2 Korintus 6:16 - Allahle a neme heteungekoke homofae

¹⁶ Allahle ei mom-mom imae bele walobole ei mom-mom imae bele nenaei nenaei ma, rabuhine ban wali bele Allah yae nekende imae eyae niyae ((nebeibe walobo nekate imae wali ban rambun niyae)). Allah Nenaeijae eleukoke: “Reyae nebei ro miyae bele wali mbainye nekemale nane merau naei u nolo u kainye eroronde. Reyae nebei yo naei Allahre isebonde, nebei yo Raei holona yore inyaibonde.”

2 Korintus 6:16 ပူးပေါင်းရင်းမြစ်များ

Wahyu 21:3

Nebeisa reyae borale nebei kendan wameranda a kaban don mae kaenele, “Eren, nda hee Allah nekele anuwau ro miyae nolone hebele. Allah ro miyae bele wali nanembainye nekenate. Nebei yo Allahle holona ro miyaere inyaibonde, nane merau Allah nebei yo naei Allahre yembonde.

Ibrani 8:10

Bena ya mendene, Reyae nda wali himalainyeboke yo yae me baeremile nibi Israel ro miyaere a heteremikonde. Nebei yo naei u bene wa bene einye Raeinya wali heere foloukokale are haufemile nane merau naei kena u einye nebei a eremolongkonde. Reyae naei Allahre isebonde, nebei yo Raei ro miyaere inyaibonde.

1 Korintus 6:19

Mayae maisaei sele mai uwa Allahle Roh yae nekele anuwau. Nebei Roh Allah Nenaeijae mare ikembe. Mai uwa mai naei ban, nebei uwa Allahle naei.

Roma 8:11

Nane merau Allahle Roh, Yesus Wali Ondofolore nulu yo mahe yora aungunuke Kiyae, mai kena u einye nekendena, nebei Roh yae mai uwa einye nekele here bele uwa kayeero benen wali neme inyembe.

Wahyu 21:7

Ro miyae nde beko hubanainyelebe, nebeibe na hibi-hibi Raei wali nibine oronayende yo nebei rambun nanemene Reyae eremiwahende. Reyae naei Allahre isebonde, neyae Raei kelu omire inyaibonde.

1 Yohanes 4:15

Ro miyae nde Yesusre Allahle Kelu yae na hele elende kiyae, Allah bele mbainye nekete nane merau nebei kiyae Allah Nangkele mbainye nekete.

Yohanes 6:56

Nde yae Raei uwa melende bele hare bele anele kiyae Raei einye nekele nane merau Reyae naei einye nekale.

Ibrani 3:6

Nebeibe Yesus Wali Ondofolo Allahle Kelu yae Allahle holona yore Allah weunge hului yae me mokoumi. Eyae kena wauwau okoinya, nane merau Allah elele a huluinye mokondere rabo elae halemandena, eyae Allahle imae obe niyae.

2 Timotius 1:14

Nebei wali nibi naei a foi faeu foise reyae ware kelewawale nane merau Allah ukete ro miyaere huweumilere. Allahle Roh aei uwa einya nekele elae yae nebei a foi faeu foise hole molonnele.

1 Yohanes 4:12

Ro miyae roko mbai sambai Allahre ereiboi hororebe, kena buhae u buhae aeise naeise hemalena, Allah aei wali einye nekende nane merau Na kena buhae u buhae aei kena u einye na hului yembonde.

Roma 9:26

Nane merau, “Nebeinya ro miyae Allahle ro miyae bande elaikoke anuwaunge, nebei ro miyaere Allah wali bele Kiyaele kelu omi yae ro ronayembe.”

Roma 8:9

Nebeibe mai kena u einye Allahle Roh na hele nekendena, mayae bekore kena kaube harayembe elae huluinye wali enekei, nebeibe Allahle Roh yae wembe huluinye wali nekembe. Nane merau Wali Ondofolo yae yeumi Roh kena u einye enekei ro miyae, Wali Ondofolole holona yo ban.

Efesus 2:20

Imaere nda mekai heyate: mekele hu, nelae, wa, fenaa, yan, rambun hi bele ahuneiboyate. Allah Naei imae nebei wanen mae heuboke. Yesus Wali Ondofolo kose hu wanen. Yesus Naei abu ako bele Allah Naei yenjo kayaayo bele mekele hu wanen. Yesus Naei me kelee u keleene orulaiboke ro miyae, wa, fenaa, yan, rambun hi bele wanen. Nebei rambun ha yae ahunenaibonde yae imaebe henate wanen, ro miyae Yesus Wali Ondofolo Naei a elelere hakainye yae Allahle holonare inyaibonde. Neyae Allahre ei mom-mom imae wanen yembonde.

Matius 6:24

“Ro miyae mbai rowa bee naei yebaei bubaeise eyeiboi sului. Rabuhine ban hire ikele yae konnele, hire buhae yae hennele. Nane merau hire mo boronnele, hire oboroi. Allah Naei a elele hakombombe bele roise abunembe kena roungensimbe bele na beene na kulun mbainye mayae omokoiboi sului.

Wahyu 2:1

“Efesusna jemaat na malaikatre homo nda wanen mae moloukonde: Nda a niyae findelau mehine beere Na me meube reufine ikileuboke nane merau oro bele isehere naeyele rambun mehine bee emasra mokaikoke u nolo u kaisa orole Kiyaelera:

Matius 16:16

Simon Petrus yae weunge, “Weyae Niyae Allah yae oro umaufe heraweubokete Wali Ondofolo, Allah huba ban haei ban nekeimeyele Kiyaele Kelu.”

Yohanes 14:23

Yesus yae weunge, “Rare kena buhaere haeise ro miyae, Reyae kelaemaele a usaei wasaei huluinye hakonde mokonde. Maeko nebei kiyaere kena buhae hennele. Meyae nebei kiyaele bokore ale, nanembainye emanekende.

1 Korintus 10:21

Mayae Tuhan bena bele walobolena bele raman bele bu bele yembe bu anengkombe aneisimbe wanen na kulun mbainye, Neyae wembe a huluinye enekei sului.

Efesus 2:22

Wali Ondofolo Naei a elelere hakaunge yae mayae Allah yae nekele imaebe namman heimeyembe, Naei Roh walora Neyae mai kena u einye nekeyele.

Yakobus 4:5

Mayae maisaei Allahle homofaene na hele nda a mekai molaikoke, “Mai kena une kena haehae koweke rambun yoni-yonire yarongkombere.”

Lukas 5:36

((Nda ahuba beene malo male bele anggur bu anuwau male bele na u mekai Musale walora wali heere foloukoke are hakainye ro miyae wanen Yesus yae a ahuneuboke. Malo neme bele anggur bu anuwau neme bele na u mekai Yesus Naei a elelere hila rabo halaeinye ro miyae wanen a ahuneuboke.)) Nebei ahuba nda mekai huwoumi, “Hangkande malo neme yae malo male ranne oboyei. Rabuhine ban nebei malo neme kingkombonde malo malere yobongkonde benen kaban sele kayengkonde. Nane merau nebei malo neme malo malene hakan ungatena nayaka yembonde.