2 Korintus 11:23 - Allahle a neme heteungekoke homofae

²³ Nebei yo Wali Ondofolo Naei kaliare mokate yo yae elate. (Keunga ro miyae wanen mae elale.) Reyae nebei yore moi wokamaele. Nda weitasi kowaiselere ro miyae rare ehameikoi: kalia roi yae bu yae bewekale, kawa einye roko yae roko yae ahaeiseke, rahuae elae baiseke, kena beko isubawanalene hereinyen-hereinyen ikowale.

2 Korintus 11:23 ပူးပေါင်းရင်းမြစ်များ

2 Korintus 6:9

ro miyae maere ro raime nebeibe maere onaeime yae eyelewatebe, hereinyen-hereinyen nebeibe meyae namman wali nekande, rahuae baime hororebe nebeibe meyae ehereiboi,

2 Korintus 3:6

Allahlena elae wake yae maere kiteumeboke ro miyaere wali himalainyeboke yo yae me baeyeumi are heteungekoke nibi neme a ro miyaere kelemamile. Nebei nibi neme Musale walora wali heere folaikoke a walora ban, nebeibe Allahle Roh walora. Musale walora wali heere folaikoke a huluinye ehakoiboi ro miyae Allah bele wahaeikoke nekate, nebeibe Allahle Roh weumi a huluinye hakainye ro miyae wali hena bona u mekai hubanainyele.

1 Korintus 15:10

Nebeibe Allah rare kena buhae aere ban mae heufekoke aerene mai ijokore eraufe wanen mae raei u mekai nekale. Nane merau Allah rare kena buhae aere ban heufekokene Yesusle abu ako yae nekate yo nolora reyae kalia mokowale ma ehameikoi sului. Raei kena kale huluinye omokoi, nebeibe Allah raei walora ro miyaere kena buhae aere ban hewoumi huluinye mokowale.

Kolose 1:29

Reyae elae hele baele nda kalia mokalere baensonderene Wali Ondofolo yae yeyeufe elae randa mokale.

Kolose 1:24

Jemaat Wali Ondofolo uware yeuboke. Jemaat aerene reyae beko hubanale nebeibe rei maibe roweisiyeufe, rabuhine ban nda kani kelane nekewole heene jemaat foi naeise Wali Ondofolo beko hubawounge wanen mbai nda hee jemaat foi naeise reyae beko hubanale.

Kisah 9:16

Reyae erengkelembonde Raei Ro aerene neyae beko helen hubannekonde.”

2 Timotius 2:9

Nebei aerene beko hubanale, nane merau me hila u hila mokole ro wanen lon ha yae wowo kowaise. Nebeibe Allahle ako faeuko ha yae wowo okoikoi sului.

1 Korintus 3:5

Apolos nde? Reyae Paulus nde? Meyae Allahle yebaei bubaeise nekande, Allah yae ukeume hului uwayembe walora mayae Wali Ondofolore hila rabo halewaunge.

Ibrani 10:34

Kawane ekaisebate yo yae kena beko hubainye ma mbai mayae hubawaunge. Nane merau mai rambun yoni-yoni yo hiwa yarowaterebe mai kena rei mai yae nekewaube, rabuhine ban mayae maisaei Wali Ondofolole einye foi bele huba ban haei ban hononende rambun bele mai naeibe honayembene.

2 Timotius 1:16

Reyae Allahre ebeli banale Onesiforus naei imae ei obe einya yore yanekoi yase yae ei hawemmile, rabuhine ban neyae mbaibe roko yae roko yae raei kenare rei mai haweyeufe. Reyae kawane hebale naeise naeisaei selebe, neyae fere ehubasi oyorowole.

2 Timotius 1:8

Nebeinye aei Tuhan Yesus Naei a yakaiboi naeise fe ehubaijae. Allah aere hole moloumeboke nane merau kaeneumekoke u mekai yolo-yolo bele nekemayende. Aei me u foi mokandebokene ban, nana hesele Nenaeijae haraungeboke huluinye nane merau aere kena buhae aere ban mae hemmele aerene Allah nebei me u foi mokouboke. Nda kani kela omokoiboi heena Allah yae meraufe raungehike Yesus Wali Ondofolo aere na kena buhae aere ban mae hemmele. Nda hee Yesus Wali Ondofolo aei walilo meke, here elae ban mokoungeboke, nane merau Naei a foi faeu foi walora wali hena bona nibi yakaumeboke. Nda wanen mae Allah aere kena buhae hewoume. Nebei a foi faeu foi hufemiyenderene nane merau keleremiyenderene Allah rare eleufeboke naei abu akore yeubokale. Nebei aerene reyae beko hubanale nane merau kawane bele haeisekoke. Nebeibe reyae fere ehubai, rabuhine ban reyae Yesusre roungebokanale, Nare hila rabo halaenale. Reyae isaeyeubokale Naei kinyeufeboke hufemile Wali Ondofolole wali nibi are Yesus na hului hole molonnele, Neyae bensonde mende yane. Yesusle aerene rare kawana haeisekoke eraufene fe okoijae. Allahlena elae yae yeume walora reyae huwale wanen mbai, weyae Tuhan Yesusle a foi faeu foi huwele naendae wanen horo ro hi miyae hi beko mokonayete.

1 Timotius 4:6

Timotius, aei aka baekere nda wawale are no ban hee ban isaeyeumilena, weyae Wali Ondofolole kaliare mokate holona ro foise yeubonde. Eraman uware elae yeumi wanen mae Wali Ondofolo Naei a elelere hila rabo haleimeyeyae bele Naei wali nibire kelaeimi are hakoimeyeyae bele wa kena ure elae mokoimeyayete.

Filipi 2:17

Na bere Yahudi ro miyae Allahre hili era akau erare obo yoku ongkou wae felainyekoke heene anggur bu bele rilewate barainye. Nda hee Allahre ei moloiboise Yesus Naei a elelere boraube mokaube yae, mai hili era akau era wanen mae yeuboke. Naendae mekai horo reyae nebei anggur bu wanen mae heraeyaiseboube mai hili era akau erare barauboke wanen mae hererelena, raei kenare roweufehike.

Filipi 1:13

Mana nda kanina Ondofolo kabande imae kayaare hebate yo bele hiwa yo bele nanemene isaeyaeiboke, Yesus Wali Ondofolo kenare kole huluinye mokale aerene rare kawane ahaeisekoke.

Efesus 6:20

Nebei a faeu huwamale aerene reyae ndane kawane hebale. Ebeli bomembe reyae be rabulerebonde nebei a faeu rare ukeufe huluinye hufemile.

Efesus 4:1

Reyae Tuhan Yesuslena a foi faeu foi huwamale aerene kawane hebale kiyae. Mayae Allah yae mare kalia foi mokombe naeise kaenewombe yore reyae moi huramale, Allahle holona yo naei wali ma yae nekemembe.

Efesus 3:1

Allah mokoungeboke Yahudi ro miyae bele Yahudi ban ro miyae bele holo mbai yeubokene reyae Paulus jemaat naeise ebeli banale. Reyae, Yesus Wali Ondofololena a foi faeu foi mayae Yahudi ro miyae ban yore huwamale aerene kawane hebale.

2 Korintus 11:5

“Emekai bele abu ako” yae eraimi yora raei uware are holo yae ehubai.

2 Korintus 10:7

Mai ijoko bena erembe hului yae nekembe! Nauwa Wali Ondofolole Naeise yaeubokere elate ro miyae maei naeise nou hemmobo! Meyae nebei sului mbai Wali Ondofolole holonare yaendeboke.

2 Korintus 4:11

Meyae here bele uwa nekande walora Wali Ondofolole wali yakambonde naeise, Naei kalia mokande aerene ro miyae na hibi-hibi maere honaimekondere relaeinye.

Roma 8:36

Allahle homofaene Ondofolo Daud aei wali ma naeise Allah nda wanen moloukoke: “Waei holona ro miyae yae baeime aerene maei wali na yane baei here bele mbembane nekeyande, maere folonaimikonde domba yoni-yoni wanen mae me baeyaime.”

Kisah 28:30

Imae mbai Paulus roi yae mokowole. Nebeinye ralo yakama bee nekeukoke. Naendae wanen horo Paulus Roma naei felayo kayaa hebewainyerebe, Paulus naei bokore orowate ro miyaere na rei mai yae ei hawewoumi.

Kisah 28:16

Ekate Roma yone mo, Paulusre waeinyehike nembai nekewole. Felayona ro mbai yae kayaare hebewounge.

Kisah 27:1

Meyae Italia kanire bu kaisa haumabonde emalere a hokaikoke heene, Paulus kawane hebewate hiwa yo bele Yuliusle me einye kinyainyeboke ewate. Nda Yulius Roma naei Kaisarle felayo holona naei fela yunde hebewole.

Kisah 25:14

Nebei yone ya helen nekeneikonderene, Paulusle a koloimeyainye Festus Agripare yakaungeboke: “Ndana ro mbai Feliks yae kawara ehayeikoi.

Kisah 21:11

Neyae maei bokore meke Paulus naei u yolu ikilele rouke. Nebei u yolu yae Agabus na me orore rineukoke, elele, “Nda abe Allahle Roh yae eleukoke, ‘Nda yolure ikilele kiyae naei wanen mbai Yerusalem yone Yahudi ro miyae yae ikilenainyekonde, nebeisa Yahudi ro miyae ban yore inyaimile.’ ”

Kisah 20:23

Reyae raeisaei yo ran yo rande orowekale yae Allahle Roh na yaka yae uwoufe hului, rare beko yae enaisemokonde nane merau kawane enaisahengkonde.

Kisah 14:19

Na heki ban nekeikoke mo, Antiokhia yona bele Ikonium yona bele Yahudi ro miyae Listra yore mekate, nebei yona ro miyaere a huwaimikoke nare hakaimikoke. Nebei yo Paulusre ruka yae hayaeinyekokera na hibi ara muli yae yobayeke. Na u benera Paulus hereke yae elaikokene, yo moinye wokate honowole.

1 Korintus 4:1

Nebeinye, Wali Ondofolole yebaei bubaeise nane merau Allah nunne heraweuboke honayeke meraufe raungehike are faeufe humamiyendere maei baka ranne raumehike yo yae maere eremmele.

1 Korintus 4:9

Rabuhine ban reyae hubanale meyae Wali Ondofolole abu akore Allah mokoumebokene ro ban sele yaendeboke. Herenate hele a rukene honaibonde anuwaufe atere hiwa yo yae isane erainye wanen mae kun waunga erate yo nemene malaikat yoni-yoni bele ro miyae bele maere isane eraime.

1 Korintus 4:11

Meke nda hee bele yae moni mai buki releimeyannele. Malo kalo moloimeyeumele. Rahuae olaeime nane merau nekei-nekei anuwau ban orande.

Galatia 6:17

Ahumboise reyae riyamale, hi yae ha yae rare kena bekore omokoi. Rabuhine ban, Yesusle aerene weitasise kowaise bayaa raei uwane namman honate.

2 Timotius 3:11

Weyae ijoko erewoyae ro miyae rare weitasi kowaise, reyae beko hubanale. Antiokhia yone bele Ikonium yone bele nane merau Listra yone rare beko mokowaisebe, nebeibe reyae Yesusre moi ebulei, weitasi kowaisera Tuhan mae hole moloufeboke.