Trofimus na uwa era buloo kowolene Miletus yone reyae nukeungebokale.

Titus 3:12

Artemas yae, Tikhikus yae, nebei beera hire ufende waei bokore ende. Neyae ende heera, Titus, weyae releungekonde Kreta yokobara kulun wele na hibi raei bokore Nikopolis yore mele, rabuhine ban raei kenara hokoukokale hin manse mennende heene oko name keli hului nebeinye erenekengkonde.

Filemon 1:24

Nane merau raei kahili wa kalia mbainye mokande yo, Markus, Aristarkhus, Demas, Lukas, nebei ro keli mare ro melaeyayembe.

3 Yohanes 1:1

Onomi foka aka baeke Gayus, reyae jemaat naei be yun be yebaere hebale. Aka baeke, reyae Wali Ondofolole walora na hele wali nibine oralene, ware kena buhae haewale.