2 Korintus 6:4 - Allahle a neme heteungekoke homofae

⁴ Meyae Allahle yebaei bubaei hele yae nekande yo, maei me u nemene ikelewammi Allah weume a huluinye nekande. Nda u mekai beko meisubaime hororebe meyae kena yae herawandeke Wali Ondofolore hila rabo eisalewanne: kena bekore mokoume rambun eisubawandene, maei uwane beko ibewatene, kena beko u beko ikowandene,

2 Korintus 6:4 ပူးပေါင်းရင်းမြစ်များ

Lukas 21:19

Rare hila rabo halensemembe walora wali hena bona hubayengkombe.

Yohanes 16:33

“Mayae rei mai onomi foka Raei einye enjarombe naeise Reyae nane a nanemene mare isaeyaemale. Nda kani kela einye me beko u beko hubannele, weitasi konayembe. Nebeibe mai kena u elae hebembe, rabuhine ban nda kani kela beko mere nulaiboke yo meleumihakamaele.”

Kisah 2:22

“Aka naei baeke naei Israel ro miyae nda wamale are boron, Allah na yaka hele yakambokembe, Yesus Nasaret yona Ro Naei bokore ukeunge eke. Mayae maisaei Allah Naei walora rambun emere-emere mokoimeyele nane merau iwau mahi-mahire keleimeyele.

Kisah 20:34

Mayae maisaei, raei wali rambun nane merau raei moisa orowate yo naei nemene raei roibuna mokowekale.

Kisah 9:16

Reyae erengkelembonde Raei Ro aerene neyae beko helen hubannekonde.”

Roma 14:18

Nebei wali ma nekate yae Wali Ondofolole kaliare mokole kiyae Allahre kena foibe mokounge, nane merau hiwa yo yae nebei kiyaere ei hawenainyele.

Roma 16:10

Beko hubawounge hororebe namman Wali Ondofolo Naei a elelere hakounge kiyae Apeles bele raeinya ro melaeyennebombe. Aristobulusle imae einye me baeiboke yore raeinya ro melaeyemmibombe.

Roma 3:5

((Nendahina Allah yae a heteungekoke, eyae Yahudi ro miyae weume are hakomalena, foi mokommele.)) Nebeibe eyae wali na ijen ban nekandene, Allah nebei foi omokoi nane merau nebei walora Naei u mekai ma na ijen mo yakannele. Eyae Yahudi ro miyae yae Allahle u mekai ma na ijen mo yakannelene, naendae wanen, Allah ikele kolene aere ehee bukulu emmehayendere na ijen ban? (Nda ro miyae hului yae haraungeboke are elale, Allahlena ban.)

Roma 5:8

Nebeibe Allah aere kena buhae hemmele naeise nda nibi yae keleumeboke: Eyae u mekai beko yae namman aeumefoke hurewande hee, Yesus Wali Ondofolore ukeunge aei aerene meufereke.

1 Korintus 3:5

Apolos nde? Reyae Paulus nde? Meyae Allahle yebaei bubaeise nekande, Allah yae ukeume hului uwayembe walora mayae Wali Ondofolore hila rabo halewaunge.

1 Korintus 4:1

Nebeinye, Wali Ondofolole yebaei bubaeise nane merau Allah nunne heraweuboke honayeke meraufe raungehike are faeufe humamiyendere maei baka ranne raumehike yo yae maere eremmele.

1 Korintus 9:11

Meyae mai wali einye Allahle Roh naei ohaka meleme kolandebokene, na mekai sele maei wali rambunde mai me eisa yaromale.

2 Korintus 11:23

Nebei yo Wali Ondofolo Naei kaliare mokate yo yae elate. (Keunga ro miyae wanen mae elale.) Reyae nebei yore moi wokamaele. Nda weitasi kowaiselere ro miyae rare ehameikoi: kalia roi yae bu yae bewekale, kawa einye roko yae roko yae ahaeiseke, rahuae elae baiseke, kena beko isubawanalene hereinyen-hereinyen ikowale.

2 Korintus 11:27

Nda wali ma isubawanale: kalia ehekaei no ban hee ban imokowale, roko helen ijongku ikabewanale, moni mai, buki, raman ban nekewale, manse, malo ban.

2 Korintus 11:9

Nane merau mai u nolo u kainye nekewale hee mainya rambunde eriyei mo, rabuhine ban kalore moloufe rambun Makedonia kanira mate aka baeke yae na hului mokoiboyaisele. Nda hee bele mainya roi eriyeisi mo, benen eriyeyei mo nekerendere.

2 Korintus 12:10

Nebei aerene Wali Ondofolole foi naeise nda rambun beko mokaise yae kena roweisiyaise: raei uwa male u yambi u yae ikowale, raei rore a yae isorowate, aukaka yae enaisekonde, kena beko u beko ikowale, weitasi eikowaise, kalo eisubawanale. Rabuhine ban male yambi hubanale hee Wali Ondofolole walora elae yeiboyale.

2 Korintus 12:12

Kena u yae herawewekale ma reyae Wali Ondofolole abu akore yeubokalere kelerembombe naeise, rambun emere-emere mahi-mahi mai u nolo u kainye mokowekale.

2 Korintus 2:17

Nebei Allah yae maere ukeume Wali Ondofololena a foi faeu foise ro miyae helen mae nai hei-sei rambun wanen mae mokainye ma yae meyae ehuwei, nebeibe Allahle ro be ro yoinye meyae Naei abu ako wanen mae maei u bene yolo-yolo yae mekai haranneboke huwayembe.

2 Korintus 3:6

Allahlena elae wake yae maere kiteumeboke ro miyaere wali himalainyeboke yo yae me baeyeumi are heteungekoke nibi neme a ro miyaere kelemamile. Nebei nibi neme Musale walora wali heere folaikoke a walora ban, nebeibe Allahle Roh walora. Musale walora wali heere folaikoke a huluinye ehakoiboi ro miyae Allah bele wahaeikoke nekate, nebeibe Allahle Roh weumi a huluinye hakainye ro miyae wali hena bona u mekai hubanainyele.

2 Korintus 4:17

Rabuhine ban nda heena kena beko u beko foma-foma bele nda wali fofone hubannera Allah yae nene waewae bele uwa yemmele huba ban haei ban nekamale. Allah yemmele wali ma na foi sele nda kena beko u beko bele wali mara.

2 Korintus 4:2

Maere fere mokommele me u yoni-yonire na moi-moi sele yae mokowandera hee nekande, ame-ame yae ebei, nane merau Allah yae ukeume a usaei wasaeise roko mbai na ijen ban mae ehuweikoi. Nebeibe Wali Ondofolo na hele wali nibi are na yaka yae huwayembene ro miyae nemene kena u einya bele huluise kolommelene, isaeinyaibonde Allahle ro be ro yoinye meyae na ijen mokande.

2 Korintus 4:8

Maere enera faeisa beko mahi-mahi hubaime hororebe, Wali Ondofolole kaliare namman mokande. Rahe nibi yae Wali Ondofolole kaliare mokomalere meyae onaende handande hororebe, kena elae roweume Neyae maere hakommele.

2 Korintus 7:11

Eren, Allah mokombokembe kena beko u beko kowaungene nda rambun yoni-yoni bewate: rilibo ban mae mai jemaat nolona beko yoni-yonire hiyei ranembombere, mai ro miyae meleyae foi mokauboke naeise maere isaeyemmebombere, nebei bewate naeise ikele yae kowaubere, Allah mare ehee bukulu inyembere buhae hokowombere, kena maemae hele Allah wembe a huluinye nekembere, mai uwa mokaungehake bekore mokouboke rore ehee bukulu hayennebombere. Na yaka kelewaunge nebei u mekai bekore mayae omokoi.

Kolose 1:11

Meyae riyannele Allah mare elae baranembe, naei bumana hele elae huluinye. Nda elae walora mayae na hului nda wali ma nekembe: wali beko hubannembe hororebe na hibi-hibi Wali Ondofolore hila rabo halennele, kena hebaen-sebaen mae nekemembe, nane merau mbai rei mai rowenensimbe yae

Kolose 1:24

Jemaat Wali Ondofolo uware yeuboke. Jemaat aerene reyae beko hubanale nebeibe rei maibe roweisiyeufe, rabuhine ban nda kani kelane nekewole heene jemaat foi naeise Wali Ondofolo beko hubawounge wanen mbai nda hee jemaat foi naeise reyae beko hubanale.

1 Tesalonika 3:7

Aka naei baeke naei, meyae a borandeboke mai Wali Ondofolore hila rabo halaeunge kaban selene, maei kena kaeumeboke naendae wanen horo mahi-mahi helen maere kena beko mokoyaime nane merau ro miyae maere weitasi koyaime.

1 Tesalonika 5:14

Aka naei baeke naei, meyae moi hurayembe, kalia omokoyei yore angkaa yobommile. Buhae-buhae koyate ro miyaere kena elae yemmiyembe. Elae ban wake ban nekate yore hakommiyembe. Ro miyae hiwa bele kena hebaen u hebaen mae nekemembe.

1 Timotius 2:15

Miyae maengke Wali Ondofolo Naei a elelere hila rabo halennele bele, ro miyaere kena buhae hemmile bele, nane merau Allah kena kole hului na wali haranaimilena, kelu omi hononate hee Allah nare hole moloumiyeumi.

1 Timotius 4:6

Timotius, aei aka baekere nda wawale are no ban hee ban isaeyeumilena, weyae Wali Ondofolole kaliare mokate holona ro foise yeubonde. Eraman uware elae yeumi wanen mae Wali Ondofolo Naei a elelere hila rabo haleimeyeyae bele Naei wali nibire kelaeimi are hakoimeyeyae bele wa kena ure elae mokoimeyayete.

1 Timotius 6:11

Timotius, weyae Allahle holona ro, nebei u mekai wa mekai bekora wauwa wewende. Weyae baele u mekai nda niyae: wali ijen, Allah kena kole hului nekele, Wali Ondofolo Naei a elelere hila rabo haleungele, ro miyaere kena buhae heumile, beko hubaungele hororebe no ban hee ban Wali Ondofolore hakoungele, kena nime haba yae nekele.

2 Timotius 1:8

Nebeinye aei Tuhan Yesus Naei a yakaiboi naeise fe ehubaijae. Allah aere hole moloumeboke nane merau kaeneumekoke u mekai yolo-yolo bele nekemayende. Aei me u foi mokandebokene ban, nana hesele Nenaeijae haraungeboke huluinye nane merau aere kena buhae aere ban mae hemmele aerene Allah nebei me u foi mokouboke. Nda kani kela omokoiboi heena Allah yae meraufe raungehike Yesus Wali Ondofolo aere na kena buhae aere ban mae hemmele. Nda hee Yesus Wali Ondofolo aei walilo meke, here elae ban mokoungeboke, nane merau Naei a foi faeu foi walora wali hena bona nibi yakaumeboke. Nda wanen mae Allah aere kena buhae hewoume. Nebei a foi faeu foi hufemiyenderene nane merau keleremiyenderene Allah rare eleufeboke naei abu akore yeubokale. Nebei aerene reyae beko hubanale nane merau kawane bele haeisekoke. Nebeibe reyae fere ehubai, rabuhine ban reyae Yesusre roungebokanale, Nare hila rabo halaenale. Reyae isaeyeubokale Naei kinyeufeboke hufemile Wali Ondofolole wali nibi are Yesus na hului hole molonnele, Neyae bensonde mende yane. Yesusle aerene rare kawana haeisekoke eraufene fe okoijae. Allahlena elae yae yeume walora reyae huwale wanen mbai, weyae Tuhan Yesusle a foi faeu foi huwele naendae wanen horo ro hi miyae hi beko mokonayete.

2 Timotius 2:24

Allahle yebaei bubaei ro miyae holona han felare okoyei sele. Neyae ro miyaere kena nime haba yae ei hawemmile, na hului ro miyaere a usaei waeisaei kelemmile, na kena u einye rilibo ehayei.

2 Timotius 4:5

Nebei mekai benate hororebe wauwa kayaa foi hebele, beko eungehubandere kena yae herawewende, Yesuslena a foi faeu foi huwamaere Allahle yebaei bubaei wanenne kalia foi yae huba haei eungehaleukonde.

Ibrani 12:1

Allah Naei a elewolere hila rabo halewainye ro miyae helen yanaimekoke ijoko isa eraime aerene, men, aere oro halunde hayeyeume rambun bele u mekai beko yoni-yoni mokoimeyande bele aei uwane aeimefoke rambun nanemene rubomambon. Holoka kate ro miyae no ban hee ban habelaete wanen mae, eyae kena heraumale yae Wali Ondofolo a weume huluinye mokomabon.

Wahyu 1:9

Reyae Yohanes, mai aka baeke wanenne maengkele beko hubannele nane merau Yesusle me kelee u keleene nekande. Yesusle kalia mokandene beko hubannele hororebe, na hebaen-sebaen mae Yesus Naei a elelere na hibi-hibi hila rabo halemayende. Allah weufe a faeu bele nane merau Yesuslena a isaeyaemaele bele aerene rare Patmos yokobane aisewoke nekewale.

Wahyu 3:10

Raei a eleukokale huluinye beko hubawaungele hororebe, no ban hee ban hakowaufe. Nebeinye nda kani kelana nekate yore umalire beko yae mennende hubanainyele heene, Reyae mare kayaa heberembe.