Filipi 2:8 - Allahle a neme heteungekoke homofae

⁸ Nauwa ro miyae wanen mae yeuboke hee Naei uwa eleman sele benen ane oungeraufike nane merau Allah kenare kowole huluinye ohaline baikoke hereke.

Filipi 2:8 ပူးပေါင်းရင်းမြစ်များ

Matius 17:2

Nebeisa na ijoko bene erewate Yesus nauwa mahi bewole. Na be yoi hehe hu inyukui wanen naeukoke, na malo keleumon wili halaman bowole.

Matius 26:39

Yesus ahau folore yae eungakeleufike mo, be are neke Naekore ebeline bowounge, “Arai, na huluinya nda ehee bukulu Reyae kaerebondere Weyae weungende. Nebeibe Raei kenare kale hului yae ebeijae, naeinya hele Waei kenare mokoungehakae hului yae ninae yeubo.”

Matius 26:42

Yesus roko bee nendo eke, bowounge, “Nda ehee bukulu Reyae kaerebondere mokoungehakaena Ako Waei kenare koyae hului yae yembonde.”

Lukas 9:29

Yesus Naekore ane bowounge mo na be yoi uke ma hire bewole nane merau malo keleumon wili halaman bewole.

Yohanes 10:18

Ro miyae hi yae ha yae Raei wali mera enukeisai sului, Raei kena kale hului yae kinyamale. Maeko elae ikeufe. Nebei elae walora Reyae na hului Raei wali kinyerebonde, nebeisa benen roufele. Nebei naeise Maeko a ukeufe.”

Yohanes 14:31

Nebeibe na man sele nda kani kelana ro miyae isaeinyate Reyae Ako Allahre kena buhae haenale nane merau Ako Allah ukeufe huluinye nanemene mokale.” Yesus yae weumi, “Raei a elale hubabe mokanale. Mayae annu, eyae nda anuwaufa alomangkonde emalere.”

Yohanes 15:10

Maeko weufe are Reyae hubara haeisa yananalene, Maeko Rare kena buhae heufe einye namman nekale. Nebei sului mbai Reyae wamale a hubara haeisa yanennelena, Reyae kena buhaere haemaele ma yae nekemembe.

Yohanes 4:34

Yesus yae weumi, “Reyae andekonde eraman nda niyae: Allah Rare ukeufe mekale Naei kenare kole hului mokorekonde nane merau Rare kinyeufeboke kalia riyau ufembonde.

Kisah 8:33

Ro ban ro miyae wanen mae naei uwane enainyehayende nane merau ro miyae walire hului koloyaimi wanen ban mae Nare enainyekolonde. Nda kani kelara Na no enaitowendene, nde yae Norona mena naei a nou ensende.”

Roma 5:19

Allah ukeunge are Adam ehakoiboinye, ro miyae nanemene mokoumiboke u mekai beko bele yore yaeiboke. Nebei sului mbai Yesus Wali Ondofolo Allah ukeunge are hakowolene, ro miyaere mokoumiboke Allahle ro be ro yoinye wali himalainyeboke ro miyae yae baemmile.

2 Korintus 8:9

Rabuhine ban mayae maisaei sele Yesus Wali Ondofolo aere kena buhae aere ban mae heume. Neyae hun bele wai bele Kiyae, nebeibe hun ban wai ban yembonde walora mayae na hului rambun bele yembombe naeise, Neyae hun ban wai ban yeuboke.

Galatia 3:13

Musalena wali heere foloukoke na ijen foijen mae hakomabondere kabaennekoke. Hi yae ha yae ehakoiboi sului. Nebei aerene nemene fomene olomo yae aeumefoke. Nebeibe Wali Ondofolo nebei olomo honowatere aheukoke baeufoke. Allahle homofaene nda wanen molaikoke, “O bumane nenainyejende hilonde kiyaere olomo neungeboke.” Wali Ondofolo aei aerene ohaline baikoke hee, Musale walora wali heere foloukokena olomo neumeboke Neyae kaeuboke. Nebei nibi yae aere neumeboke olomore aheukoke baeufoke.

Titus 2:14

Nana hesele ro miyae naei me beko u beko mokowate huluinye ehee bukulu emmihayendera hole molommebonde naeise, nane merau ro miyae kuyemmile Naei holo mbaise mokombonde naeise, Yesus mehauwae na wali kinyeumiboke. Ro miyae holo mbai me foi u foise mokonatere kena kaban koyate yore Yesus baele.

Ibrani 12:2

Aei ijokobe Yesusre yae eremande, Naei bune wane hamemande. Neyae Allah Naei a elewolere hila rabo halemande yae nekemale naeise kelewoume nane merau na hibi-hibi kelemmele. Neyae Naeisaei Allahle bokore rei mai yae nekenenderene, kena herauboke yae ohaline baikoke, fere koi-koi here ma. Ohaline baikoke u buhae hubawoungebe, rilibo ban mae hereke, nebeisa Allahle kendan wameran meube reufine ekenekele.

Ibrani 12:4

U mekai beko aefoyombene relewaunge kulunne roko mbai mai ha erileiboi.

1 Petrus 2:24

Eyae me u beko na hibi-hibi mokomalere kena kandera umanende naeise, nane merau wali ijen nekemale naeise, Naei uwa melen ohaline baikoke eisa aei beko bakore eleufake. Wali Ondofolo nauwana bauwau yae mare onomi ikembe.

1 Petrus 3:18

Rabuhine ban Wali Ondofolo ro miyae naei beko bako faeinyemmibonde naeise, roko mbai hereke. Mare mokonembombe Allahle ro be ro yoinye u mekai foi yae me baembe naeise, wali himaloungeboke Kiyae ro miyae wali ehimaloiboi yo naeise hereke. Naei uwa herekebe, nebeibe Naei Roh na hibi wali nekewole.