2 Korintus 10:10 - Allahle a neme heteungekoke homofae

¹⁰ Rabuhine ban ro miyae hiwa yae elate, “Pauluslena homo yoni-yonina a nerabuhi bele nane merau elae bele. Nebeibe aei u nolo u kainyebe mbembane einyekewande bae, naei u mekai hosoro hele nane merau naei ahuba huwele ma baengko ban sele.”

2 Korintus 10:10 ပူးပေါင်းရင်းမြစ်များ

1 Korintus 1:17

Hiwa yore bu okoikoi mo, rabuhine ban Wali Ondofolo yae bure koremile naeise rare ewei emei, nebeibe Wali Ondofololena a foi faeu foise hufemile naeise ukeufe mekale. Yesus ohali ranne baikoke hereke a faeufe elae ban yembonde belere, nebei a foi faeu foi huwamaelere ro miyae naei isaei hebaen mae ban.

1 Korintus 1:21

Allah Naei isaei hebaen huluinye, ro miyae nda kani kelana wali beko nibine orate yo naei isaei hebaen walora Allahre oroiboi. Allah kena koukoke Naei mokouboke nibi huluinye Wali Ondofolore hila rabo halenainye ro miyaere hole molommibonde. Nebei nibi a faeufe huwaimi hee, ro miyae nebei a faeufe a bangka-bangka yae elate.

2 Korintus 10:1

Reyae Paulus Wali Ondofolole Ro eisa raei naeise a mbai neremembere. Mai nolona ro miyae hiwa raei naeise nda ame-ame a yae elate, “Paulus aengkele mbainye einyekande hee naei u mekai nime haba hele, nebeibe ahaufa eyewole bae are be yae rabuleiboyole weume.” Nebei are elate ro miyae nda kani kelana wali beko nibi a huluinye nekate. Mayae maisaei Allahre ro be ro yoinye Wali Ondofolo Nauwa ro ban sele hubawounge, nebeibe Allah uwounge hului yae nane merau kena nime haba yae ro miyaere mokowoumi. Reyae kena kale Wali Ondofolole u mekai wanen ro miyaere mokoremile, nebeibe reyae hubanale nebei ame-amere elate ro miyaere be bele rabulerebonde a elae ufemile hele. Reyae mare riyamale mai bokore erele heene mare be humbarebonde a yarerembe naeise mehauwae omokonsemae.

2 Korintus 10:11

Nebei a meraufe elate yo isaeinyaibonde hele, kulunne mai u nolo u kaise erele bae reyae homo einye molowale a elae mbaibe ufengkombe.

2 Korintus 10:9

Raeinya homo yoni-yoni yaemalere mayae buhaere hokonembe naeise u huku-hukube kamale yae erennele bele, mai foi naeise Tuhan anuwau elae bele ikeumene a huwamale.

2 Korintus 11:21

Nauwae mayae hubaunge, nebei u mekai ma mokoiboise meyae be erabuleiboi omokoiboinye reyae fe korele hele. Nebeibe reyae ro kobu yae elale, “Ro miyae hiwa yo be yae rabulaiboke uware kaenate rambun reyae nebei rambun mbai be yae rabuleubokale uware kaerele.”

2 Korintus 11:6

Raei ahuba huwale ma meli mekai foi ban hororebe, isaei hebaen naeise reyae nebei wanen ban. Raei u mekai nemene mokowale walora reyae isaei hebaen belere yakaimeyamale.