2 Timotius 3:16 - Allahle a neme heteungekoke homofae

^16-17 Allah Naei kaliare mokate ro miyae u mekai foi moi na mane-mane mokonatere na foi yae mokommihande naeise, Allahle homofae einye molaikoke a faeu nanemene Allah yae nuleungekoke. Nebei a faeu na hului ro miyaere wali mekai ban nekenatere isaeyemmile, wali beko naeise angkaa yoboumile, u mekai wa mekai foise alommile, nane merau wali himaloi-himaloi himalonaimile naeise kelemmikonde.

2 Timotius 3:16 ပူးပေါင်းရင်းမြစ်များ

Matius 13:52

Yesus nda yore weumi, “Nebeinye Musale walora wali heere foloukoke are isaeyaeiboke kelaeimi holona ro mbai Raei me kelee u keleene nekate holona ako faeukore ehe koukoke kiyae nda mekai yae yeuboke. Neyae imae rowa wanen, naei rambunde honate anuwaufa eba he neme bele male belere yakammikondere yaroukoke.”

Matius 21:42

Yesus benen weumi, “Mayae Allahle homofaene nda mekai yae moloukokene kaukoke hele, ‘Imae hei-seise isaei hebaen bele yo na hului banne wokate rukabe Allah yae nebei imae naei berei rukare mokouboke. Aei ijokone erannele nebei wanen mokouboke foi sele.’ ”

Matius 22:43

Yesus nda yore weumi, “Nebei mekai lonbe, naendae mekainye Daud yae Allahle Roh walora kelewoumi hee Wali Ondofolore naei Tuhan mae ro roungeboke. Daud nda a wanen mae eleukoke,

Matius 26:54

Allahle homofaene nulainyekoke rambun na hului sului benaterene nebei malaikat yoni-yoni emei nekate.”

Matius 26:56

Nebeibe nda mekai baete rambun nanemene yenjo kayaayo naei homofae einye molaikokere na hului yembonde.” Nebeisa na moisa orowate yo Yesusre nanene nukainyeboke na fere-fere habeleyeke.

Markus 12:24

Yesus yae weumi, “Homofae yolo-yolone molaikoke, nane merau Allah elae wake naeisa mayae isaeyeiboinye nebeinye onaeube.

Markus 12:36

Era bae Daud nenaei yae Allahle Roh aungebokene eleukoke, ‘Allah yae raei Tuhan Kiyaere weunge, meube reufine mei nuweibo, wa yokeijo nemene mokoremibonde Waei oro kele me kelene mo menai orulembonde?’

Yohanes 10:35

Eyae aeisaei Allahle homona molaikoke yoni-yoni nanemene enaibende. Nebeinye Allahle ako faeukore boroyate na helere eleyate yore allah yae ro royeimi.

Yohanes 3:20

Wali beko bako mokoyate ro miyae Allahle wali hena wali nibire ikele kainye. Nebei wali nibi Reyae kelaemaelere ahi hele, rabuhine ban hehe naeikoyele wanen naei me u mokate naei mare yakammibonde belene.

Kisah 1:16

weumi, “Aka naei baeke naei, Allahle homofaena molowate a na bangka mo na hului benate hele. Na berei Allahle Roh yae Daudle euwara Yudas yae bene nembonde Yesusre ikilenaibonde naeise a raufike.

Kisah 18:25

nane merau Tuhan Yesusle wali nibi einye kelaeinyekoke. Naendae wanen horo Yohaneslena bu kowaimire mo naeisaei yeubokebe, Apolos na kenara roweungehike kowolene Yesusle naeise a na ijen sele yae kelewoumi.

Kisah 20:20

Mayae maisaei makei a mai foi naeise reyae ro miyae bene bele mai imae obene arilesiyaubene kelewamale bele.

Kisah 28:25

Paulus nda a mbai ken ninae herawounge uwoumi, “A na helebe Allahle Roh yae Allahle yendo kayaalo Yesayale euwara mai yobe naei kamahe naeise ukeumi!

Roma 15:4

Kena yae heraumayende yae Wali Ondofolore hila rabo haleyanne walora nane merau Allahle homofae isaei-isaei isaeyaende walora eyae rabo elae halemande Allah nuleungekoke a huluinye mokonde. Nebei wali mare kelewaime naeise, Allahle homofaene a faeu yoni-yoni na bere yae molaikoke.

Roma 2:20

Musale walora wali heere folaikoke einya na hele isaei hebaen homone molaikoke are isaeyeubokalene, Allahle naeise kobu yae eramaele yo bele hila rabo ehenaiboi yo bele reyae na hului keleremile.”

Roma 3:2

Na hele na foi naeise helen sele. Mbai nendo Yahudi yobe more Allah yae Naei a faeu ukeumi.

Roma 4:23

Nda a molaikoke, “Allah nare wali himaloungeboke ro yae me baele.” Nebei are Abraham na uwa mbaise mo ban

1 Korintus 12:7

Nanemene naei foise, ro miyae u mbemba mbemba naeinye Allahle Roh yae yakaumi.

Galatia 3:8

Allahle homofae keleyeumi Yahudi ban ro miyae Naei a elelere hila rabo enaisalende holonare walire himalainyeboke yo yae me emmibaende. Nebei naeise nendahina hele Allah isaeyeuboke. Allah yae Abrahamde nda a foi ukeunge, “Waei eisa nda kanina kelana ro miyae onomi foka hubanayende.”

2 Timotius 2:25

Neyae keleumi are na hele ban elate ro miyaere naei kena nime haba yae a usaei waeisaei kelemmile. Rabo haleyae nebei ro miyaere Allah kena kommikondena na u mekai beko mokowatera mon yemmile nulu kenainyebonde, Wali Ondofolole na hele wali nibi a isaeinyaibonde,

2 Timotius 4:2

Yesus Naei wali nibi naei a foi faeu foi huweumile hele. Ro miyae boronate naeise kena, kena ban weyae keleumile naeise uwa mokoisa-mokoisa yae nekele. A helee bele han bele yae angkaa yoboumile. Homo mbai a mbainye oromembe, beko mokonate holonare a usaei elae yae weungele, nane merau foise mokonate holonare moi hureumile. Nebei mokole hee na hebaen-sebaen mae na mekai bele yae huweumile.

Ibrani 11:1

Rahebe “hila rabore” elande? Nda niyae: eyae kena elae hubanne rambun hila rabo halaenne hului enaibende hele nane merau nda hee yae eyae ereiboi rambun na hele honate.

Ibrani 3:7

Nebeinye Allahle Roh yae nda a eleukoke hului mokombe: “Nda ya, mayae Raei ako faeuko wamalere boraubena,

Ibrani 4:12

Rabuhine ban Allah Naei elele a wali bele elae bele. Ramiyaeli be moi henen bele yae u bulu wa bulu nele wanen, Allah Naei elele a kena ei u einye nele, u bene nekaimi yoni-yoni belere u bene haraimi yoni-yoni belere hului koloyeumi.