Filipi 1:27 - Allahle a neme heteungekoke homofae

²⁷ Rahe ma benate hororebe, mai walibe niyae Yesus Wali Ondofololena a foi faeu foi boraukoke huluinye nekembe. Nebei mekai nekembene, reyae mai bokore erele, na ererende einya, ereboronde mayae nanemene u bene mbainye nekaube nane merau ro miyae Yesuslena a foi faeu foi kelaeumi huluinye hila rabo halenate naeise na hibi-hibi releyaunge.

Filipi 1:27 ပူးပေါင်းရင်းမြစ်များ

Matius 12:25

Farisi holona yo naei u benena a Yesus naeisaeinye weumi, “Yo yan mbai na ro miyae be hun ma hun nekenatena, nebei yo yan here ware wembonde. Nane merau yo mbai na ro miyae naeise naeise kena ikele nekenatena, nebei yona ro miyae here ware wembonde.

Kisah 2:46

Na yane baei Allahre ei mom-mom imae na kaban sele kiyaele imaehounge mo ongko riya nekayeke. Na kena nime kena haba yae nane merau na rei mai yae imae hira-hira raman bulau anayeke.

Kisah 24:24

Ya heki ban mainyekeukoke mo, Feliks na miyae Drusilale mekete. Na miyae Yahudi maengke. Feliks ukeumi Paulus ekate yawainyehoke meke. Yesus Wali Ondofolore hila rabo halenainyele walora ro miyae na walire hole molommibonde a huweungoke Feliks ninae boroungoke.

Kisah 4:32

Nebei ro miyae hilare rabore halewate yo nemene na kena mbai u mbai. Nebei nolora hi yae naei rambun naei uwa mbai naei yae eleikoi. Nemene na mena-mena rambun honate nemenaei bangka mo.

Roma 1:16

Wali Ondofolole a foi faeu foi hufemile naeise reyae fe ehubaisi, rabuhine ban nebei a foi faeu foi walora Allahlena elae yae ro miyae Wali Ondofolo Naei a elelere hila rabo halaete yore holere molonaimibondere, na bereise Yahudi ro miyae nane merau Yahudi ban ro miyae bele.

Roma 1:5

Yahudi ban ro miyae kaenemamile Wali Ondofolo Naei a elelere hila rabo halenainyele hakonainyele naeise, Naei walora Allah maere kena buhae aere ban mae heumekoke nane merau Yesusle abu akore mokoumeboke.

Roma 1:9

Allah Naei Kelule a foi faeu foi yo ran yo randa raei kena u na maemae hele yae huweimeyamale yae Naei kaliare mokale. Neyae Naeisaei nekele mai naeise reyae ebeline Nare na hibi-hibi eibowanale.

Roma 10:8

Nebeibe nebei ro miyae na hului nda a elende, “Wali Ondofolore hila rabo halennele a faeu mai uwa kelaeunga hele. Naei naeise mai euwa yae na hului elemembe nane merau mai kena u einye na hului nou hembe.” Nebei a mbai meyae mare huwayembe. Nebei a nda wanen huwayembe, “Wali himaloiboi naeise Wali Ondofolo Naei a elelere hila rabo halembe hele.”

Roma 15:16

ukeufe Yesus Wali Ondofolole kaliare Yahudi ban yo u nolo ukainye mokorele. Allahle Roh yae Allahre kena foise mokonainyele u mekaise Yahudi ban ro miyaere mokommibonde nane merau nebei yo hili era akau era wanen mae Allahre kena foise mokonainyele naeise, Allah ukeufe imam wanen mae Naei Wali Ondofololena a foi faeu foi Yahudi ban ro miyaere eremihuwende.

Roma 15:29

Reyae raeisaei mai bokore erele hee, mai kalo moloungkokembe hului Wali Ondofolo raei walora na hului mokonembombe.

1 Korintus 1:10

Aka naei baeke naei, aei Tuhan Yesus Wali Ondofolole Ro eisa nda a yae moi huramale, jemaat u nolo u kainye yoho-yoho yembonde belene, kena u mbai yae nane merau u bene wa bene mbai yae nekaubere hiyei ranemembe.

1 Korintus 15:58

Nebeinye, kena buhae haemale aka baeke, kena u me bobo yae Wali Ondofolore hila rabo halembe. Tuhan wembe a huluinye na hibi-hibi Naei kaliare mokombe, rabuhine ban maisaei nekaube mai kalia mokaubere foi benate.

2 Korintus 13:11

Homo huba mokoikoise nda a yae wamale, mai kena rei mai yae komembe, relenembe mai walibe himalennebombe yae nekembe. U bene mbai nane merau riya mbainye kena rei mai yae nekembe. Allah kena buhae u buhae melaeu nane merau rei mai melaeu mare ei haungemembe.

2 Korintus 4:4

Allahle uwa mbai Wali Ondofolo nene waewae bele Kiyaele a foi faeu foi huwandere isaeyeiboi sului nane merau isaeinyate belene, Wali Ondofolore hila rabo ehalei ro miyae mere mokoumi walobo yun mae nebei yo naei u bene kabe raneumiboke.

2 Korintus 9:13

Mayae nebei rambun wahaeumi yae kelemmile mayae na hele Wali Ondofolo wembe a huluinye nekaube. Mayae Wali Ondofololena a foi faeu foise huwaumi hului mbainye mokombombene, nane merau kena faere-faere yae Yudea kanina ro miyae belere ro miyae nemene belere rambun wahemmilene, ro miyae Allahre hili enainyehebende.

Galatia 1:7

Naeinya hesele wali nibi a foi faeu foi hi u hele! Nebeibe mai nolona ro miyae hiwa Wali Ondofolole a foi faeu foi huwayembe boraubokere benainyehonde naei mekaibe harainyeboke. Naendae mekai horo meyae, malaikat surgana yae bena huwayembere benen wali nibi a faeu ma hi yae ungayende huwenatena, Allah yae nebei yore olomo rorommile. Reyae bere ukamale a mbai nda benen melaelibe mare roramale: Ro miyae nde nde yae wali nibi naei a faeu ma hi yae huwenatena, Allah yae nebei yore olomo rorommile.

Efesus 1:13

Nane merau mayae Yahudi ban ro miyae Yahudi ro miyae aengkele Wali Ondofolo Naei holone mbaise yaendeboke. Mayae Yahudi ban ro miyae Yesusle naeise na hele a foi faeu foi borokaube heene ehe yae kaukoke. Nebei a faeu wae Allah mare wali holere molombokembe. Nebei a foi faeu foi hakowaubene Allah are heteungekoke Roh mare aubokembe yae me noufe herawembokembe.

Efesus 1:15

Nebeinye, mayae Tuhan Yesus Naei a elelere hila rabo halaeube a boroubokale nane merau Allah eleukoke wekeumi holona ro miyaere nemene mayae kena buhae u buhae haeumi a boroubokale heera bae,

Efesus 4:1

Reyae Tuhan Yesuslena a foi faeu foi huwamale aerene kawane hebale kiyae. Mayae Allah yae mare kalia foi mokombe naeise kaenewombe yore reyae moi huramale, Allahle holona yo naei wali ma yae nekemembe.

Filipi 1:5

Rabuhine ban mai bokore ekale heera meke nda heene bele, Yesuslena a foi faeu foi huwewamale are mayae hakoimeyaunge.

Filipi 2:12

Reyae buhaere haemale aka baeke, mai u nolo u kainye namman nekewekale hee bele nda hee ahaunge nekale bele, Wali Ondofolole a elelere mayae hakoyaube ma mbai Allah Elaelo Wakelore hubara haeisa yanaungene, Wali Ondofolole wali hena bona wali nibi are na hibi-hibi relenembe hakomembe.

Filipi 2:24

Tuhan hakoimeyeufene raei kena u hara roroimeyeufene, rabo halaele na heki ban mo reyae erele mangkele emahubayengkonde.

Filipi 3:18

Rabuhine ban ro miyae helen Yesus Wali Ondofolo nekewole wali mare kena okoi, Nare yokeijo wanen. Yesus naendae wanen horo ohaline bonaikonde naeise Neyae isaeyeubokebe, Allah kenare kowole huluinye na hibi-hibi mokowounge. Na bere reyae nebei yokeijo naeise wengkokamale. Nda hee ijoko ibo bele baleufe reyae benen nebei yokeijo na a wamale.

Filipi 3:20

Nebeibe surga aei kani kela niyae. Nebei anuwaufa aei walilo Tuhan Yesus Wali Ondofolo bensonde mendere kena maemae yae rakeyannele.

Filipi 4:1

Reyae kena buhaere haemale aka baeke, benen hubaimakondere kena kaban sele kale. Mayae Wali Ondofolo wembe are hakaungene raei kenare roweisiyeufe, rabuhine ban Allahle ro be ro yoinye mayae raei kuibae (me buhae) wanen yaeuboke. Reyae benen wamale, Tuhan Naei a elelere hila rabo elae yae halemembe.

Kolose 1:10

Meyae nda inyaibonde naeise ebeli boyannele: mai wali mekai Yesus Naei eleukoke wekeumi holona yo naei wali mekaise yembombe, mai wali Allah kena foise na hibi-hibi mokonnele, mai me u foi mokombera rambun foi inyaibonde, nane merau Allahre na foi yae ronnebombe.

Kolose 1:4

rabuhine ban meyae borandekoke aei Tuhan Yesus Wali Ondofolore hila rabo haleyaungele nane merau Yesus Naei eleuboke wekeumi ro miyae nemene kena buhae heyaumile.

1 Tesalonika 3:6

Mana Timotius mai bokone nekewaubera bukeufike meke mai a foi faeu foi maere huwewoume. Naeinya a elewole mayae Allahre hila rabo elaekei sele halaeunge nane merau ro miyaere kena buhae u buhae heyaumi. Nane merau Timotius maere uwoume mayae maei u bene mo nekeyayembe, kena kaban sele kaube maengkele benen hubaimakondere, maei kenane nebei sului mbai releyannele.

1 Tesalonika 4:1

Huba ahumboise, aka naei baeke naei, na bere meyae mai bokone nekewande heene, Allah kena foise mokonnele wali mare meyae kelaeyengkokembe. Mayae na hele nda wali ma nekaube. Mana aei Tuhan Yesus naei Ro eisa meyae a moi bele hurayembe wayembe nebei wali ma na hibi-hibi holennembe.

1 Timotius 1:19

Nane merau weyae releungele yae Wali Ondofolo Naei a elelere hila rabo haleungele nane merau kena u yolo-yolo yae huba haleungekonde naeise, nebei a wawale. Ro miyae hiwa Wali Ondofolo Naei a elelere oboroiboinye, naei kena une beko hubanainyele nane merau naei hila rabo mohi-mohi kamai-kamai yaeiboke, kakai ruka ranne ruwae yae hayeukokene beko yembonde wanen.

2 Timotius 4:7

Oro habelei-sabeleise habelaete ro nahaufa habeleimeyele huluise rainyehike hee na foi yae menensindena na roibu inyainyele wanen mae, reyae Yesus Naei kalia elae haelae meungerelekoukanale nda hee hubare halerengkondere nobeungekokale. Yesus Naei a elewolere reyae hakoumekale.

Titus 2:10

na rowale rambun-rambun yoko yae ebaeijae, na u mekai na yane baei ijenne mo nekenate. Na wali nda merau na hibi-hibi mo nekenatena, Allah aei Walilole are kelenaimilene hiwa yo na kena yobonaimile.

Filemon 1:5

rabuhine ban reyae boroimeyale weyae Yesus Naei a elelere hila rabo halaenae nane merau Yesus Naei eleuboke wekeumi holona yore kena buhae haemae.

Yakobus 3:18

Wali rei mai nekate ro miyae hiwa yore rei mai bele wali ma naeise kelenaimiyende. Nebeise kelaeimi ro miyae hakonaimile ro miyae helen wali himalainyeboke yore inyaibonde.

2 Petrus 3:11

Mana mayae Allah merau raungehike Yesus benen mende yare rei mai yae rakeyaunge. Allahle holona wali ma mo nekemembe, Naei kenare kolere mo mokomembe, rabuhine ban nemene Allah beko mokonnebonde, kun waufe i yae wononde bengkonde, mokouboke rambun no yoni-yoni i naumene hibonaikonde.

2 Petrus 3:14

Nebeinye aka naei baeke naei, nda heera mayae nebei rambun benatere rakembene, Allah kenare kole huluinye mokombere elae relennembe, mai walire Neyae a beko elei sului naeise.

Yudas 1:3

Kena buhaere haemale aka baeke, Wali Ondofolo Naei a elelere hila rabo halaenne wali neme nekande. Nebei wali neme naeise nda homone molorekondere kena kaban kowalebe, nebeibe reyae hubawanale homone nda a usaei hire ufembere, Wali Ondofolole wali nibi are na ijen mae isaeinyaibonde naeise mayae relennele. Yesus Naei eleuboke wekeumi holona ro miyae nemene fomenere nebei wali nibi are isaeyeumiboke. Nebei wali nibi a roko mbai mo ikeume nane merau huba ban haei ban wali neme yeumile.