Kisah 20:24 - Allahle a neme heteungekoke homofae

²⁴ Nebeibe Tuhan Yesus a ukeufe ro miyaere hufemile Allah kena buhae aere ban mae heumikokene wali hole molommibonde nibi wekeunge. Nebei a foi faeu foise ro miyaere keleremiyendere huba halerengkondere, nda wali koko raei walire buhae ohokoi Naei ane mo hakorende.

Kisah 20:24 ပူးပေါင်းရင်းမြစ်များ

Lukas 16:28

Nebeinya maeka naei rauwake wa nemene maehae mbai. Nda u buhae wa buhae hubayanne anuwaufe emeijae hele naeise Lazarus ende angkaa yobommibonde.’

Yohanes 15:27

Mayae naei mekai mbai ro miyae nanemenere Raei naei a isaeinyemile, rabuhine ban mayae na bemere hele kaenengkokamale homo mbainye orandeke nekande aerene.

Yohanes 17:4

Arai, Weyae ukarae kalia Reyae riyau weubokale walora nda kani kela ranne Ware hili hebawale.

Kisah 1:17

Yudas aei holo mbainye orowande, neyae aengkele mbainye kaliare mokowande.”

Kisah 11:23

Barnabas eke erewole nebeinya ro miyae Allah na hele kena buhae aere ban mae hewoumine rei sele kowole. Barnabas yae a usaei uwoumi Tuhan are weumi huluinye na hibi-hibi nekenayende.

Kisah 13:25

Yohanes mokoukoke kaliare riyaufe bonnele hee, rore miyaere weumi, ‘Mai u benera nekayembe rare nde yae elaube? Reyae nebei mayae rakaunge Wali Ondofolo ban ma. U bene nekenayembe, nebei Ro raei moisa mende, Naei oro mehaufe reyae ekulaikoi sului, rabuhine ban Naei bene reyae yeisi raeiboi ban.’

Kisah 14:3

Nebei aerene Paulusle Barnabasle Ikonium yone heki holo nekeikoke. Allah ro miyaere kena buhae aere ban mae heumine Yesusre ukeunge meke a foi faeu foi be yae rabuleiboke huwewoimi. Nebei a faeu na hele yeubokere yakambonde naeise, Allah hokolo beere Naei elae wake kiteumiboke nane merau rambun emere-emere roko helen mokowote.

Kisah 15:7

Heki hele isaei hira-hira elayoke wa Petrus afae yae aunguke weumi, “Aka naei baeke naei, mayae nemene maisaei ya naennaen hului moise hayaendekokene, Allah yae mai nolora rare eleufeboke Yahudi ro miyae ban yore Yesuslena a foi faeu foi keleremile boronate nane merau na hului Yesusre hila rabo halenainyele.

Kisah 18:5

Silasle Timotiusle Makedonia kanira meketene, Paulus nebei malo ruka-ruka hawolera heunguke, na yane baei Yahudi ro miyaere kelewoumi weumi, “Yesus Niyae Allah oro umaufe heraungeboke Wali Ondofolo.”

Kisah 20:21

Yahudi ro miyae bele Yunani ro miyae belere keleimeyamaele Allah a ukeumi hului naei beko bakora nulu kenaimile nane merau Tuhan Yesusre hila rabo halenainyele.

Kisah 20:23

Reyae raeisaei yo ran yo rande orowekale yae Allahle Roh na yaka yae uwoufe hului, rare beko yae enaisemokonde nane merau kawane enaisahengkonde.

Kisah 20:32

“Mana reyae Allah mare kena buhae aere ban mae hembe Kiyaele me eise kinyamale, Naei a wembe huluinye nekemembe. Naei a wembe hului nekemembe walora mai hila rabore anennumbe nane merau Allahle u mekai yolo-yolo bele nekate holona yore rambun foi yaronaikonde wanen mbai mayae yarongkombe.

Kisah 21:13

Nebeibe neyae weume, “Rahe naeise mayae rimaube nane merau raei kena beko hubarende naeibe mokaufeboke? Tuhan Yesusle aerene ndine ikilenaisebonde naeise honaisebonde naeise rauwa mokoungehakale.”

Kisah 22:21

“Nebeibe Tuhan mae benende weufe, ‘Eyei mo eye, Reyae ware ufete a hau bu hau Yahudi ro miyae ban yore elere.’ ”

Kisah 9:15

Nebeibe Tuhan mae Ananiasre weunge, “Eyeise mo eye! Reyae nare eleubokale Raei burelen boi-boise orondere. Ro miyae kani hi kela hina Yahudi ban yo belere naei ondofolo-ondofolo belere Israel ro miyae belere Raei are huwemmiyendere.

Roma 11:6

Allah ro miyaere kena buhae aere ban mae heyeumine, nebei ro miyaere eleuboke wekeumi, naei me u foi mokowatene ban. Ro miyae naei me u foinye eleuboke wekeumina, Allah ro miyaere kena buhae aere ban mae ehei.

Roma 4:4

Ro miyae mbai kalia mokoikoyolena roibube yaeinye nendon mae ban, inyainyele hele.

1 Korintus 15:58

Nebeinye, kena buhae haemale aka baeke, kena u me bobo yae Wali Ondofolore hila rabo halembe. Tuhan wembe a huluinye na hibi-hibi Naei kaliare mokombe, rabuhine ban maisaei nekaube mai kalia mokaubere foi benate.

2 Korintus 12:10

Nebei aerene Wali Ondofolole foi naeise nda rambun beko mokaise yae kena roweisiyaise: raei uwa male u yambi u yae ikowale, raei rore a yae isorowate, aukaka yae enaisekonde, kena beko u beko ikowale, weitasi eikowaise, kalo eisubawanale. Rabuhine ban male yambi hubanale hee Wali Ondofolole walora elae yeiboyale.

2 Korintus 4:1

Nebeinye, Allah yanekoi yase yae ei haweyeume walora wali himalainyeboke yo yae me baemmele nibi neme are kelaemmile kaliare ikeumene, meyae rabo ban ma yae enekei.

2 Korintus 4:12

Ro miyae na hibi-hibi maere honaimekondere relaeinyebe, nebeibe maei kalia mokandene, mayae wali hena bona u mekai hubaungele.

2 Korintus 5:8

Reyae benen a elale, “Allahle Roh yae maei kena u hara roroyeume, nebeibe heremale walora maei kani u kela u nukemambonde Tuhan nekele anuwaunge nekemalere na foi sele yae elande.”

2 Korintus 7:4

Raei kena elae hubanale mayae Wali Ondofolo wembe a huluinye nekaube. Mai naeise ukaei kaele nane merau kena aufenuke. U mekai beko yun ran kaembaei ranne hayaeime hororebe, mai aerene raei kena na rei mai melei-melei eimelewole.

Galatia 1:1

Aka naei baeke naei jemaat-jemaat Galatia kanine nekaube, mauwa bele! Reyae Paulus, Yahudina, Yesusle abu akore yeubokalere, ro yae miyae yae rare eleiboi, nane merau moi eneisi. Nana hesele Yesus Wali Ondofolo yae nane merau Ako Allah, Yesus ohaline baikoke herekera walire ikeunge Kiyaele, rare eleiseboke nda kalia are ukeisele.

Efesus 1:6

Allah kena buhae aere ban mae heumene aere Na Kelu buhaere heunge Kiyae ikeume. Nebei aerene Allahre buma kaenainyele hili hebenainyele.

Efesus 3:13

Nebeinye naendae wanen horore mekarelaenaelene beko hubanale, reyae riyamale kena wauwau okoijae. Rabuhine ban mai naeise reyae relaenalene Allah mare buma kaenembe.

Filipi 2:17

Na bere Yahudi ro miyae Allahre hili era akau erare obo yoku ongkou wae felainyekoke heene anggur bu bele rilewate barainye. Nda hee Allahre ei moloiboise Yesus Naei a elelere boraube mokaube yae, mai hili era akau era wanen mae yeuboke. Naendae mekai horo reyae nebei anggur bu wanen mae heraeyaiseboube mai hili era akau erare barauboke wanen mae hererelena, raei kenare roweufehike.

Filipi 2:30

Rabuhine ban Wali Ondofolole kaliare mokowole aerene ebi fere neyae hereube. Nane merau mayae ahaunge nekaubene rare hakaufeboube kalobe naei wali nou eheiboi ban mae helen sele hakowoufe, herere fe efaei.

Kolose 1:24

Jemaat Wali Ondofolo uware yeuboke. Jemaat aerene reyae beko hubanale nebeibe rei maibe roweisiyeufe, rabuhine ban nda kani kelane nekewole heene jemaat foi naeise Wali Ondofolo beko hubawounge wanen mbai nda hee jemaat foi naeise reyae beko hubanale.

1 Tesalonika 2:2

Mai bokore meyae ei hee yae, Filipi yone beko hubannekoke, maere fere mokonainyebondere a beko yae uwaimele. Nebeibe Allah maere be kaleumehakene, meyae Naei a foi faeu foi huwayembe, naendae wanen horo ro miyae maei a elewandere ahenaimekondere relewainyele.

1 Tesalonika 3:3

Hila rabo elae halembena, ro miyae mare weitasi kayembe hororebe, mayae namman elae hebembe. Mayae maisaei Allah waeumihike ro miyae aere weitasise konaimelere.

2 Timotius 3:11

Weyae ijoko erewoyae ro miyae rare weitasi kowaise, reyae beko hubanale. Antiokhia yone bele Ikonium yone bele nane merau Listra yone rare beko mokowaisebe, nebeibe reyae Yesusre moi ebulei, weitasi kowaisera Tuhan mae hole moloufeboke.

2 Timotius 4:17

Nebeibe Allah rare hakoufeboke raei bokone hebewole wanen mae Naeinya elae yae moi neufehike ro miyae helen bene be rabuleubokale Yesuslena a foi faeu foi nanemene nebei kena nime haba bele are Yahudi ban ro miyae bene na hului kelewamaele. Nebei mekai yaere obo yoku singa euwara yobaiseboke wanen mae here me eisa hole moloufeboke.

Titus 1:3

Nebeisa Allah kenare koukoke ya Naei kaliare mokoyate yo huweyaimi walora Naei a eleukoke yakaumiboke. Aei Walilo, Allah, rare ukeufe Naei a eleukokere ro miyaere hufemiyendere.

Titus 2:11

Titus, weyae nebei wali nibi keleumile, rabuhine ban Allah na kena buhae aere ban mae heyeumene Yesusre nda kani kelare ukeunge meke, Naei einye ro miyae nanemene wali hena bonare na hului yaronate.

Ibrani 10:34

Kawane ekaisebate yo yae kena beko hubainye ma mbai mayae hubawaunge. Nane merau mai rambun yoni-yoni yo hiwa yarowaterebe mai kena rei mai yae nekewaube, rabuhine ban mayae maisaei Wali Ondofolole einye foi bele huba ban haei ban hononende rambun bele mai naeibe honayembene.

1 Petrus 5:12

Silwanus Wali Ondofolo weunge huluinye mokoimeyele aka baeke yae eranale kiyae hakoufeboke nda homo fofo ken moloukokale. Nda homo einya Allah na hele kena buhae aere ban mae heumekoke naeise isaeyaemale, nane merau mare moi huramale nebei kena buhae aere ban heumekoke einye kusei mahei ban nekemembe.

1 Yohanes 3:16

Kena buhae u buhae hei-seise nda u mekai yae isaeimabonde: Yesus Wali Ondofolo aei aerene Naei wali kinyeumiboke. Nebei aerene aei wali nebei sului mbai aei aka baeke aerene relemande.

Wahyu 12:11

Aei aka baeke wa yae ahumbo-ahumbo koumiyeke kiyaere Domba Kelule ha yae bele Naei naeise are isaeiwaimi bele yae meleumihake. Rabuhine ban naei wali buhaere eheikoi ban mae isaeiwaimine.

Wahyu 6:11

Nebeisa nda holona yore malo koko mbai keleumon ma naeise naeise waheumikoke ukeumi, na kena hebaen-sebaen mae nekemmembe mende mare hayengkokembe wanen mai aka baeke, mangkele mbainye Allahle kaliare mokate yo, honaikonde na helen sului na hului yembonde.