Kisah 14:15 - Allahle a neme heteungekoke homofae

¹⁵ “Rahene maere nda wanen mokaume? Meyae ro miyae mangkele na hului mbai. Aka naei baeke naei, meyae Yesuslena a foi faeu foi mare umayemberene ndare mekande. Rabuhi ban rambun hayennekombe. Allah nda yaku bele kani kela bele nane merau neinya rambun nemene mokouboke Kiyae a wembe huluinye nekembe.

Kisah 14:15 ပူးပေါင်းရင်းမြစ်များ

Matius 16:16

Simon Petrus yae weunge, “Weyae Niyae Allah yae oro umaufe heraweubokete Wali Ondofolo, Allah huba ban haei ban nekeimeyele Kiyaele Kelu.”

Yohanes 5:26

rabuhine ban Maeko wali none. Nebei sului mbai Reyae Na Kelu mokoufeboke wali nore yeubokale.

Yohanes 7:18

Nde yae naei uwa naei are mo elendena, nebei ro ei molonainyele naei robe baele. Nebeibe nde yae ukeunge meke kiyaele ro foise baendena nebei ro na ijen sele nane merau ame-amere ebei ro.

Kisah 10:26

Nebeibe Petrus yae weunge, “Ainyu! Wangkele rangkele na hului mbai.”

Kisah 13:32

Aka naei baeke naei, nda a foi faeu foi mare mekaiwayembe. Allah aei yobe naei kamahe naeise a heteumikoke hului Yesus herekera waleungeboke, aei foi naeise. Homofae Mazmur fasal bee nendone nda a Yesusle naeise molaikoke, ‘Weyae Raei fa, mana yara Reyae waei Araise yeubokale.’

Kisah 14:21

Hokolo bee Derbe yone Yesuslena a foi faeu foi huwoimi. Ro miyae helen sele Yesusre hila rabo halewainye. Nebeisa Listra yo bele Ikonium yo bele Antiokhia yo belere bukeiboke ewote.

Kisah 14:7

Hokolo bee benen Yesuslena a foi faeu foi nebeinya ro miyaere ekeikelewoimi.

Kisah 16:30

Nebeisa hokolo beere yaweumiboke maibaleke weumi, “Hokolo bee, rahebe reyae mokorebondera wali hole molonsebonde?”

Kisah 27:10

Paulus yae weumi, “Aka naei baeke naei, eyae na hibi emalena, raeisaeise nekale beko emabende. Rambun helen kalo wononde, rambun bele waka bele mo ban, aei uwa nane merau beko bemale.”

Kisah 27:21

Ya heki ban nebei yo raman aneikoi nekaimekate. Nebeisa mo Paulus eke nebei yo naei nolora hebeunguke weumi, “Aka naei baeke naei, raeinya elewale na Kreta yokobane yande yae, nda wanen beko mekande hubannele eyae ehubayeikoi.

Kisah 27:25

Nebeinye reyae wamale, aka naei baeke naei, rei nendon kombe! Allah raei rabo halaenale Kiyaele a rare ukeufe huluinye benate.

Kisah 4:24

Hokolo bee yae elewote boraikokera nebei yo na kena mbai yae na a bulau wae Allahre ebeli bowainye, wainye, “Allah, kun wau bu yau neinya honate rambun-rambun Waei me yae mokowoyae.

Kisah 7:26

Ya heuboke mo, nebei wanen mbai Musa meke Israelna ro bee hanne howotere foise mokoneikondere uwoumi, ‘Aka baeke naei bee! Mayae bee aka baeke hele ya. Rahene ma ure-ure boube?’

1 Korintus 8:4

Nebeinya, reyae hoime bahere hili era akau erare kinyainyeboke raman anate naeise nda a wamale, eyae aeisaei nekande hoime bahe yoni-yoni rabuhi ban ma nane merau Allah mbai ken sele.

Efesus 4:17

Reyae nda a Tuhan mae ukeufe abe wamale, Yahudi ro miyae ban yo hiwa Allahre oroiboinye u bene foi ban nekate. Mayae nebei wali ma wanen benen enekeijae.

1 Tesalonika 1:9

Maere na foi yae yawaumeboke a, nane merau na bere hoime bahere ei molowaumilera bukauboke nda hee Allah wali nekele bele a na hele elele bele Kiyaere ei molaunge a, neyae huwaimi.

Ibrani 3:12

Aka naei baeke naei, mauware kayaa hebembe benen u mekai beko mokomembera Wali Ondofolo Naei a elelere hila rabo ehaleinye, Allah wali bele Kiyaere moi bulennebombe belene.

Yakobus 5:17

Allahle yendo kayaalo Elia, eyae ro miyae nekande wanen mbai. Neyae kena maemae kowole yae ya omoloi naeise ebeli boungehikene, ralo yakama name bohi bele ya omoloi mo nekaikoke.

Wahyu 14:7

Nebei malaikat a elaekei sele kaenele, “Allahre fe faenne, hili hebenne, rabuhine ban Allah ro miyae naei walire hului kolommikonde hee na hului yeubokene. Nare ei molonne! Neyae buma a bele bu yau bele rotebu yoni-yoni bele mokouboke Kiyae.”

Wahyu 19:10

Nebei malaikat noro bene reyae be are nekale nare ei molorendere, nebeibe rare weufe, “Ae, nebei mekai omokoijae! Reyae waeinya wanen mbai Allahle yebaei bubaei nane merau waei aka baeke Yesuslena are isaeinyaimile yo bele na hului mbai. Allahre mo ei moloungele! Rabuhine ban Yesuslena isaeyaimi a faeu nanembai Allahle Roh ro miyae walora huwate a faeu.”

Wahyu 19:19

Nebeisa reyae erale nebei obo yoku kiyae bele nda kani kelana ondofolo yoni-yoni na felayo bele arilaisike kuda keleumon moko randa helaukeungele Kiyae na felayo bele felare relenainyelere.

Wahyu 22:9

Nebeibe neyae weufe, “Ae, nebei mekai omokoijae! Allahre mo ei moloinye! Rabuhine ban waeinya wanen mbai reyae Allahle kaliare mokale ro, nane merau waei aka baeke Allahle yenjo kayaayo bele ro miyae nanemene fomene nda homofae einya a usaei wasaeise hakoyate yo bele nane hului mbai.”

Wahyu 4:11

“Maei Tuhan Allah, nda kani kela einya rambun Weyae mokouboke nane merau Waei kena hului yae yaeiboke. Nebei aerene Weyae yeisi raeiboi bele nane merau na mekai sele ware hili hebenayete, be hinenayete, elae wake kinyenete.”