Kisah 19:28 - Allahle a neme heteungekoke homofae

²⁸ Nebei a ma borokatene, nebei yo na kena naume hele haneumiboke, na hibi kali lon mae kaenate, “Artemis, Efesus yo naei walobo kabanbe hebele!”

Kisah 19:28 ပူးပေါင်းရင်းမြစ်များ

Matius 2:16

Ondofolo Herodes isaeyeuboke naufa mekate isaei bele hebaen bele yo nare ame-amebe baeinyekokene ikele hele kowole. Nebeinye felayore ukeumi, “Betlehem yore embe, naufa mekate yo rainyehike ralo yakama hului beera onde ane kelu fa-fa nemene hongkombe.”

Kisah 18:19

Efesus yone ekate mo, Priskilale Akwilale nukeumiboke, eke nebeinya ei moloi-moloi imaene eweufike, Yahudi ro miyae bele Yesusre hila rabo halenainyele ane elewate.

Kisah 19:24

Rabuhine ban, nebei yone ro mbai na ro Demetrius era moi-moi perakra mokoweke. Walobo (miyae) Artemisle imae fele-fele perak yae mokowole. Nda perak era moi-moi yae mokowate yo roi nekai yarowate.

Kisah 7:54

Yahudi yoyo koseyo Stefanus elewole a nemene boraikokera na u bele hubainyehike na ikele han romou fefere Stefanusre kowainye.

Wahyu 12:12

Nebei aerene surgane nekaube yo nanemene rei mai kaban kombere ya. Nebeibe beko embende, nda kani kela bele bu yau bele, rabuhine ban walobo yun mai bokore na ikele han romou wae akeuboke oke, rabuhine ban neyae isaeyeuboke naei ya fofo helene.”

Wahyu 13:4

Nebei yo alakare ei molowainye, rabuhine ban nda obo yokure elae wake kinyeungebokene, nane merau nebei obo yokure ei molainye wa elate, “Hi yae ha yae nda obo yoku wanen u mo! Hi yae ha yae nangkele felare ororoikoi sului.”

Wahyu 17:13

Nda Ondofolo me bee na mekai ma harainyeboke mbainye. Nanemene elae wake bele one hengko bele nda obo yoku kiyaere mo kinyenainyebonde.