Ibrani 12:25 - Allahle a neme heteungekoke homofae

²⁵ Bene foi yae nekenayembe, Allah mare are wembe Kiyaere moi ebuleijae. Rabuhine ban Allah nda kani kelane are uwoumi Kiyaere moi bulainyeboke ro miyae me noumiyokene, emekai bele aere Allah surgara weume Kiyaele a oboroyei moi yae bulemande yore me nommeyonde.

Ibrani 12:25 ပူးပေါင်းရင်းမြစ်များ

Matius 17:5

Petrus ane weunge hee mangko hehe yae nda yore oumifelemboke. Nebei mangko eisa a borate, elele, “Nda Niyae buhaere haenale Fa, Ra kena foise mokoufe Kiyae. Nare mo boronnele!”

Matius 8:4

Yesus nebei rore weunge, “Boroyae, ro hi miyae hire eisuweijae. Oro moloubonde imamde hebele kiyaele bere ele, onomi yeuboke naei uwa yakaungebonde. Musale walora wali heere foloukoke a huluinye Allahre hili era akau erare ongkou wae felennekonde naeise obo yoku mbai yeungele. Nebei mekai yae isaeyeumibonde weyae na hele onomi roukae.”

Kisah 7:35

“Nda Musa mbai Israel yoni-yoni yae ahi yae elewate wainye, ‘Nde yae ware maei be yun be yebaere hebelere nane merau maei walire huluise koloumele rore roukayete?’ Nebei Musa mbaise i faeu bulura malaikat yae Allahlena are uwounge aei yobe naei be yun be yebaere yembonde nane merau holere molommibonde kiyae.

1 Tesalonika 5:15

Kayaa hebembe, hiwa yo mare me u beko mokonayembena, nebei yore nebei me u hului mbai yae ebukeyeijae. Mayae relennembe me u foi mai holo einya yore mokommile, nane merau moi holona nekate yore bele mokommile.

2 Timotius 4:4

Nda yo Wali Ondofolole na hele wali nibi are angkaei me yae felenaikonde, nebeibe relime a huba nendon huwatere angkaei alenaisinde boronaimile.

Ibrani 1:1

Bena heena roko helen Allah Naei yenjo kayaayo walora a faeu mekai mahi-mahi yae eyae Yahudi ro miyae aei yobe naei kamahe naeise Allah uwoumi.

Ibrani 11:7

Nuh Allah Naei a elewolere hila rabo halewounge walora ijoko yae ereiboi rambun Allah yae keleungebokene ei haweunge bele. Naei imae einye ro miyae holere molommibonde naeise Nuh kai kaban sele mokoungehake. Neyae Allah Naei a elewolere hila rabo halewounge walora nebei kani kelana wali nibi bekone orowate ro miyaere me nokeumi. Nuh Allah Naei a elewolere hila rabo halewounge walora Allah nare wali himaloungeboke ro yae me baeuboke.

Ibrani 12:19

me bae hayeiboi ma amin waku wanen rambun kulun raneuboke. A mbai elae hele eleukokene, borowate yo ri-ti riwainye benen nebei a mare eleijae,

Ibrani 3:12

Aka naei baeke naei, mauware kayaa hebembe benen u mekai beko mokomembera Wali Ondofolo Naei a elelere hila rabo ehaleinye, Allah wali bele Kiyaere moi bulennebombe belene.

Ibrani 3:17

Nane merau yo maenin nde naei ralo yakama rorele u bee hele Allahre kena ikele u ikelere mokowainye yo? Nebei u mekai beko mokowate ro miyae a kala-kala anuwaunge heraikoke yo!

Ibrani 8:5

Nebei imam mokowate ei mom-mom imae surgana ekaisonate ei mom-mom imae na bune wane hamainyekoke. Nebei naeise Musa ei mom-mom imae anennunde hee, Allah na bere nda wanen mae Musare ukeunge, “Ware elune keleubokawale imae bune wane hameungekonde heubonde hele.”

1 Petrus 1:22

Wali Ondofolo na hele wali nibi are hubara haeisa yaneimeyaube walora mai kena ure yolo-yolo mokowaunge nane merau Yesusle einye aka baekere na hele kena buhae hemmile. Nebeinye, maise naeise kena u eisa kena buhae kaban mae hemembe.

Wahyu 19:10

Nebei malaikat noro bene reyae be are nekale nare ei molorendere, nebeibe rare weufe, “Ae, nebei mekai omokoijae! Reyae waeinya wanen mbai Allahle yebaei bubaei nane merau waei aka baeke Yesuslena are isaeinyaimile yo bele na hului mbai. Allahre mo ei moloungele! Rabuhine ban Yesuslena isaeyaimi a faeu nanembai Allahle Roh ro miyae walora huwate a faeu.”

Wahyu 22:9

Nebeibe neyae weufe, “Ae, nebei mekai omokoijae! Allahre mo ei moloinye! Rabuhine ban waeinya wanen mbai reyae Allahle kaliare mokale ro, nane merau waei aka baeke Allahle yenjo kayaayo bele ro miyae nanemene fomene nda homofae einya a usaei wasaeise hakoyate yo bele nane hului mbai.”