Ibrani 13:20 - Allahle a neme heteungekoke homofae

²⁰ Aei Tuhan Yesus Naei ha rileuboke yae mo, Allah are heteungekoke huba ban haei ban wali himalainyeboke yo yae me baeyeumi nibi neme elae mokouboke. Naei ha rileubokene Allah Yesusre nulu yo mahe yora aungenuke nane merau jemaat yoni-yoni naei be yun be yebaere raneujeke. Reyae Allah rei maise yeumi Kiyaere ebeli banale,

Ibrani 13:20 ပူးပေါင်းရင်းမြစ်များ

Matius 26:28

Rabuhine ban nda Raei uwa na ha. Nda ha yaere Allah a heteungekoke nibi neme ro miyaere wali himalainyeboke yo yae me baemmile a elaekei yeuboke. Ro miyae helen naei beko faeinyeremibonde naeise nda ha yae rilerebonde.

Markus 14:24

Nebeisa Yesus yae weumi, “Nda Raei ha niyae. Ro helen miyae helen aerene ererilembonde. Nda ha yaere Allah are heteungekoke nibi neme, ro miyaere wali himalainyeboke yo yae me baemmile nibi, elaekei yeuboke.

Lukas 22:20

Nebei wanen mbai raman anaikoke mo, anggurre anate kolaeise mo rouke weumi, “Nda kolaei einye rambun ((walora u bene nekenayembe)) mai aerene Raei ha rileubokale. Raei ha yaere Allah a heteungekoke nibi neme ro miyaere wali himalainyeboke yo yae me baemmile a elaekei yeuboke.

Yohanes 10:11

“Reyae domba yoni-yonire na foi yae holamaele Kiyaere yeubokale. Domba yoni-yoni hole moloremibonderene Raei uwa kinyeremibonde.

Yohanes 10:14

“Reyae domba yoni-yoni na foi yae holaemaele kiyaere yeubokale. Maeko Rare ro roufe nane merau Reyae Maekore ro ranale. Nebei mekai mbai domba yoni-yonire Reyae ro ramaele nane merau nebei domba yoni-yoni Rare ro raise. Nebei domba yoni-yoni na wali hole moloiboise Raei uwa yae kinyeumibokale.

Kisah 13:30

Nebeibe herera Allah benen waleungeboke.

Kisah 17:31

Rabuhine ban, Allah ukeunge ro mbai yae nda kani kelana nekate ro miyae naei walire na ijen mae hului kolommile naei ya mbai mokoungehake. Allah here yo nolora huluise kolommile ro aungenuke walora ro miyaere keleumikoke nebei ya na hele bende.”

Kisah 2:24

Nebeibe herewate yo nolora Allah yae waleungeboke. Neyae herera beko hubaungekoke nebeibe Allah raneungejeke, rabuhine ban Neyae here yae eheraweiboi ohonoi Kiyae.

Kisah 2:32

Nda Yesus mbai herekerabe Allah yae waleungeboke nebei rambun-rambun bewatere nemene enaei ijoko yae erewande.

Kisah 3:15

Ro miyae nemene naei wali no Kiyaere mayae haubokaube, nebeibe menaei ijoko yae erewande nulu yo mahe yora Allah benen waleungeboke.

Kisah 4:10

Mayae nane merau Israel ro miyae yoni-yoni nda a mayae isaeyembombere borombo: Nebei Nasaret na ro Yesus Wali Ondofolo Kiyaele ro yae nda ro onomi fokare rouke mana mai bene meke hebele eraunge. Mayae nebei Yesusre ohaline baukoke, nebeibe Allah benen waleungeboke.

Kisah 5:30

Yesus, mayae ohaline baukoke hereke Kiyae mbai, aei yobe naei kamahe naeite Allah yae benen waleungeboke.

Roma 1:4

Nare herewate yo u nolo u kaisa aungunuke yae Allah elae wake belere keleumiboke, nebei Kiyae Naei Kelu helere yeuboke nane merau Allahle u mekai mbaibe nekele. Naei Kelu aei Tuhan Yesus Wali Ondofolo.

Roma 15:33

Reyae ebeli banale Allah rei mai onomi foka no Kiyae mare nanemene ei haungemembe. Amin.

Roma 16:20

Allah rei mai yeumi Kiyae na heki ban walobo yun kiyaele elae mohennebondera mai oro keleene menerulensinde. Reyae ebeli banale Tuhan Yesus Wali Ondofolo yae mare kena buhae aere ban mae henembe.

Roma 8:11

Nane merau Allahle Roh, Yesus Wali Ondofolore nulu yo mahe yora aungunuke Kiyae, mai kena u einye nekendena, nebei Roh yae mai uwa einye nekele here bele uwa kayeero benen wali neme inyembe.

1 Korintus 14:33

Jemaat nolona wali bulu malure Allah kena okoi nebeibe wali kena mbai u mbai belere. Yesus Naei eleuboke wekeumi ro miyae jemaat naei riyane arilensimbe hee

1 Korintus 15:15

Bararebonde na yaka yeuboube meyae Allahle naeise ame-ame yae huwammi, rabuhine ban meyae huwayembe Allah yae Yesus Wali Ondofolore nulu yo mahe yora aungunuke. Nebeibe herewate ro miyae nulu yo mahe yore ainyuinya, Allah yae Wali Ondofolo herekera ewaleiboi nane merau Neyae nulu yo mahe yora benen ainyui sului.

1 Korintus 6:14

Allah Naei elae yae Tuhande mo ban nulu yo mahe yora waleungeboke, nebeibe Neyae aei uware bele walemmebonde.

2 Korintus 13:11

Homo huba mokoikoise nda a yae wamale, mai kena rei mai yae komembe, relenembe mai walibe himalennebombe yae nekembe. U bene mbai nane merau riya mbainye kena rei mai yae nekembe. Allah kena buhae u buhae melaeu nane merau rei mai melaeu mare ei haungemembe.

2 Korintus 4:14

Rabuhine ban meyae isaeyaendeboke Tuhan Yesusre here u nolo u kaisa aungunuke Allah Kiyae mbai yae aengkele Yesus Naei nanembainye ammenunde, nane merau mangkele yawemmebonde Yesusle ro be ro yoise yae emale.

Galatia 1:1

Aka naei baeke naei jemaat-jemaat Galatia kanine nekaube, mauwa bele! Reyae Paulus, Yahudina, Yesusle abu akore yeubokalere, ro yae miyae yae rare eleiboi, nane merau moi eneisi. Nana hesele Yesus Wali Ondofolo yae nane merau Ako Allah, Yesus ohaline baikoke herekera walire ikeunge Kiyaele, rare eleiseboke nda kalia are ukeisele.

Filipi 4:9

Nane merau reyae mai bokone mokowalere isaeiwaube, yarowaube, borowaube, erewaube, nebei niyae mayae mokombe hele. Allah rei mai onomi foka no mare ei haungemembe.

Kolose 2:12

Mayae bu kayengkokembe heene Wali Ondofolo Yesus mangkele a bulune nanembembane molayengkokembe wanen. Nebeisa Allah Yesusre herewate yo nolora waleungeboke Kiyaele elaere hila rabo halewaube walora mayae Yesus bele walaeuboke.

1 Tesalonika 1:10

Nane merau mana mayae Allahle Kelu Yesusre mahe yora waleungeboke Kiyae benen surgara mende rabo halaeube. Neyae u mekai beko ro miyaere Allahle romou han kommilere aere hole molommebonde.

1 Tesalonika 5:23

Reyae ebeli banale, Allah Naei u mekai wanen mare mokonembe. Aei Tuhan Wali Ondofolo Yesus mende heene mare me onoyoi naeise, reyae riyanale Allah mare kena u yolo-yolo hele mokonengkombe, nane merau mai kena u bele, mai uwa bele hole molonembombe.

2 Tesalonika 3:16

Aei Tuhan Yesus ro miyaere rei maise yeyeumi. Meyae riyeyannele na yane baei Neyae rei mai inyemembe naeise, nane merau mangkele nanembainye nekemembe naeise.

Ibrani 10:22

Nebei aerene men, nda u mekai ma yae Allah bele mbainye nekemale: na hele Allahle naeise kena kande yae, Wali Ondofolo Naei a elelere na hele hila rabo halaennele yae, kena u yolo-yolo bele nekemale yae. Nda nibi yae aei kena u yolo-yolo mokomande. Aei beko mokowande faeinyembondere nibi mbai mokombonde naeise Yesus Na ha yae rileuboke na hele elandene, nulu kemmebonde. Na hele nulu keumebokere kelemamile naeise bu konaimebonde.

Ibrani 10:29

Allahle Kelure oro yae hayaeikoke ro miyae beko emekai bele mokowate. Yesus Na ha rileubokene Allah yae nebei ro miyaere Naei u mekai wanen nekate yo yae me baeumiboke Naei a heteungekoke huluinye, nebeibe nebei ro miyae Yesusle hare rabuhi ban mae me baete. Nane merau nebei ro miyae yae Allahle Roh nare kena buhae aere ban mae hewoumi Kiyaele me u foi naeise a beko huwoumi. Nebei u mekai ma ro miyaere Allah ehee bukulu na beko hele yun ran kaembaei ranne emmihayende.

Ibrani 9:20

Musa yae weumi, “Allah ro miyaere wali himalainyeboke yo yae me baemmile nibi heteungekoke mare ukembe huluinye nekembe a, nda ha yae nebei are elae mokanale.”

1 Petrus 1:21

Allah yae Yesus Wali Ondofolore here u nolo u kaisa aungunuke nane merau hili hebewounge. Nebeinye, Wali Ondofolo Naei a elelere hila rabo halaeunge walora mayae na hele Allahre hila rabo halaeungele nane merau rabo elae halaeungele Neyae wali hena bona inyembe.

1 Petrus 2:25

Rabuhine ban mayae na bere obo yoku domba yaweiboi ro banne nalauboke wanen, nebeibe nda hee mayae bukauboke, mai unulu eise hawenembe Be Yun Be Yebaele moisa hakaungekoke.

1 Petrus 5:4

Nebei mekai yaere Yesus jemaat yoni-yoni naei Be Yun Be Yebae na kaban sele Kiyae benen mende heene nene waewae bele me buhae wanen rambun huba ban haei ban nekemembe naei inyembe.