2 Korintus 1:1 - Allahle a neme heteungekoke homofae

¹ Onomi foka, Allahle jemaat Korintus yona bele Akhaya kanina Yesus Naei eleuboke wekeumi holona yo bele. Reyae Paulus, Allah kena koukoke huluinye Yesus Wali Ondofolole abu akore yeubokale kiyae bele aei aka baeke Timotius bele mare ro melaeyayembe.

2 Korintus 1:1 ပူးပေါင်းရင်းမြစ်များ

Kisah 16:1

Paulus Derbe yore ekera, nebeisa Listra yore eke. Nebeinye Yesusre hakoungeboke ro mbai na ro Timotius. Nenake Yahudi maengke Yesusre hakainye holona, nebeibe naeko Yunanina ro.

Roma 15:26

Yerusalem yona Yesus Naei eleuboke wekeumi ro miyae hiwa wali rambun kalo hele wokene, jemaat-jemaat Makedonia kanina bele Akhaya kanina bele kena kaban kowate hakonaimibondere. Nebei yore inyaimile naeise rambun yoni-yoni arilaikoke.

Roma 16:21

Timotius kalia mbainye mokonde kahili nane merau raei yoho mbainya kahili wa Lukiuslera, Yasonbera, Sosipaterlera mare ro melaeyayembe.

Roma 16:5

Nda yo Priskile Akwilale imaene eyarilaisiyele jemaatre raeinya ro melaeyemmibombe. Aka baeke Epenetus reyae buhaere haenaele kiyaebe raeinya ro melaeyennebombe. Asia kanina Wali Ondofolore hila rabo halaeinye holona na bemena ro, Epenetus niyae.

1 Korintus 10:32

Yahudi ro miyae bele, Yunani ro miyae bele, Allahle jemaatna ro miyae bele, mai wali ma erenayembene oro halunbe wommiyonde bele, mai wali na mekai yae nekembe.

1 Korintus 16:10

Timotius mai bokore endena, fere ehubai naeise mayae ei annebombe, rabuhine ban neyae raeinya wanen aei Tuhanbe kalia mbaibe mokonde.

1 Korintus 16:15

Aka naei baeke naei, maisaei sele Stefanus naei imae ei obe einya ro miyae bele Akhaya yona ro miyae na bemere hele Wali Ondofolore hakowainye, nane merau nda hee bele Yesus Naei eleuboke wekeumi holona ro miyaere kena na maemae hele no ban hee ban hakoyaimi, ei haweyaimi.

1 Korintus 16:24

Yesus Wali Ondofolole eisa mayae nemene reyae kena buhae haemale. Amin.

1 Korintus 6:11

Mai nolona hiwa yo na bere nebei u mekai wanen wali nekewaube. Nebeibe nda hee mayae nulu kembokembe naeise kelemmikombere bu yae koukokembe, nane merau Allahre kena foise mokonnele u mekai ma mokongkokembe, nane merau Allah yae ro miyae wali himalainyeboke yo yae mare me baeumbokembe.

2 Korintus 1:19

Rabuhine ban reyae, nane merau Silwanusle, Timotiusle bele yae mai u nolo u kainye Yesus Wali Ondofolo Allahle Kelule naeise huwayembe hee, Yesus Allah weunge a huluinye mokonde omokoi naeise meyae ehuwei. Neyae Allah weunge a huluinye mokole a mo elandeke.

2 Korintus 1:23

Reyae riyanale Allah yae raei kena u einyare isaeyeuboke Kiyae mare yakanembombe nda a wamale na helere yaeiboke. Korintus kanina nekaube yo bokore erelerebe, nebeibe reyae kena ban sele a usaei elae hele ufembene mai kenara beko yae hubannele belene, reyae ei.

2 Korintus 11:10

Wali Ondofolole na hele no Kiyae raei kena une nekelene, ro miyae raei wali rambunde mare eriyei aerene uwa kaerele are Akhaya kanina ro miyae mbai sambai hee enei.

2 Korintus 9:2

rabuhine ban mayae kena kaube hakommile naeise reyae isaeyeubokalene. Makedonia ro miyaere mai u mekaise bumane kaewalere nda a yae uwamaele, “Akhaya kanina ro miyae moise wokande ralo yakamane uwa mokainyehake yei wahei rambunde arilenaisinde inyaimilere.” Nana hesele mai kena maemae yae mokaube u mekaise ro miyae helen eraikokera nebei wanen mbai kena kaban kate nebei Yudea kanina ro miyaere hakonaimikondere.

Galatia 1:1

Aka naei baeke naei jemaat-jemaat Galatia kanine nekaube, mauwa bele! Reyae Paulus, Yahudina, Yesusle abu akore yeubokalere, ro yae miyae yae rare eleiboi, nane merau moi eneisi. Nana hesele Yesus Wali Ondofolo yae nane merau Ako Allah, Yesus ohaline baikoke herekera walire ikeunge Kiyaele, rare eleiseboke nda kalia are ukeisele.

Galatia 3:26

Yesus Wali Ondofolo Naei a elelere hila rabo halaeunge walora, mayae Allahle kelu omire yaeukoke.

Efesus 1:1

Onomi foka mayae Yesus Naei eleubokembe wekembe ro miyae, Efesus yone nekaube, Yesus Wali Ondofolole a elelere hila rabo haleyaube yo. Reyae Paulus, Allahle kena huluinye Yesus Wali Ondofolole abu akore yeubokale.

Filipi 1:1

Mai onomi foka Filipi yona Yesus Naei elembokembe wekembe holona yo. Mayae jemaat be yun be yebaere hebaube yo bele jemaat kaliare mokaube yo bele nane merau Yesus Wali Ondofolore hila rabo halaube ro miyae hosoro bele. Meyae bee Paulusle Timotiusle Yesus Wali Ondofolole yebaei bubaeise yendeboke mare ro melaeyayembe.

1 Tesalonika 1:1

Onomi foka, aka naei baeke naei Tesalonika yona jemaat nekaube. Mayae Allah aei Ako Kiyae bele Yesus Wali Ondofolo aei Tuhan Kiyae bele naei holona yo nekaube. Reyae Paulus, Silwanus na ro hi Silas bele, Timotius bele mare ro melaeyayembe. Meyae ebeli bannele Allah aere ban mae kena buhae henemembe nane merau rei mai inyemembe.

2 Tesalonika 1:1

Onomi foka aka naei baeke naei, Tesalonika yona jemaat nane merau Allah aei Ako Kiyae bele Yesus Wali Ondofolo aei Tuhan Kiyae bele Naei holona yo nekaube. Reyae Paulus bele, Silas na ro hi Silwanus yae ro royainye kiyae bele, Timotius bele, mare ro melaeyayembe.

1 Timotius 1:1

Onomi foka Timotius. Weyae Wali Ondofolo Naei a elelere hila rabo halaenaene reyae ware kelu hele yae erawale. Reyae Paulus, Allah aei Holelo bele Yesus Wali Ondofolo bele rare ukeisele huluinye Yesus Naei abu akore yeubokale. Eyae hila rabo halaende Yesus Wali Ondofolo wali hena bona yemmele Kiyaere yeuboke. Reyae ebeli banale Allah aei Ako Kiyaele Yesus Wali Ondofolo bele ware kena buhae aere ban mae heneyete, yanekoi yase yae ei haweyete, rei mai inyeyete.

2 Timotius 1:1

Onomi foka Timotius, weyae raei kelu wanenne kena buhae haewale. Reyae Paulus, Allahle kena huluinye Yesus Wali Ondofolole abu akore isebondere kaeneufekoke. Allah yae are nuleungekoke Yesus Wali Ondofolo Naei a elelere hila rabo halenainyele ro miyaere wali hena bonare yemmile ako faeukobe reyae huwamale. Raei ebeli Ako Allahle aei Tuhan Yesus Wali Ondofololere bamaele ware kena buhae aere ban mae heneyete, yanekoi yase yae ei haungeyete, kena foi u foi yae mokoneyete.

Titus 1:1

Onomi foka Titus, raei kelu wanen kiyae. Reyae Paulus, Allah yae eleufeboke Naei kaliare mokorelere nane merau Yesusle abu akore isebondere. Allah ukeufe Naei eleukoke ro miyaere yaufemibonde Yesusre hila rabo halenainyele naeise, nane merau nebei ro miyaere Wali Ondofolole na hele wali nibi a isaeisemile naei wali Allah na kenare kole huluinye nekenate naeise.

Filemon 1:1

Onomi foka aka baeke Filemon, weyae maei kahili hele nane merau Wali Ondofolole kalia mbainye mokande ro. Onomi foka Apfia Yesusle einye emaen, Arkhipus aei kahili Wali Ondofolole felayo wanen kalia mbainye mokande kiyae, nane merau aei aka baeke wa waei imaene jemaat arileisiyele yo. Reyae Paulus, Tuhan Yesus Wali Ondofolole a foi faeu foi huwale aerene kawane hebale kiyae. Reyae bele aei aka baeke Timotius bele mare ro melaeyayembe.

Ibrani 13:23

Aka naei baeke naei, maisaei nekembe aei aka baeke Timotius kawane hebewolera hayainyekoke. Na heki ban mo raei bokore mendena, reyae benen hubaimakondere Timotius yaufensonde nanembaisa mai bokore ale.