2 Korintus 4:14 - Allahle a neme heteungekoke homofae

¹⁴ Rabuhine ban meyae isaeyaendeboke Tuhan Yesusre here u nolo u kaisa aungunuke Allah Kiyae mbai yae aengkele Yesus Naei nanembainye ammenunde, nane merau mangkele yawemmebonde Yesusle ro be ro yoise yae emale.

2 Korintus 4:14 ပူးပေါင်းရင်းမြစ်များ

Lukas 21:36

Kayaa foi yae hebembe. Allahre ebeli bonnele nebei beko bende yare mare hole molonembombe nane merau Reyae, Allahle bokora mekale ro miyae uwa yeubokale Kiyae, benen merele heene mayae buhae ohokoi yae Raei bene hebembe.”

Kisah 2:24

Nebeibe herewate yo nolora Allah yae waleungeboke. Neyae herera beko hubaungekoke nebeibe Allah raneungejeke, rabuhine ban Neyae here yae eheraweiboi ohonoi Kiyae.

Kisah 2:32

Nda Yesus mbai herekerabe Allah yae waleungeboke nebei rambun-rambun bewatere nemene enaei ijoko yae erewande.

Roma 8:11

Nane merau Allahle Roh, Yesus Wali Ondofolore nulu yo mahe yora aungunuke Kiyae, mai kena u einye nekendena, nebei Roh yae mai uwa einye nekele here bele uwa kayeero benen wali neme inyembe.

1 Korintus 6:14

Allah Naei elae yae Tuhande mo ban nulu yo mahe yora waleungeboke, nebeibe Neyae aei uware bele walemmebonde.

2 Korintus 11:2

Allah mai naeise kena me yae heyele wanen reyae mare kena me yae heyale. Rabuhine ban mayae raei maengke yele reyae mare Wali Ondofolore molone hambokamale wanenne, reyae kena kaban kale Neyae wembe a huluinye nekembe.

Efesus 5:27

Nebei mekai yaere Wali Ondofolo mokonnebonde nebei jemaat Na ro be ro yoinye me u bekore mokoyate yo ban, nebeibe yolo-yolo ma, nane merau hiwa yo nare a beko ewei sului wali ma nekenate.

Kolose 1:22

Yesusle a foi faeu foi mayae boraukoke nane merau nda kani kelana yo nemene aimihuweukoke. Mayae Yesusle a foi faeu foi hila rabo elae halemembe nane merau neinye honate a benatere rabo elae halemembene, Yesus hereke walora Allah mare foi mokombokembe. Nebei nibi yae Neyae mokouboke mai wali alombokembe ma nane merau bekore ewei sului ma Naei bene hanembombe naeise. Yesusle a foi faeu foi reyae Paulus yae ro miyaere na hibi-hibi huweyamaele.

Kolose 1:28

Meyae Wali Ondofolole ako faeuko isaei hebaen eisa ro miyae nemene huweyammile, a usaei waeisaei weyammile. Yesus Naei eleuboke wekeumi ro miyae naei wali hiyei rannaibonde mo Allahle bene hamamibonde naeise, meyae nda kalia mokande.

1 Tesalonika 4:14

Eyae hila rabo halaende Yesus herekera waleuboke. Nebeinye eyae hila rabore halaende herewate yo na waline Yesusre hila rabo halewainyene, Allah mokonnebonde Yesus benen mende heene nda yo hakonainyekonde mbainye enainyekende.

Yakobus 5:15

Tuhan Naei a elelere hila rabo halenainyele hului ebeli bonainyelene, era buloone kole kiyae onomi yennele. Tuhan benen elae yennele. Nebei ro me u beko mokoukoke era, nebei ro naei me u beko Tuhan faeinyennebonde.

Yudas 1:24

Allah mbaise ei molomande, buma kaemande. Neyae na hului kayaa hebenembe mayae u mekai beko yae nalenensimbe balembe belene. Nane merau Neyae na hului mai wali naeise a beko eleikoi sului yae, kena rei mai yae, Naei nene waewae bele bokore yaungembe embe.