Ibrani 13:22 - Allahle a neme heteungekoke homofae

²² Aka naei baeke naei, nda homo koko hele ban, nebeibe reyae riyamale kena na hebaen-sebaen mae a usaei wasaei wamale huluinye ei annebombe.

Ibrani 13:22 ပူးပေါင်းရင်းမြစ်များ

Kisah 13:15

Musale walora wali heere foloukoke homo nane merau Allahle yenjo kayaayo molaikoke homone raikoke baeufoke mo, ei moloi-moloi imaena yun-jun mae Paulus nane merau na kahili wa riya nare waimi, “Aka naei baeke naei, mayae na huluinya nda ro miyae na kena ure hara rorommilena, nebei a faeu huwengko.”

2 Korintus 10:1

Reyae Paulus Wali Ondofolole Ro eisa raei naeise a mbai neremembere. Mai nolona ro miyae hiwa raei naeise nda ame-ame a yae elate, “Paulus aengkele mbainye einyekande hee naei u mekai nime haba hele, nebeibe ahaufa eyewole bae are be yae rabuleiboyole weume.” Nebei are elate ro miyae nda kani kelana wali beko nibi a huluinye nekate. Mayae maisaei Allahre ro be ro yoinye Wali Ondofolo Nauwa ro ban sele hubawounge, nebeibe Allah uwounge hului yae nane merau kena nime haba yae ro miyaere mokowoumi. Reyae kena kale Wali Ondofolole u mekai wanen ro miyaere mokoremile, nebeibe reyae hubanale nebei ame-amere elate ro miyaere be bele rabulerebonde a elae ufemile hele. Reyae mare riyamale mai bokore erele heene mare be humbarebonde a yarerembe naeise mehauwae omokonsemae.

2 Korintus 5:20

Nebeinye meyae Wali Ondofolole Ro eisa huwammi, maei walora Allah yae huweumi wanen. Wali Ondofolole Ro eisa reyae mare moi huramale Allah bele foi mokongkombe.

2 Korintus 6:1

Meyae Allah Naei kalia mbainye mokande yo yae mare moi hurayembe Allah kena buhae aere ban mae hengkokembe Kiyaele a foi faeu foi huwewayembe borowaubebe rabuhi ban mae ereijae!

Galatia 6:11

Ijoko eren, nda ijenna homore na kaban-kaban sele raei me yae molale!

Efesus 3:3

Allah meraufe raungehike nunne honayeke rambun rare yakaufeboke. Homo fofo ranna bere moloukokalene nebei naeise a ebimbin wengkokamale.

Ibrani 12:5

Allahle homofae aei kena rowemmehinde a mayae Allah Naei kelu omi yae ukembere u benera nundenengkombe bele, “Kelu naei omi naei, mai be elae u elae huluinye Tuhan mai walire hiyei ranenembombe me u mokonengkombere rabuhi ban eleijae! Nane merau Neyae a usaei wasaei elae ungembene, kena beko okoijae!

Ibrani 13:19

Raei u mbai naeise mare riyamale, reyae hasale holo mai bokore bukensehinde erele naeise Allahre ebeli bonnele.

Ibrani 2:1

Nebeinye Allah yae Naei Kelule walora a uwoumene, nebei are nou hemande hele. Nandolo yae yobounge wi enene hebele kiyaele a elae ban yeiboyole wanen Allah ukeume a elae ban yembondera u benera nundenaimekonde belene, nebei are nou hemande hele.

Ibrani 3:1

Nebeinye Allah yae elembokembe wekembe holona aka baeke, Yesus bele mbainye surgane nekembere kaenengkokembe ro miyae, Yesusle naeise nou hennene. Neyae Allahle Abu Ako nane merau aei imam kaban mae wo kande Kiyae.

Ibrani 4:1

Israel ro miyae Kanaan kanire ayeuboke heene Allah are heteumikoke Naei a wemmile huluinye nekenatena, Allahle mokoungehake no yeiboi wali nibire enaisubayengkonde. Nebei wanen mbai nda hee Allah aere are heteumekoke Naei weume a huluinye nekemalena, Naei mokoungehake no yeiboi wali nibire emahubayengkonde. Nebei aerene mai u nolo u kainya ro miyae hibe nebei wali nibira engwenende belene, aei uwa kayaa bele hebemale.

Ibrani 4:11

Nebeinye, men, aei u nolo u kainya ro miyae hibe aei yobe naei Allah Naei elele are hila rabo ehalei wanen mae nendon moi ungainyonde bele, relemande nebei no yeiboi bele wali huluinye nekemande.

1 Petrus 5:12

Silwanus Wali Ondofolo weunge huluinye mokoimeyele aka baeke yae eranale kiyae hakoufeboke nda homo fofo ken moloukokale. Nda homo einya Allah na hele kena buhae aere ban mae heumekoke naeise isaeyaemale, nane merau mare moi huramale nebei kena buhae aere ban heumekoke einye kusei mahei ban nekemembe.