Galatia 2:3 - Allahle a neme heteungekoke homofae

^3-5 Nebei hee Yahudi ro holo mbai aei nolore ijoko-ijokore aei aka wanen baeke wanen wabu-wabu yae mekate. Eyae Yesusle einya nekande wali ma namman Musale walora wali heere foloukoke are hubara haeise yanannelere neyae ijoko roboikoise mekate. Na merau harainyeboke eyae benen Musale walora wali heere foloukoke are me ikilemabonde, benen naei yebaei bubaeise imakondere. Nebei ro holonare reyae mon ebi fen eyei. Rabuhine ban reyae kayaa hebale, Wali Ondofolole a foi faeu foi na hele are mayae borauboke, nebeisa wabenayengkombe Musale walora wali heere foloukoke are hubara haeise yanenembe bele. Raei kahili Titus, Yunanina ro, raei bele oroyende kiyae, Yahudi era hena hului ro uwa elan nenainyehandere nebei jemaat kaban naei be yun be yebae hebate yo yae a eleikoi.

Galatia 2:3 ပူးပေါင်းရင်းမြစ်များ

Kisah 15:24

Meyae a borowande ro hiwa maei nolora mai bokore ekate nane merau naeinya a usaei kelewayembere mayae onei-onei onaeube, erabae mai keleikoise meyae ro miyae mbai ewei ei mo.

Kisah 16:3

Paulus kena kowole Timotius nare hakonnebondere. Nebeinye Timotiusle ro u elan Paulus neungehake, rabuhine ban nebei yona Yahudi ro miyae naeisaei Timotius naeko Yunaninane. Yahudi era hena huluinye nebei me u mokouboke.

2 Korintus 2:13

Nebeibe reyae isaisa alalo kowale, rabuhine ban aei aka baeke Titus nebei yone ehubayeikoinye. Nebeinye Troas yora erele naei a nebeinya ro miyaere ukamaelera kulun ukale Makedonia kanire ewale.

Galatia 2:1

Nebeisa ralo yakama me bee oro nen keli bele (14) meungekeukokale mo, benen Yerusalem yore ekale. Nebei kulunne Barnabas rare hakoufeboke, nane merau Titus yaweungehokale naei bele mbainye ekande.

2 Timotius 4:10

Rabuhine ban Demas nda kani kelana wali beko nibire kena kowolene eukuke, rare nukeufeboke, Tesalonika yona ewole. Kreskes, Galatia kanina ewole, nane merau Titus, Dalmatia kanina ewole.

Titus 1:4

Titus, nda homofae waei naeise moloukokale. Weyae raei kelu wanen, rabuhine ban reyae Yesusle ako faeuko huwewawale walora Yesusre hila rabo halewanae. Reyae ebeli banale aei Arai Allah bele aei Walilo Yesus Wali Ondofolo bele ware kena buhae aere ban mae henewete, rei mai haungewende.