Efesus 1:7 - Allahle a neme heteungekoke homofae

^7-8 Allah aere kena buhae aere ban mae emekai bele hewoumene, Naei isaei hebaen na bumana hele yae Yesusre ukeunge meke. Na uwana ha rileuboke walora aei beko bakore aheukoke baeufoke, nane merau Allah yae aei beko bako faeinyeumekoke.

Efesus 1:7 ပူးပေါင်းရင်းမြစ်များ

Matius 20:28

Rare erensebo, Reyae Allahle bokora mekale ro miyae uware yeubokale Kiyae Rare mokonaiselere mekale ban. Reyae ro miyaere mokoremilere mekale, nane merau ro miyae helen naei beko bako aherekonde baensonde naeise Raei uwa yae kinyeremibonde honaisebonde.”

Matius 26:28

Rabuhine ban nda Raei uwa na ha. Nda ha yaere Allah a heteungekoke nibi neme ro miyaere wali himalainyeboke yo yae me baemmile a elaekei yeuboke. Ro miyae helen naei beko faeinyeremibonde naeise nda ha yae rilerebonde.

Matius 6:12

Maei beko neban faeinyeumeko, meyae hiwa yo naei beko neban mokaimekokere u bene nundaimekoke wanen mae.

Markus 14:24

Nebeisa Yesus yae weumi, “Nda Raei ha niyae. Ro helen miyae helen aerene ererilembonde. Nda ha yaere Allah are heteungekoke nibi neme, ro miyaere wali himalainyeboke yo yae me baemmile nibi, elaekei yeuboke.

Lukas 1:77

Weyae Allahle holona ro miyaere weumile naei beko bako faeinyemmibonde walora wali hena bona enaiyaronde.

Lukas 24:47

Nda kani kela nemene forilengkonde Yerusalem yora bere huba raungaibonde nda a Wali Ondofolole Ro randa hungaimile, ‘Ro miyae nde na beko bakora nulu kennebondena, Allah naei beko bakora faeinyemmibonde.’

Yohanes 20:23

Mayae ro miyae naei u mekai beko u benera emmihanembe, Allah nebei sului mbai faeinyemmile. Ro miyae naei u mekai beko mayae u benera ehaneinya, Allah nebei sului mbai efaeinyeiboi.”

Kisah 10:43

Allahle yenjo kayaayo yae Naei a faeube isaeyaeimekoke. Nebei yo yae elewate, nde yae Yesus Naei abe elelere hila rabo halennelena, na beko neban ennefaeinyembonde.”

Kisah 2:38

Petrus yae weumi, “Aka naei baeke naei, Allah yae mai beko bakora faeinyenembonde naeise, nulu kenembombe, Yesus Wali Ondofolole Ro yae bu konayembe. Allahle Roh mare ei anembombe hele.

Kisah 20:28

Mai uware kayaa foi yae hebembe. Nane merau Allahle Roh yae ukembe hului jemaatna ro miyae nemenere kayaare foi hebembere. Domba kayaalo hebeyele wanen mae mayae Allahle Jemaat kayaa hebembe. Allah Naei Kelule ha rileuboke yae nebei jemaatre Naei yae eleukoke.

Kisah 3:19

Allah mai beko bakore faeinyenembombe naeise, nane merau wali rei mai bele inyemile naeise, nane merau nendahina a koloukoke hului Yesus Wali Ondofolo mai bokore Allah yae wennele mende naeise, mayae Israel ro miyae beko bakora nulu kenembombe nane merau Allahlere be bembo.

Roma 2:4

Allah kena nime haba yae mare mokoyembe nane merau kena hebaen u hebaen mae mare me onoyoi. Mayae maisaei ban selene Allah merau raungehike, Naei me u foi yae mare moi hurenembe u mekai wa mekai bekora nulu kenembombe. Mayae Allah u mekai wa mekai foi yae mokoyembere rabuhi ban mae elaube!

Roma 3:24

Nebeibe nda hee Allah ro miyaere kena buhae aere ban mae heumikokene Yesus Wali Ondofolole ha yae na bako bakore aheukoke baeufoke aerene, Naei a elelere hila rabo halenate ro miyaere Allah yae wali himalainyeboke yo yae me baemmile.

Roma 3:25

Allah yae Yesus Wali Ondofolo kinyeumiboke naei ha rileuboke walora aei beko bako mokowandere hila rabo yae faeinyembonde naei nibi neme mbai mokouboke. Naei ha rileuboke yae nebei nibi neme elae yeuboke. Ro miyae nebei nibi neme huluinye Wali Ondofolo Naei a elelere hila rabo halenainyele yo, na beko mokowatere faeinyemmibonde. Allah Naei u mekai na ijenne nekeyele naeise kelemmibonderene, nebei me u mokouboke. Allah na kena u heraungeboke nekewolene, waeumihike Yesus emei hee nekewate ro miyae naei u mekai beko mokowate huluinye ehee bukulu eyei.

Roma 9:23

Eyae Yahudi ro miyaere nane merau Yahudi ban ro miyae, Allah yanekoi yase yae ei haweyeume yore, Allah mokoumehake one hengko bele surgane emanekende yore Naei one hengko emekai bele kelemmebondere. Nebeibe bekore mokate yore Allah kena u heraweyele yae mokommile walora Naei one hengkore keleyeume.

1 Korintus 1:30

Allah Nenaeijae mokombokembe Yesus Wali Ondofolo bele mbainye nekaube. Wali Ondofolo yae mokoumeboke Allahle isaei hebaen aei kena une nekele. Naei walora Allahle ro be ro yoinye eyae wali himalanneboke yo yae me baeume, Allah yae eleuboke wekeumi holonare yaendeboke nekande, nane merau aei beko bako aheukoke baeufoke.

2 Korintus 8:9

Rabuhine ban mayae maisaei sele Yesus Wali Ondofolo aere kena buhae aere ban mae heume. Neyae hun bele wai bele Kiyae, nebeibe hun ban wai ban yembonde walora mayae na hului rambun bele yembombe naeise, Neyae hun ban wai ban yeuboke.

Efesus 1:14

Maengke yele angkaei bulu kunyeiboi hemboni yaeimi wanen Allah Naei Roh aumeboke. Allah Naei Roh aumeboke walora eyae isaeyaendekoke, Allah na kelu omire yeumi rambun yoni-yoni aere yemmekonde hele. Naei Roh yae ei hawemmele mende miyae hemboni aheukoke baensonde wanen mae Allah Naei holona ro miyaere hole molommibonde. Nebei me u mokoubokene Allah nene waewae Kiyaere buma hele kaenainyele.

Efesus 1:18

Nebei mekai yaere mai u bene wa bene wewe konengkombe nda rambun name isaeyembombe: mbai nendo, Allah mare kaenengkokembene foi sele yoni-yoni hubayengkombere rabo elae halemembe; bee nendo, Naei eleukoke wekeumi holona ro miyae yae Allahre emekai bele hili hebenainyele;

Efesus 1:6

Allah kena buhae aere ban mae heumene aere Na Kelu buhaere heunge Kiyae ikeume. Nebei aerene Allahre buma kaenainyele hili hebenainyele.

Efesus 2:4

Nebeibe Allah yanekoi yase bele Kiyae aere buhae hele heume.

Efesus 3:16

Allah nene waewae bele Kiyaele me ei u einye honate rambun emekai bele yaeiboke. Nebei nolone Naei Roh. Reyae ebeli banale, Allah mokonnele Naei Roh yae mai kena u elae inyembe. Nebei nibi yae Yesus Wali Ondofolo Naei a elelere hila rabo halembe walora Neyae mai kena ei u einye nekenende nane merau mayae na yaka yae isaeyembombe Yesus Wali Ondofolo yae kena buhae u buhae heyembe.

Efesus 3:8

Allah eleuboke wekeumi holona ro miyae u nolo u kaisa reyae na ro ban sele kiyaebe Allah kena buhae aere ban mae heufekoke. Allah ukeufe Yahudi ban ro miyaere Wali Ondofolole me ei u einye rambun emekai bele honate naei are hufemiyendere.

Filipi 4:19

Reyae eise molanale Allah nene waewae bele Kiyae foi yoni-yoni melaeu Wali Ondofolole walora mai wali rambun emekai bele inyemembe.

Kolose 1:14

Yesusle walora aei beko bako aheukoke baeufokene, aei walina u mekai beko yoni-yoni faeinyeumekoke.

Kolose 1:27

Allah merau raungehike Yahudi yo bele Yahudi ban yo bele na hului nda nunna honaimeke ako faeuko isaeinyaibonde, naei wali einye foi moi mokommiyende. Nebei ako faeuko Wali Ondofolo na bumane hele Kiyae naeise, na nore beunguke nda niyae: Wali Ondofolo mangkele nekembene, mayae na hului rabo elae halembe Naei nene waewaere mayae hubannele.

Kolose 2:13

Na bere mayae Allah bele wahaeukoke nekewaube, rabuhine ban beko bako na hibi-hibi mokowaubene. Mai u mekai beko ro uwa elande nensande mekai omokoiboibe, nebeibe Allah mare hakowombe. Naendae mekai horo mayae beko bako belebe, Allah Wali Ondofolore wali ikeunge heene, Allah nane merau mare wali ikembe. Aei beko bako mokowande Allah yae nda wanen faeinyeumeboke:

Kolose 2:2

Nebei ro miyae na hului Allahle a nunna honaimeke, Wali Ondofololena a, na foi yae isaeinyaibondere nane merau nebei isaei hebaen hului nekenatene foi hubanainyende naeise, reyae merau haraungebokale naeise naeise u bene wa bene mbai yae kena buhae u buhae henate walora na kena u hara roronate.

1 Timotius 2:6

Aei u mekai beko mokowandere ehee bukulu hayemmele helene, Wali Ondofolo aei ehee bukulu fomaiboi naeise Naei uwa yae kinyeuboke. Nebei me u Allah merau raungehike yane ro miyaere a eungeyoboukoke.

Titus 2:14

Nana hesele ro miyae naei me beko u beko mokowate huluinye ehee bukulu emmihayendera hole molommebonde naeise, nane merau ro miyae kuyemmile Naei holo mbaise mokombonde naeise, Yesus mehauwae na wali kinyeumiboke. Ro miyae holo mbai me foi u foise mokonatere kena kaban koyate yore Yesus baele.

Titus 3:6

Allah yae Wali Ondofolo Yesus aei Walilole walora Naei Roh aei waline aumeboke.

Ibrani 9:22

Musale walora wali heere foloukoke hului Allah ro be ro yoinye rambun helen sele holona ha yae yolo-yolo mokoikoyaimi. Nane merau me u beko faeinyeiboise ha yae rilembonde hele, nibi hi u.

1 Petrus 2:24

Eyae me u beko na hibi-hibi mokomalere kena kandera umanende naeise, nane merau wali ijen nekemale naeise, Naei uwa melen ohaline baikoke eisa aei beko bakore eleufake. Wali Ondofolo nauwana bauwau yae mare onomi ikembe.

1 Petrus 3:18

Rabuhine ban Wali Ondofolo ro miyae naei beko bako faeinyemmibonde naeise, roko mbai hereke. Mare mokonembombe Allahle ro be ro yoinye u mekai foi yae me baembe naeise, wali himaloungeboke Kiyae ro miyae wali ehimaloiboi yo naeise hereke. Naei uwa herekebe, nebeibe Naei Roh na hibi wali nekewole.

1 Yohanes 2:12

Mayae jemaat, kena buhaere haemale kelu omi wanen ro miyae, Yesus Ro ranne mai beko bakore faeinyembokembene, reyae nda homone molale.

1 Yohanes 2:2

Aei beko bako aerene Yesus ohaline baikoke hereke. Nebei mekai yae Allahle ro be ro yoinye aei beko bakore aheukoke baeufoke. Aei holona yo naei beko bako mokate aerene mo ban, nda kani kelana hiwa yo naei beko bako aere bele haiboke.

1 Yohanes 4:10

Kena buhae u buhae na mekai nda niyae: eyae Allahre kena buhae u buhae haennekoke ban, nebeibe Allah yae aere kena buhae u buhae heumekoke. Aei beko bakore ahengkonde baensonde naeise, Na Kelu ukeunge meke Naei wali yae kinyembondere.

Wahyu 14:4

Nebei yo naei u mekai beko omokoi naeise miyae maengke bele mbainye ohonoikoi. Nebei yo miyae maengke yele wanen nekate, Domba Kelu yae ende ijende nangkele hakonainyekonde enate. Allah bele Domba Kelule Naei hili era akau era yele wanen inyaibonde naeise, nebei yo ro miyae nolora Yesusle ha yae yaroukoke.

Wahyu 5:9

Neyae nda koi bae eme hele nebei Domba Kelure kainye, “Waei yeisi raeiboi hului na mekai sele ndi homofae rowele na meterai kaneukonde, rabuhine ban Waei ha yae ro miyae nda holora yaroukokae: yoho yoni-yonira, afaeu yoni-yonira, kani kela yoni-yonira.