2 Korintus 4:10 - Allahle a neme heteungekoke homofae

¹⁰ Wali Ondofolole wali maei kani u kela u wali walora yakaumi naeise, Yesus honaibondere kena kowate wanen mae ro miyae kena kate maere honaimelere.

2 Korintus 4:10 ပူးပေါင်းရင်းမြစ်များ

Yohanes 14:19

Na heki ban mo nda kani kelana wali beko nibine orate yo Rare benen ereiboi, nebeibe mayae na hului Rare enserembe. Reyae wali hena bona bele nekalene, mayae nane merau wali hena bona nekemembe.

Roma 6:5

Yesus Wali Ondofolo hereke wanen mbai aei u mekai beko kena kandere haraime elae bele wahaendekokene, aeisaei nekande Yesus aunguke wanen mae wali neme Yesus bele mbainye nekemande.

Roma 6:8

Eyae aei bekore kena kandere haraime elae bele wahaendekoke Wali Ondofolo naei mbainye herandeboke wanenne, eyae hila rabo halaende Wali Ondofolo bele mbainye emanekende.

Roma 8:36

Allahle homofaene Ondofolo Daud aei wali ma naeise Allah nda wanen moloukoke: “Waei holona ro miyae yae baeime aerene maei wali na yane baei here bele mbembane nekeyande, maere folonaimikonde domba yoni-yoni wanen mae me baeyaime.”

2 Korintus 1:5

Yesus Wali Ondofolo beko hubawounge wanen aei waline beko hubamande. Nebei sului mbai Allah Wali Ondofolole kena u hara roroimeyeunge wanen Wali Ondofolole walora na hibi-hibi aei kena u hara rorommende.

2 Korintus 1:9

Heremabonde naei a hokaikoke wanen mae hubawannele. Meyae maei uware yae rabo ehalei, nebeibe ro miyaere nulu yo mahe yore ainyainyure kommile Allahre mo rabo halennelere isaeimabonde naeise, nebei kena beko yae hubawoume.

2 Korintus 13:4

Yesus Wali Ondofolo ro miyae naei male u yambi u bele yae ohaline baikoke hereke, nebeibe nda hee Wali Ondofolo Allahle elae yae wali nekele. Nebei sului mbai meyae Wali Ondofolo bele mbainye nekandene Naei wanen male u yambi u nekande, nebeibe mai jemaat nolona me beko u beko mokate ro miyaere na mekai yae mokomamibonde naeise, Allah elae wake Wali Ondofolore ikeunge yae mokomale.

2 Korintus 4:11

Meyae here bele uwa nekande walora Wali Ondofolole wali yakambonde naeise, Naei kalia mokande aerene ro miyae na hibi-hibi maere honaimekondere relaeinye.

Galatia 6:17

Ahumboise reyae riyamale, hi yae ha yae rare kena bekore omokoi. Rabuhine ban, Yesusle aerene weitasise kowaise bayaa raei uwane namman honate.

Kolose 1:24

Jemaat Wali Ondofolo uware yeuboke. Jemaat aerene reyae beko hubanale nebeibe rei maibe roweisiyeufe, rabuhine ban nda kani kelane nekewole heene jemaat foi naeise Wali Ondofolo beko hubawounge wanen mbai nda hee jemaat foi naeise reyae beko hubanale.

2 Timotius 2:11

Waei kena heraubonde, rabuhine ban nda a eleukoke na hele, Wali Ondofolo hereke wanen aei kena kandere Naei me einye kinyemanelena, Wali Ondofolo bele mbainye wali emanekende.

1 Petrus 4:13

Yesus Naei nene waewaere yakambonde hee mayae rei mai ensukelembe naeise, Yesus beko hubawounge wanen mae mayae beko hubaungene rei mai kon.

1 Petrus 4:14

Yesus Wali Ondofolole Ro aerene mare a beko ungayembena, mayae onomi foka yae hubannele, rabuhine ban Allahlena Roh nene waewae bele Kiyae mai kena u einye nekelene.

Wahyu 1:17

Reyae be euwekale erekanale hee, Noro bene here no wanen bai yae oukoloukokale. Nebeisa Na me meube reufi raei uwa ranne raufike wa, elele, “Buhae ohokoijae! Reyae Hubalo Mando.