2 Korintus 5:5 - Allahle a neme heteungekoke homofae

⁵ Allah yae surgana imae wanen uwa bele huba ban haei ban nekemande naeise mokoumeboke bele nebei uwa neme yemmebonde belere kelemmebonde naeise, Naei Roh ikeume.

2 Korintus 5:5 ပူးပေါင်းရင်းမြစ်များ

Roma 8:23

Nebei yoni-yoni mo ban, nebeibe eyae Allahle Roh ikeume mende Naei kelu omi yae one hengko bele emmekitembonde yo. Aei uwa neme yemmebonde yare kena roweumihike rakeimeyande yae, kena ei u eisa ele-ele kali-kali kande.

2 Korintus 1:22

Naei holona ro miyaere eyae yaendebokere kelemmebonde naeise, nane merau aei naeise mokoungehake rambun nanemene emmeyende helere kelemmebonde naeise, Allah me nou heraweuboube wanen aei kena u einye Naei Roh aumeboke.

2 Korintus 4:17

Rabuhine ban nda heena kena beko u beko foma-foma bele nda wali fofone hubannera Allah yae nene waewae bele uwa yemmele huba ban haei ban nekamale. Allah yemmele wali ma na foi sele nda kena beko u beko bele wali mara.

Efesus 2:10

Rabuhine ban eyae Allah yae mokowoume ro miyae. Na bere hele Allah me u foi yoni-yoni mokoungehake. Nebei me u foi yoni-yoni mokomande naeise, eyae Yesus Wali Ondofolole walora ro miyae u mekai neme mokoumeboke.

Efesus 4:30

Mai u mekai beko yae Allahle Rohre kena beko omokonnemae. Nebei Roh yae huba mokoikoi yane mare hole molonembombe iwaube Allah mauwane me nou herauboke.

1 Yohanes 3:24

Nde yae Allah weumi are hakoyainye yo Allahle einye nekate nane merau Allah naei kena u einye nekele. Allah aei kena u einye nekele naeise Allahle Roh ikeume yae isaeyemmele.