2 Tesalonika 1:5 - Allahle a neme heteungekoke homofae

⁵ Nda hee Yesusle me kelee u keleene nekate yo holo aerene mayae beko hubayaungene, na bena honoifoyole yane Allah nebei holo naeise mokoungehake rambun foi mare inyembe. Nebei nibi yakambondene Allah na ijen mae walire hului koloyeumi.

2 Tesalonika 1:5 ပူးပေါင်းရင်းမြစ်များ

Lukas 20:35

Nebeibe bena ya fokehonolene, Allah yae wemmile anainyunde yo, benen rone miyaene kewa yumake mbainye ohonoi.

Lukas 21:36

Kayaa foi yae hebembe. Allahre ebeli bonnele nebei beko bende yare mare hole molonembombe nane merau Reyae, Allahle bokora mekale ro miyae uwa yeubokale Kiyae, benen merele heene mayae buhae ohokoi yae Raei bene hebembe.”

Kisah 13:46

Nebeibe hokolo bee, Paulusle Barnabasle, buhae ohokoiboi benen elayeiboke a na yaka-yaka yae uwaimi, “Na hele Allahle ako faeuko na bere hele mare kelemayengkombere. Nebeibe maei are moi bulewaume nane merau menaeijae a hokaukoke mayae wali hena bona eyaroinye, meyae nda hee mare nukemayembombe Yahudi ban ro miyae naeise emalere.

Kisah 14:22

Nebei yona Yesusre hakainyekoke ro miyae na hila rabo aiminuke nane merau moi hurewaimi Yesuslena a elelere hila rabo halainyele wali ma yae nekenayende. Paulusle Barnabasle nebei yore weimi, “Yesusle me kelee u keleene nekate holonare emayembonde naeise beko helen hubamangkonde hele.”

Roma 2:5

Nebeibe mai kena elae u elae nane merau u mekai wa mekai bekora nulu kenembombere ahi yae elaube aerene, mai uware menaeijae ehee bukulu yun ran kaembaei ranne hainyembe naeibe abunaube. U mekai bekore mokate ro miyaere na ijen mae Allah me nommiyonde naei menjembonde heene, Naei ikele han hubanainyende hele.

Roma 8:17

Eyae nebei ma nekemalena, nane merau Allah naei kelu omire imabondena, Allah are hetewounge Na me einya honate rambun aere emmewahendere, Wali Ondofolo bele mbainye emayaronde. Nane merau Wali Ondofolo one hengko bele yae kiteungeboke wanen mae aere kitemmebonde naeise, eyae Naeinya hului beko hubamande hele.

Efesus 4:1

Reyae Tuhan Yesuslena a foi faeu foi huwamale aerene kawane hebale kiyae. Mayae Allah yae mare kalia foi mokombe naeise kaenewombe yore reyae moi huramale, Allahle holona yo naei wali ma yae nekemembe.

Filipi 1:28

Nebei u mekai releyaunge yae mai a keleyaumire na hele ban elate ro miyaere fe efaei u mekai yae ennekembena, nebei yo isaeinyaibonde nare bekore emmimokonde iwaube yeuboke nebeibe mare holere molonembombe iwaube yeuboke, nane merau nebei rambunde Allah yae mokombonde.

Kolose 1:12

aei Araise helen foi na hibi-hibi wennembe. Rabuhine ban Neyae elengkokembe nane merau mare ranenjekembe Naei hehe bele yo wakune emembombe, nebeinye mokoungehake rambun Yesus Naei eleuboke wekeumi yo holona bele hubannele.

1 Tesalonika 2:14

Mayae aka naei baeke naei, Allahle Wali Ondofolo Yesusle Yudea kanina jemaat naei bune wane hamewaunge. Neyae Yahudi yo yae weitasi kowaimi hubawainye wanen mbai mayae mai yona yanna yo yae beko mokowayembe hubawaunge.

2 Tesalonika 1:11

Nebei a maeisaei nekandene, roko helen Allahre mai naeise ebeli boyannele. Yesus a wembe hului mokombere kaenengkokembe. Meyae riyeyannele Naei a wembe hului mokaubene, Allah rei mai yae me buhaere inyembe. Meyae ebeli boyannele mai merau foi rannehimbere, nane merau Yesusre hila rabo haleyaube aerene me u foi mokongkombere, Allah Nelae wake walora yembonde.

2 Timotius 2:12

Wali Ondofolole aerene weitasi kaimere kena yae heraumandena, Wali Ondofolo aengkele mbainye mere emamokonde. Wali Ondofolore onaenne yae emalendena, Wali Ondofolo aere oneume yae enelengkonde.

Wahyu 15:4

Tuhan, ro miyae nemene fomene Ware huba haeisa yanayete, nane merau Waei Rore hili hebayete. Rabuhine ban Tuhan, Wembai sele nene waewae bele. Kani yoni-yoni nemene hokonaimende, Ware ei molonayete, rabuhine ban Weyae na ijen bangka mo mokowoyae naeise yakauboke.”

Wahyu 16:7

Reyae borale hili era akau erare ongkou felate itukaisa elele, “Tuhan Allah Elaelo Wakelo, na hele yae nane merau na ijen mae Weyae ro miyaere me noyamae.”

Wahyu 19:2

rabuhine ban na hele yae nane merau na ijen mae Allah yae walire hului ikolowoumi. Nebei rore rainyeke yoko miyae kaeimae miyae naei yoko kaeimae kowole yae nda kani kela na ro miyae na u bene beko mokowoumi kiyaere Allah yae me nokeunge. Nebei miyae Allah Naei kalia mokowate yore houkoke kiyaere Allah ehee bukulu na mekaibe ikeunge.”

Wahyu 3:4

Nebeibe mayae jemaat Sardisna nekaube u nolo u kainya ro miyae mbemba wali nibi bekore ehakoiboi nekate. Nebei yo Allah yae yeisi raeiboi bele yo yae me baeumene, Rangkele malo keleumon mae uwa molonaimebonde, ele mele mbainye oromale.