Ibrani 9:7 - Allahle a neme heteungekoke homofae

⁷ Nebei imae eise reufinare eyeisise imam kaban mo eyeisiyele, ralo yakama mbai roko mbai sele. Nane merau eyeisiyele kulun na mene obo yoku ha bele Allahre hili era akau era wanen roweyele. Nebei imam kaban na me u beko mokowole bele Israel ro miyae na kobu yae me u beko mokowate bele Allah faeinyeiboi naeise mokoiboyole.

Ibrani 9:7 ပူးပေါင်းရင်းမြစ်များ

Efesus 4:18

Na kena u elae katene kobu yae feleumiboke, isaei hebaen ban nane merau Allahle wali nibine oroyei.

Ibrani 10:3

Nebeibe obo yoku na ralone yakamane baei ongkoufe feleyate yae mokowoumi ro miyae na u mekai beko u benera namman isaeyeyeumi.

Ibrani 6:19

Allah nane merau Abrahamde a heteungekoke naei orona mena walora nda kani kelana ro miyae nemene foi yaronate. Wali Ondofolo Abrahambe orona mena yae mekene, eyae na hului Allah heteungekoke are rabo elae hele halemande, rabuhine ban Wali Ondofolole walora foi yarandekoke. Neyae Allah bele mbainye nekete. Melkisedek wanen imam kabande huba ban haei ban mokonende.

Ibrani 7:27

Yesus imam hiwa yo wanen ban. Nebei imam holona yo na yane baei obo yoku ha yae nenaeijae naei beko bako bere faeinyeiboyelera yo kaban naei beko bako faeinyeiboyoumi. Nebeibe Yesus ro miyae beko mokowate aerene Naei uwa kinyeumiboke ohaline baikoke yae, roko mbai mo faeinyeumiboke me u rimolone yangkone hononende.

Ibrani 9:3

Yowai bee nendo nebei imae heere naisake malo kaban moinya, Allahle yolo-yolo hele anuwau wae rowainye.