Kisah 11:13 - Allahle a neme heteungekoke homofae

¹³ Nebeisa Kornelius naei imae einye malaikat meke yakaungeboke ahubabe maere huwewoume. Nebei malaikat yae Korneliusre weunge, ‘Ro hiwa weimi ai, Simon Petrus Yope yona ekenekele kiyaere ungainyele mende.

Kisah 11:13 ပူးပေါင်းရင်းမြစ်များ

Kisah 10:22

Hokolo name yae wainye, “Fela yunde hebele kiyae Kornelius yae maere ukeume ndare mekande. Neyae ro mbai na wali himaloungeboke nane merau Allahle are hubara haeisa yaneyeunge. Yahudi ro miyae nemene nare ereibo kaneibo koyainye, naei ebeli Allahre bowounge Allah wo koungekokene. Allah Na malaikat yae meke, Korneliusre ukeunge ware rinyeufinde naei imaere elere. Malaikat yae ukeunge waeinya a faeu elelere Kornelius borombondere.”

Kisah 11:12

Allahle Roh yae ukeufe mekate yore weyae na hibi hakoumibondere. Neyae Yahudi ban ro miyaene, weyae buhae ohokoijae! Nebei jemaatna aka baeke mehine mbai rare hakaisekoke Kaisarea yore ewande. Meyae nemene Korneliusle imaene andeuboke.

Kisah 11:14

Nebei kiyae mende a ungengkombe yae weyae nane merau waei imae mbai obe mbainye nekeyaube yo bele wali hole molonembombe.’ ”

Kisah 12:11

Petrus naei une yeuboke naeise nebeisa wa u bene rouke, nebeisa elewole, “Mana reyae isaeyeubokale. Herodesle me eisa nane merau Yahudi naei nun yoko yae merau kolowainye eisa Allah nana hesele Na malaikatre ukeunge raei hayeikoise meke.”

Kisah 9:36

Yope yona miyae mbai na ro Tabita. Nda miyae Yesusre hila rabo haleungeke. (Na ro Yunani afaeunge Dorkas.) Naei me u foi sele mokoweke nane merau hun ban wai ban ro miyaere roko helen hakoumiyeke.

Kisah 9:38

Yope yore Lida yora ahau banne Petrus Lida yone ekenekele a Yope yona Yesusre hakainyekoke ro miyae borokate hee, ro bee ukaimile Petrusle bokore ekete, weinye, “U hale yae weyae hakoumebonde emalere!”

Kisah 9:42

Nda iwau rileuboke Yope yona ro miyae bele borowate. Nebeinye ro miyae helen Yesusre na hele yae elewate hila rabo halewainye.

Kisah 9:43

Nebei yona ro mbai na ro Simon obo yoku rare haweke kiyaele bokone Petrus ya heki ban nekeukoke.

Ibrani 1:14

Nebei malaikat Allahle kaliare mokate roh yoni-yoni, nane merau wali hena bona enaiyaronde yore eise haungaimile naeise Allah ukeumi.