Kisah 15:8 - Allahle a neme heteungekoke homofae

⁸ Ro miyae naei kena einyere royeumi Allah Naei Roh aere ikeume hului mbai nare ikeumi. Nda nibi yaere, meyae isaeyaendeboke Allah nare buhae heumikoke.

Kisah 15:8 ပူးပေါင်းရင်းမြစ်များ

Yohanes 21:17

Yesus roko name nendobe Petrusre hineunge, “Simon Yohanesle kelu, weyae Rare kena buhae haerae?” Yesus nebei a ma roko name nendo hineungene, Petrus kena beko hele hubaunge. Petrus yae weunge, “Tuhan, nanemene waeisaei bangka mo. Reyae Ware kena buhae haewale naeise waeisaei.” Yesus yae weunge, “Raei domba u mekai wanen ro miyaere raman yeumile.

Yohanes 5:37

Nane merau Ako Allah Rare ukeufe mekale Kiyae Raei uwa naei a Neyae isaeyembokembe, nebeibe mayae roko mbai Naei euwara a faeu na hibi yae oboroi, Naei be yoi ijoko ereiboi.

Kisah 1:24

Nebeisa Allahre nda ebeli bainyehike, “Tuhan, ro naei miyae naei kena u ei Weyae waeisaei bangka mo. Waei abu ako mande homora Yudas naei angken nuwei nukeuboke eufereke. Nebeinye Ware bayete, Yudas na u mekai beko mokouboke huluinye ennekende anuwaufe eke a bulure mokondere nda ro bee yarandekokera ro hi eleuboke kiyae maere keleimebo.”

Kisah 10:47

“Eremmibo, nda yo aeinya wanen mbai Allahle Rohbe yaraikoke. Rahene nare bu nendon okoi?”

Kisah 14:3

Nebei aerene Paulusle Barnabasle Ikonium yone heki holo nekeikoke. Allah ro miyaere kena buhae aere ban mae heumine Yesusre ukeunge meke a foi faeu foi be yae rabuleiboke huwewoimi. Nebei a faeu na hele yeubokere yakambonde naeise, Allah hokolo beere Naei elae wake kiteumiboke nane merau rambun emere-emere roko helen mokowote.

Kisah 15:28

Allahle Roh nda a yakaumeboke nane merau meyae kena foi hubannele mare Yahudi naei era hena yoni-yoni hakongkombere waeli ebei, nda holonabe emmokombe:

Kisah 2:4

Nebei ro miyae nemene Allahle Roh yae mekai aumibokera afaeu mahi-mahi huba rawaiboke elewate.

Kisah 4:31

Allahre ebeli bainyehike mo, na nekate ijen oinyeu wae hinewole. Nebei yo arilewole nemene Allahle Roh yae maemae koumikoke nane merau Allahle ako faeukore buhae hokoiboi ban mae ro miyaere huwaimi.

Ibrani 2:4

Naei kaliare mokate ro miyae walora iwau yoni-yoni emere-emere emekai bele mokowate nane merau Naei kena koukoke huluinye Naei Rohle meli mekai ro miyaere wahewoumi walora Allah kelewoumi nebei a faeu na hele.

Ibrani 4:13

Allah yae mokouboke rambun yoni-yoni mbai sambai Allahle ijoko bera enundeiboi. Allah aei wali naeise wo emangkonde Kiyae Na ro be ro yoinye nanemene wewe molaiboke, a yaka yaeiboke.

Wahyu 2:23

Nebei miyaele kelu omi horekonde. Nebeisa jemaat yoni-yoni isaeinyate Reyae ro miyae naei u bene wa bene na kena u ei bele ereyale Kiyae nane merau mai me u mokaube huluinye Reyae berensombe.