2 Petrus 3:9 - Allahle a neme heteungekoke homofae

⁹ Hiwa yo yae elate Allah yae Yesusre wennele benen mende naeise Allah haneungekokene, are eleukoke huluinye omokoiboi. Nebei a hele ban. Allah mai aerene na kena heraumeyele, rabuhine ban ro miyaere beko mokommikondere Allah ahi hele. Allah Naei kena kaban sele kole ro miyae nemene fomene nulu kenaimibonde.

2 Petrus 3:9 ပူးပေါင်းရင်းမြစ်များ

Roma 13:11

Ya nobene benatere maisaeinye, na ranne moloukokale a huluinye nekembe. Mai wali ijongkune kaube wanen nekaubera annumbe, rabuhine ban eyae Wali Ondofolore hila rabo hengkelen randehikera haleimeyande nda hee wali holere molommebonde ya nobeungekoke.

Roma 13:12

Reniai koko na heki ban huba mokonnele wanen u mekai beko mokate ro miyae u nolo u kainye nekandera na heki ban eyae emayembonde, rabuhine ban Yesus benen mende ya nobeungekoke. Nebei aerene oubenne mokate me u beko yoni-yoni mokandera hee nema. Men, felayo rolonsan hehene fela hun raisiyeumi rambun hirate yo wanen, walobo yunde hun ramansinde me u yoni-yoni mokomande.

Roma 2:4

Allah kena nime haba yae mare mokoyembe nane merau kena hebaen u hebaen mae mare me onoyoi. Mayae maisaei ban selene Allah merau raungehike, Naei me u foi yae mare moi hurenembe u mekai wa mekai bekora nulu kenembombe. Mayae Allah u mekai wa mekai foi yae mokoyembere rabuhi ban mae elaube!

Roma 9:22

Allah na ijen ban mokole naeise ro miyae mbai eleikoi sului. Beko bakore Allah kena ikele nane merau beko bako mokate ro miyaere Allah na hingkin na yun ran kaembaei ranne ehee bukulu emmihayende. Nebeibe Naei kena ikelere mokainye ro miyae, beko mokommikonde naeise nuleungekoke yare, Allah kena u yae heraweyele.

1 Timotius 1:16

Reyae nebei u mekai yae nekewale hororebe, Yesus Wali Ondofolo yae reyae u mekai na beko hele nekewale kiyaere yanekoi yase yae ei hawewoufe. Ro miyae Nare hila rabo halenate wali hena bona enaijaronde yo ijoko erenate Yesus Wali Ondofolo kena hebaen-sebaen na kaban sele nekele naeise, Neyae rare yanekoi yase yae ei hawewoufe.

1 Timotius 2:4

Allah Naei kena kole ro miyae nanemene hole emmimolombondere nane merau Wali Ondofolole na hele wali nibire isaeinyaibonde.

Ibrani 10:37

Rabuhine ban Allahle homofaene nda wanen molaikoke: “Allah yae eleukoke, ‘Mendere rakaunge Kiyae na heki ban mende. Naei mende ya moise yae oyoboi.

1 Petrus 3:20

Nebei nulu mahe yoni-yoni, na bena hele Nuh nekewole heena Allahle ako faeuko uwaimi huluinye ehakoi nekewate ro miyae naei nulu mahe. Nuh kai kaban mokowole heena Allah na hebaen-sebaen hele rakeumiyeke. Nebei kai kaban einye ro miyae mehine name hele mo nebei bu kaban ufekokera hole moloumiboke.

2 Petrus 1:4

Nda kani kelane nekate ro miyae naei bekore kena haehae kate hului nekate. Allahle are heteumekoke wali nibi a walora mayae na hului Naei u mekai ma yae nekembe, nane merau mai bekore kena haehae kaube huluinye ehakoyei naeise, Allah nebei a na foi sele mare yakaubokembe.

2 Petrus 3:15

Nda a u benene nekenayembe, aei Tuhan Yesus ro miyaere hole molommibondere kena kolene, naei kena herauyele. Aei aka baeke Paulus nebei a mbaibe Allah yae isaei hebaen ikeunge huluinye mai naeise homo einye moloukoke.

Wahyu 2:21

Reyae nare mon ikanale u mekai beko mokelera uwa olomombonde, nebeibe neyae ahi.