2 Tesalonika 2:3 - Allahle a neme heteungekoke homofae

³ Ro miyae naei ame-ame yanenate oboroyeijae, rabuhine ban Yesus benen emei heene, ro miyae nekai sele Allahle ako faeuko moi hainyate nane merau ro nansau fele Allah yae yakanembonde. Nebei ro nansau fele Allah meraufe raungehike yane beko mokonembonde.

2 Tesalonika 2:3 ပူးပေါင်းရင်းမြစ်များ

Yohanes 17:12

Nebei yo bele mbainye nekewande hee, Arai Waei Ro elae yae Rare kinyeufebokae yae nebei ro miyae hole moloumiyekale, kayaa hebeumiyekale. Yudas Allah bele waheneikonde kiyae mo Reyae hole omoloi. Nebei mekai yaere Waei homofae molaikoke abe na hului yembonde.

1 Korintus 6:9

Mayae maisaei sele Allahle me kelee u keleena ro miyae foi hubanainyende rambunde u mekai bekore mokate ro miyae yae ehubaikoi sului. Mare ame-amebe wabenayensimbe bele, nda a wamalere borombe, nda u mekai ma ro miyae nanemene Allahle me kelee u keleene nekate ro miyae foi hubanainyende rambunde ehubaikoi sului: ro miyae yoko kaeimaere koyate, hoime bahere ei moloyaimile yo, ro miyae bele miyae ro bele mbainye hononate yo, ro akobae bele miyae akobae bele uwa mbainye honate yo, yokoyo, ro miyae naei rambunde kena haehae koyate yo, keu bu mali yo, ro miyae hiwa naeise a beko faeu beko huwate yo, ame-ame yae rambunde yarate yo.

Efesus 5:6

Ro miyae a bangka-bangka yae ame-amebe mare wabenensimbere mayae oboroijae hele. Rabuhine ban nebei mekai me u ma yae mokate yo Yesus Wali Ondofolole a elelere oboroi, nane merau nebei yore Allah yae beko mokommibonde.

1 Yohanes 2:18

Reyae buhaere haemale kelu omi wanen ro miyae, nda hee huba mokoikoi yabe nobeungekoke. Mare a usaei uwayembene borowaube nebei yabe emei yae, Yesus Wali Ondofolore ro ban yembondere relennele ro mbai menyakambonde. Nda hee nebei rolena u mekai wanen ro miyae helen maijakauboke. Nebei niyae iwaufa isaeimabonde nana hesele nda hee huba mokoikoi yabe yeuboke.

1 Yohanes 4:3

Nebeibe Yesus Wali Ondofolo ban mae elenatena, Allahle Roh a weumi walora elate yae eleyeijae. Nebei ro miyae Wali Ondofolore ro ban yembondere relennele kiyaele roh a weumi walora elenate. Nebei Wali Ondofolore ro ban yembondere relennele kiyae mende naei a mayae borokaube. Nda hee nebei kiyaele roh nda kani kela eise meke.

Wahyu 17:11

Obo yoku bere wali bele nekeukoke kiyae nda hee wali enekei, nebei niyae ondofolo mehine name nendo. Neyae nebei ondofolo mehine bee holone me baeiboke, nare bekore mokonainyebonde anuwaufe ele.

Wahyu 17:8

Nebei obo yoku eranae, bere wali nekewole nda hee hereke, nebeibe na heki ban mo here a bulu na wauwau helera menyakambonde, nebeisa Allah yae beko ennemokombonde. Nda kani kela mokouboke heene wali hena bona yaronaikonde ro miyae na ro homofaene molaikoke. Nebei obo yoku kiyaere benen yakambonde heene, nda kani kelana wali nekate ro miyae nane homofaene na ro omoloikoi yo fa yae bonate. Rabuhine ban na ijoko yae erenate nebei obo yoku kiyae bere wali nekewole nda hee enekei, nebeibe neyae benen menjakambonde.