Ibrani 4:16 - Allahle a neme heteungekoke homofae

¹⁶ Nebeinye aei wali emangkabende hee aere yanekoi yase yae ei emmehawende nane merau kena buhae aere ban mae emmehende naeise, men, kendan wameran na bumane helere kena elae hubanne yae ema. Nebeinye nekele Kiyae ro miyaere kena buhae aere ban heumi.

Ibrani 4:16 ပူးပေါင်းရင်းမြစ်များ

Efesus 2:18

Yesusle walora eyae nanemene Yahudi ro miyae bele Yahudi ban ro miyae bele Roh mbai walora Ako Allah bele elande borande.

Efesus 3:12

Nda hee eyae Yesusle me kelee u keleene nekandene nane merau Yesus Naei a elelere hila rabo halaennele walora eyae na hului be yae rabulemabonde nendon mae Allahre ebeli bomansinde nane merau rabo elae halennele Neyae aei are borommele.

Ibrani 13:6

Nebei aerene eyae be yae rabulemabonde elemale, “Allah Niyae raei hakoiboi Rone, reyae fe efaei. Ro miyae rare me beko u beko omokoi sului!”

Ibrani 3:6

Nebeibe Yesus Wali Ondofolo Allahle Kelu yae Allahle holona yore Allah weunge hului yae me mokoumi. Eyae kena wauwau okoinya, nane merau Allah elele a huluinye mokondere rabo elae halemandena, eyae Allahle imae obe niyae.

Ibrani 7:19

Musale walora wali heere foloukokere hakowainye yae Allahle ro be ro yoinye ro miyae mbai sambai wali himaloiboise omokoiboi sului, nane merau nda hee Allah imam kaban neme raneujeke. Naei walora eyae rabo elae halemale na hului Allah bele mbainye nekemale.

Ibrani 7:25

Nebei aerene Yesus na hului Naei walora Allah bele mbainye nekenate ro miyae nanemene hele hole molommibonde, rabuhine ban Allahle ro be ro yoinye nebei yo aere olemmile naeise Yesus wali rimolone yangkone nekenendere.

Ibrani 9:5

Nebei are hawaikoke anuwau walamba rande Allah nene waewae Kiyaele malaikat ma yae cherubim yae rowainye bee hebate. Nebeibe nda hee nebei rambun yoni-yonire meyae na foi yae ehameikoi sului.

1 Petrus 2:10

Mayae na bere Allahre onewaungene, mare yanekoi yase yae ei ehawei. Nebeibe nda hee Allah mare yanekoi yase yae ei haweimeyembe, nane merau Naei holona yore yaeuboke.