Ibrani 9:14 - Allahle a neme heteungekoke homofae

¹⁴ emekai bele Allahle kaliare mokomale naeise Yesus Wali Ondofolo hare rileuboke Kiyae Naei a elelere hila rabo halaenne yae aei kena ure faeinyemmele. Allah Hubalo Mandole Roh ukeunge huluinye me beko u beko ban Wali Ondofolo Nauwa hili era akau era wanen mae Allahre ongkou feleungeboke. Aere Allah bele kayee molommebonde naei u bene bekore Wali Ondofolo na hului faeinyemmebonde.

Ibrani 9:14 ပူးပေါင်းရင်းမြစ်များ

Matius 12:28

Nebeinye nda walobo yoni-yoni Allahle Roh elae yae hukamaelena, nana hesele Allah Rare eleufeboke nda kani kelana ro miyae me mokoremile.

Matius 16:16

Simon Petrus yae weunge, “Weyae Niyae Allah yae oro umaufe heraweubokete Wali Ondofolo, Allah huba ban haei ban nekeimeyele Kiyaele Kelu.”

Matius 20:28

Rare erensebo, Reyae Allahle bokora mekale ro miyae uware yeubokale Kiyae Rare mokonaiselere mekale ban. Reyae ro miyaere mokoremilere mekale, nane merau ro miyae helen naei beko bako aherekonde baensonde naeise Raei uwa yae kinyeremibonde honaisebonde.”

Matius 7:11

Mayae beko bele neban bele yo maisaei nekaube ma kelu omi riyayembere foi bele moi bele rambun yeyaumi. Na kaban sele mai Arai surgane nekele Kiyae foi bele moi bele rambun Nare riyeyainye yore yeyeumi.

Lukas 12:24

Aye abara mali koyate ijoko foi yae na wali eremmikombe! Nebei aye meleme ban, kombo mahu mokoiboyole neyae einyihei, nane merau imae kaban obe kaban ban nebei kombo mahu nimere kolonatere. Nebeibe Allah nare holeyeumi! Mangkele aye bele, meyae aweukoke.

Lukas 12:28

Faunga ke hebeyate mana kitate wahenare i yae baikoube ika bangka yaeiboube. Nebeibe Allah nebei kere uwa moloumiboke foi moi sele yaeiboke. Emekai bele Allah mayae hila rabo elae ban yore uwa baengkore ferenembe rambun inyembe.

Lukas 4:18

“Allahle Roh Rauwane keteufeboke. Allah Rare eleufeboke a foi faeu foise hun ban wai ban yore hufemiyendere. Allah Rare ukeufe mekale nda me u mokorebondere. Ikilaimikoke yore bulaereremibonde, Ijoko erei yo mokoremile ijoko erenate, Hiwa yo naei me kelene nekate yore haisemikonde,

Yohanes 3:34

Allah ndare ukeunge meke Kiyae Allahlena ako faeuko mo weumile, rabuhine ban Allahle Roh na hibi-hibi nebei Kiyaere elae yae kiteyeunge.

Kisah 10:38

Nane merau Allah yae Yesus Nasaretna Rore Naei Roh bele Naei elae wake bele uwa kiteungeboke. Allah Nangkele mbainye nekewotene, Yesus makeise-makeise orowole na me u foise mo mokowole, nane merau walobo yunbe me kelee u keleene nekayekene era buloo kayeke ro miyaere onomi yeumiyeke.

Kisah 14:15

“Rahene maere nda wanen mokaume? Meyae ro miyae mangkele na hului mbai. Aka naei baeke naei, meyae Yesuslena a foi faeu foi mare umayemberene ndare mekande. Rabuhi ban rambun hayennekombe. Allah nda yaku bele kani kela bele nane merau neinya rambun nemene mokouboke Kiyae a wembe huluinye nekembe.

Kisah 15:9

Allah be ijokore ereyei. Na hila rabo halaete walora na beko bako faeinyeumiboke.

Roma 1:20

Nda kani kela na beme fomore nuleungekoke heera Allah huba ban haei ban elae wake u mekaise, nane merau Neyae Allah helere, na yaka yakaimeyeumi. Nebei u mekai yoni-yonire ro miyae ijoko ereiboi sului, nebeibe ro miyae Allahre oroiboi a yae elei sului naeise, Allah nulewole rambun yoni-yoni walora Na u mekai naeise yakaimeyeumi.

Roma 1:4

Nare herewate yo u nolo u kaisa aungunuke yae Allah elae wake belere keleumiboke, nebei Kiyae Naei Kelu helere yeuboke nane merau Allahle u mekai mbaibe nekele. Naei Kelu aei Tuhan Yesus Wali Ondofolo.

Roma 11:12

Yahudi ro miyae u mekai beko mokowatene, Yahudi ro miyae ban yore foi yoni-yoni Allah ei aumiboke. Nebeibe emekai bele Yahudi ro miyae bukenaibonde Wali Ondofolore hila rabo halenate hee, Allahle me einye u einye honate rambunde yemmikonde.

Roma 11:24

U bene nekenayembe, mayae Yahudi ro miyae ban yo aye hibona zaitun no wanen yoni-yoni, nebeibe mai u mekai nenaei mabe na hului meleme yae raisi zaitun none ahunayembokembe. Nebeinye mayae maisaei Yahudi ro miyae zaitun melemena maensabe ruraikoke hayaeikoke yo wanen, Allah nendon mekai yae bemmihonde nebei yo zaitun melemene ahunemmikonde.

Roma 6:13

Mai uwana melen bai yoni-yoni mbai sambai u mekai beko mokonatere ewaeisijae hele. Nebeibe Allahre kena foise mokonnembe naeise, ro miyae here nolora yarongkokembe wekembe benen wali ikembe yo wanen mae mauwa Allahre kinyennembe. Mai uwana melen bai yoni-yoni wali himalaungeboke me u mokate rambun mae Allahre kinyennebombe.

Roma 6:22

Nebeibe nda hee bekore kena kaubere harayembe elae me hayengkokembe nane merau Allahle yebaei bubaeise yaeubokene, Allahre kena foise mokaunge u mekai wanen mae nekembe nane merau wali hena bona u mekai hubaunge.

1 Korintus 15:45

Allahle homofaene nda wanen molaikoke, “Ro miyae na bemena hele mokouboke kiyae, Adam, melen u ha u yae uware ahunewounge wali bele rore yeuboke.” Nebeibe huba mokoikoinya Adam, Wali Ondofolo Kiyae, walire yeumi Rohre yeuboke.

2 Korintus 5:21

Wali Ondofolo bele mbainye nekande ro miyaere Allah wali himalainyeboke yo yae me baemmele naeise, eyae beko mokande yo aerene Allah yae Wali Ondofolo beko omokoyei Kiyaere ehee bukulu wokounge.

2 Korintus 6:16

Allahle ei mom-mom imae bele walobole ei mom-mom imae bele nenaei nenaei ma, rabuhine ban wali bele Allah yae nekende imae eyae niyae ((nebeibe walobo nekate imae wali ban rambun niyae)). Allah Nenaeijae eleukoke: “Reyae nebei ro miyae bele wali mbainye nekemale nane merau naei u nolo u kainye eroronde. Reyae nebei yo naei Allahre isebonde, nebei yo Raei holona yore inyaibonde.”

Galatia 2:19

Reyae Musale walora wali heere foloukoke are hakowanale hee yae, isaeibokale nebei nibi walora wali himaloungeboke ro yae me ebaei sului. Nebei aerene hakowanale nibi aheukokale, Yesus Naei a elelere hakorenderene.

Efesus 2:5

Allah Naei a elewolere eyae asasi kandeke aerene wahaendekoke nekewande hororebe, Allah mokoumeboke wali neme bele ro miyae imabonde naeise Wali Ondofolo Naei a elelere hila rabo halemale. Allah kena buhae aere ban mae hewombene mare hole molombokembe.

Efesus 5:2

Yesus Wali Ondofolo mare kena buhae hengkokembene Allahre hili era akau era fololo bele wanen mae aei aerene Nenaeijae Naei uwa kinyeungeboke. Nebei wanen mbai maise naeise kena buhae u buhae hemembe.

1 Tesalonika 1:9

Maere na foi yae yawaumeboke a, nane merau na bere hoime bahere ei molowaumilera bukauboke nda hee Allah wali nekele bele a na hele elele bele Kiyaere ei molaunge a, neyae huwaimi.

1 Timotius 1:17

Mana raei kena rowanale yae elerekonde, Allah, Ondofolo Hubalo Mando, huba ban haei ban be hinenainyende, hili hebenainyende. Neyae Allah mbai mo, ijoko yae ekamboi, wali huba ban haei ban Kiyae. Amin.

Titus 2:14

Nana hesele ro miyae naei me beko u beko mokowate huluinye ehee bukulu emmihayendera hole molommebonde naeise, nane merau ro miyae kuyemmile Naei holo mbaise mokombonde naeise, Yesus mehauwae na wali kinyeumiboke. Ro miyae holo mbai me foi u foise mokonatere kena kaban koyate yore Yesus baele.

Ibrani 1:3

Naei Kelu Allahle nene waewae mbai nane merau Allahle u mekai bele nekele. Rambun nemene fomene Na Kelu elae bele wake bele a elele yae hara nekeunge. Neyae Ro miyae naei beko bako faeinyemmibonde naei nibi mokoubokera Allah surgana nene waewae bele Kiyae Na meube reufine eunguweuboke.

Ibrani 10:10

Yesus Wali Ondofolo Allah kenare kowole huluinye Naei uwa kinyeuboke hereke. Nebei me u roko mbai mo mokouboke walora eyae Naei a elelere hila rabo halaenne ro miyaere Allah me baemmeyende, Naei kena foise mokomande yobe nekande.

Ibrani 10:12

Nebeibe Yesus Wali Ondofolo ro miyae naei beko mokowate aerene roko mbai, obo yoku ongkoufe felewate wanende, Naei uwa yae Allahre kinyeungebokera Allahle meube reufine ekenekele.

Ibrani 10:2

Na hului yae, benen ro miyae roko yae roko yae obo yoku yae ongkoufe efelei, rabuhine ban Allahre eise molowainye ro miyae na beko bako roko mbai faeinyeumikokera benen na beko bako mokowatene kena une beko ehubaikoi.

Ibrani 10:22

Nebei aerene men, nda u mekai ma yae Allah bele mbainye nekemale: na hele Allahle naeise kena kande yae, Wali Ondofolo Naei a elelere na hele hila rabo halaennele yae, kena u yolo-yolo bele nekemale yae. Nda nibi yae aei kena u yolo-yolo mokomande. Aei beko mokowande faeinyembondere nibi mbai mokombonde naeise Yesus Na ha yae rileuboke na hele elandene, nulu kemmebonde. Na hele nulu keumebokere kelemamile naeise bu konaimebonde.

Ibrani 11:21

Allah Naei a elewolere hila rabo halewounge walora Yakob herendere nobeungekoke hee yae Allahre riyeungehike Yusufle kelu wa beere foi helen ei hawemmiyende, nane merau afae aunguke o mehukunne barauboke yae Allahre ei molowounge.

Ibrani 13:12

Nebei mekai mbai Naei ha rileuboke yae mokommibonde ro miyae Allahre ei hauwainyele naeise, Yesus beko hubawounge. Ro miyaere wali himalainyeboke yo yae me baeyeumi nibi neme mokombonderene Yesus yo moinye haiboke, Yahudi era hena huluinye Allahre ongkoufe felembondere obo yoku folate nibi yae ban.

Ibrani 3:12

Aka naei baeke naei, mauware kayaa hebembe benen u mekai beko mokomembera Wali Ondofolo Naei a elelere hila rabo ehaleinye, Allah wali bele Kiyaere moi bulennebombe belene.

Ibrani 6:1

Nebeinye, Wali Ondofololena a na bemena kelewaimebe nukemabonde, Wali Ondofolole einye henammebonde naei a usaei wasaei kelaeimene hakomakon. Aei hila rabo aehure raimehike naei a na bere kelewaime nda niyae: Allah bele wahenaikonde u mekai beko mokatera nulu kenainyebonde naei, Allahre hila rabo halenainye naei,

Ibrani 7:16

Nda imam kaban naei yobe hakowainye Musale walora wali heere foloukoke huluinye imamde ranaijeke ban, nebeibe Na wali here yae bekore omokoi sului Kiyaebe ranaijeke.

Ibrani 7:27

Yesus imam hiwa yo wanen ban. Nebei imam holona yo na yane baei obo yoku ha yae nenaeijae naei beko bako bere faeinyeiboyelera yo kaban naei beko bako faeinyeiboyoumi. Nebeibe Yesus ro miyae beko mokowate aerene Naei uwa kinyeumiboke ohaline baikoke yae, roko mbai mo faeinyeumiboke me u rimolone yangkone hononende.

Ibrani 9:12

Huba ban haei ban naeise Yesus Wali Ondofolo naei roko mbai sele Allahle yolo-yolo hele yowaise Naei uwana ha bele yae eweufike, obo yoku kambing bele sapi kelu bele ha yae ban. Naei uwana ha rileuboke yae ro miyae naei beko mokowatere aheukoke baeufoke.

Ibrani 9:26

Nebei mekai yae yae nda kani kela mokoubokera Wali Ondofolo roko yae roko yae Nauwa kinyeumimeube beko hubaunge. Nebeibe nda huba mokoikoi yane, Yesus roko mbai kenbe meke beko mokowande faeinyeiboise meufereke.

Ibrani 9:7

Nebei imae eise reufinare eyeisise imam kaban mo eyeisiyele, ralo yakama mbai roko mbai sele. Nane merau eyeisiyele kulun na mene obo yoku ha bele Allahre hili era akau era wanen roweyele. Nebei imam kaban na me u beko mokowole bele Israel ro miyae na kobu yae me u beko mokowate bele Allah faeinyeiboi naeise mokoiboyole.

Ibrani 9:9

Nebei ei mom-mom imae einye me u nda heena nekande ro miyaere isaeibe keleume, hila era akau era yoni-yoni bele obo yoku eifolate ongkoufe felayeke bele yae ro miyae beko mokowatera naei kena u yolo-yolo mokoiboise na hului ban.

1 Petrus 2:22

Allahle homofaena Wali Ondofolo naeise nda a molaikoke: “Neyae me beko u beko ban nane merau Naei euwara ame-ame a ehubaikoi.”

1 Petrus 2:24

Eyae me u beko na hibi-hibi mokomalere kena kandera umanende naeise, nane merau wali ijen nekemale naeise, Naei uwa melen ohaline baikoke eisa aei beko bakore eleufake. Wali Ondofolo nauwana bauwau yae mare onomi ikembe.

1 Petrus 3:18

Rabuhine ban Wali Ondofolo ro miyae naei beko bako faeinyemmibonde naeise, roko mbai hereke. Mare mokonembombe Allahle ro be ro yoinye u mekai foi yae me baembe naeise, wali himaloungeboke Kiyae ro miyae wali ehimaloiboi yo naeise hereke. Naei uwa herekebe, nebeibe Naei Roh na hibi wali nekewole.

1 Petrus 4:2

Nebei u mekai bele ro miyae nda kani kelane nekenfonde hee wali bekore kena haehae katere ehakoyei. Allah kenare kole huluinye hakonayende.

1 Yohanes 1:7

Allah isaei hebaen bele nekele Kiyae. Hehe naeumile nolona wanen mae nekemale, Naei isaei hebaen huluinye wali nibi oromalena, aeise naeise homo mbainye oromale wali mbainye nekemale nane merau aei beko bako yoni-yoni Allah na Kelu Yesusle ha ohalene rileuboke yae kuyemmele.

1 Yohanes 3:5

Ro miyae naei u mekai beko faeinyeiboisene Yesus Wali Ondofolo meke. Mayae isaeyaeuboke Yesus Wali Ondofolole uwa einye u mekai beko u hele.

Wahyu 1:5

Yesus Wali Ondofolo Allah weunge a huluinye isaeyeumi Kiyae mbaibe nulu yo mahe yora ainyuke holona yo Neyae na bena Kiyae, nane merau nda kani kelana ondofolo yoni-yoni mere mokommile Kiyae. Yesus aere kena buhae heume, nane merau Naei uwa kinyeumiboke haiboke ha yae aei beko bako aeumefoke nekewandera ruboumeboke.