1 Yohanes 5:20 - Allahle a neme heteungekoke homofae

²⁰ Nane merau eyae isaeyaendeboke Allahle Kelu meke, eyae Allah na hele no Kiyaere romambondere isaei ikeume. Aengkele Allah bele Na Kelu Yesus Wali Ondofolo bele Nangkele mbainye nekemale. Wali Ondofolo Kiyae Allah helebe yeuboke, ro miyaere wali hena bona yemmile.

1 Yohanes 5:20 ပူးပေါင်းရင်းမြစ်များ

Matius 13:11

Yesus yae weumi, “Raei me kelee u keleene nekate ro miyae holo naeise na nunna honate rambun isaeyembombe naeise mare mo ikembe, ndi yore eyei.

Lukas 21:15

Renaeijae isaei hebaen isembene, ma yokeijo yoni-yoni mai a faeu elembere ohoroiboi sului.

Lukas 24:45

Nebeisa Yesus elae ikeumi Allahle homofaene a na mekai harainyebokere na hului isaeinyaibonde.

Yohanes 1:18

Ro miyae hi yae ha yae Allahre roko mbai ereiboi mo. Nebeibe Allahle Kelu mbai Naekole u mekai mbainye ekeinyekete Kiyae yae Allahlena abe aere yakaumeboke.

Yohanes 10:30

Rangkele Maekole nanembainye nekende.”

Yohanes 14:20

Nebei hee yae mayae isaeyembombe Reyae Maekole einye nekale nane merau mayae Raei einye nekaube, Reyae maei einye nekale.

Yohanes 14:23

Yesus yae weunge, “Rare kena buhaere haeise ro miyae, Reyae kelaemaele a usaei wasaei huluinye hakonde mokonde. Maeko nebei kiyaere kena buhae hennele. Meyae nebei kiyaele bokore ale, nanembainye emanekende.

Yohanes 14:6

Yesus yae weumi, “Reyae Allahle bokore eke nibi Kiyae bele na hele no wali no. Ro miyae Raei walora mo Ako Allahre ronainyebonde, nibi hi u hele.

Yohanes 14:9

Yesus yae weunge, “Filipus, heki hele maengkele nanembaisa orandeke nebeibe Rare oroiboi a lon mae weyae eleyae! Nde yae Rare ijoko ereufekokena nebei kiyae Ako Allahre ijoko erekeunge. A koro mahi lon weyae warae, ‘Ako Allah maere keleimebo!’

Yohanes 15:4

Nebeinye, mayae Rangkele mbainye nane merau Reyae mangkele mbainye nekemale. Anggur no hebelene ororoiboi maensa akau nenaei ani omokoi sului, roraiboke maensa akau mo ani kate. Nebei sului mbai Rangkele mbainye enekeinya mayae anire omokoi sului.

Yohanes 17:14

Arai, Waei ako faeuko nebei yore Reyae weumikokalere aisakoukokene, nda kani kelana wali beko nibine orate yo yae nare ikele kaimi. Rabuhine ban Reyae nda kani kelana wali beko nibine orate holona ro miyae ban nane merau nebei holona yo nebei sului mbai nda kani kelana wali beko nibine orate holona ro miyae ban.

Yohanes 17:25

Arai, Weyae wali himaloungeboke Kiyae nda kani kelana wali beko nibine orate ro miyae Ware oroiboibe, nebeibe Reyae Ware rore roubokawale. Nda ro miyae isaeyaeiboke Arai Weyae nda kani kelare ukarae mekale.

Yohanes 17:3

Wali hena bonana u mekai nda niyae: Weyae Allah hele mbai mo rore ronayete nane merau Yesus Wali Ondofolo, Reyae Niyae, Weyae ukarae mekale Kiyae rore ronaisele.

Yohanes 20:28

Tomas yae Yesusre weunge, “Raei Tuhan, Raei Allah.”

Yohanes 8:42

Yesus yae weumi, “Allah mai Akore yeuboube yae, Rare kena buhae haeufele. Rabuhine ban Reyae mai Allah yae elaube Kiyaele bokora mekale. Raei kena hului yae emei, nebeibe Neyae ukeufene mekale.

Kisah 20:28

Mai uware kayaa foi yae hebembe. Nane merau Allahle Roh yae ukembe hului jemaatna ro miyae nemenere kayaare foi hebembere. Domba kayaalo hebeyele wanen mae mayae Allahle Jemaat kayaa hebembe. Allah Naei Kelule ha rileuboke yae nebei jemaatre Naei yae eleukoke.

Roma 9:5

Naei yobe naei kamahe naeite orona menara nda Yahudi kani kela meijakauboke. Naei orona menara Wali Ondofolo ro miyae uwa wanen mae meke. Wali Ondofolo Allah mbai, nanemene mere mokowole, Nare huba haei ban bumane kaenainyende. Amin!

1 Korintus 1:30

Allah Nenaeijae mokombokembe Yesus Wali Ondofolo bele mbainye nekaube. Wali Ondofolo yae mokoumeboke Allahle isaei hebaen aei kena une nekele. Naei walora Allahle ro be ro yoinye eyae wali himalanneboke yo yae me baeume, Allah yae eleuboke wekeumi holonare yaendeboke nekande, nane merau aei beko bako aheukoke baeufoke.

2 Korintus 4:6

Allah nda a ukeunge, “Ouben nolora hehe naengkonde hele!” Allah are ukeunge huluinye yeuboke. Wali Ondofolore rore roumabonde naeise nebei Allah mbai aei kena u einye hehe naeumekoke. ((Nendahina Israel ro miyae Musale be yoinye kanewainye yae Allahle hehe eraiboke wanen eyae Wali Ondofolo elele are isaeimale yae Allahle nene waewae isaeimabonde.))

2 Korintus 5:17

Nebeinye ro miyae mbai Wali Ondofolo bele mbainye nekenetena, nebei ro miyae u mekai neme bele rore yeuboke, u mekai male kiyae u yeuboke.

Efesus 3:18

Reyae ebeli banale mare nane merau Yesus Naei eleukoke wekeumi holona yo hiware nda rambun naeise isaeyembombere elae inyembe: Yesus Wali Ondofolole emekai bele kena buhae u buhae na kaeu-kaeu naei, na koko naei, na yaleufike naei, na wauwau naei,

Filipi 3:9

Allah ukeume huluinye reyae Wali Ondofolo Naei a elelere hila rabo halerende. Nebei wali nibi yae Allah rare wali himalainyeboke ro miyaere me baeufe, Musale walora wali heere folaikoke are hubara haeisa yanewanale randa ban.

1 Timotius 3:16

Nana hesele Yesus Wali Ondofolo Allah kenare kole hului mo nekewole nibi nunne honole. Yesus nda wali ma nekewole: Naei uwa yakaiboise ro miyae uwa yae yakaumeboke, Allahle Roh yae Neyae Allahlera mekere a yae eleukoke, Malaikat yae Nauware ijoko ereungeboke, nda kani kelana ro miyae Allahre oroiboi yo nolone Naei are huwewaimi, ro miyae nda kani kelana Nare hila rabo halewainye, Allah Nare kaeuboke nene waewae bele anuwaunge eungehauboke.

Titus 2:13

Nda wali ma yae nekemale aei rei maise mokommekonde rabo halaende Kiyaere rakemande. Aei rei maise mokommekonde rabo halaende Kiyae nda Niyae: Allah Walilo, Wali Ondofolo Yesus, na bumana hele Kiyae Nauwa wili halaman ma mae benen bensonde mende.

Ibrani 1:8

Nebeibe Allah Na Hina Fa Hoi Fa Naei a nda mekai yae eleukoke: “Allah, Waei kendan wameran huba ban haei ban hononende, na ijen mae ro miyaere me eumimokonde.

1 Yohanes 2:23

Nde yae Yesusre Naeko Allah yae eleuboke Wali Ondofolo ban mae elendena, nebei kiyae Ako Allah nangkele mbainye enekei. Nebeibe Yesusre Naeko Allah yae eleuboke Wali Ondofolore oro umau heraweungeboke Kiyaere na hele elendena, nebei kiyae Ako Allah nangkele mbainye nekete.

1 Yohanes 2:24

Nebeinye kayaa foi hebembe, Yesuslena a mayae na bere hele boraubokebe hila rabo halemembe. Nebei borauboke are hila rabo halemembena, Ako Allah bele Na Kelu Yesus bele mangkele mbainye nekemembe.

1 Yohanes 2:6

nde Allah nangkele mbainye nekete yae elendena, nebei ro miyae Yesuslena wali nibi orowole wanen mbainye oronde hele.

1 Yohanes 4:14

Bee nendo, eyae ijoko yae erekannele Ako Allah Naei Kelure ukeunge nda kani kelana ro miyae hole moloiboise meke. Nebei are ro miyae hiwa yore eyae isaeyaemmile.

1 Yohanes 4:16

Name nendo, Allah aere kena buhae u buhae heumekoke naei isaeyaendeboke nane merau hila rabo halaende. Allah kena buhae u buhae hei-sei nore yeuboke. Kena buhae u buhae heyate ro miyae Allah bele mbainye nekate.

1 Yohanes 4:2

Allahlena Roh, Allahlena Roh ban naeise nda u mekai yae mayae isaeyembombe: Yesus na hele Allah yae oro umaufe heraweungeboke Wali Ondofolobe ro miyae uwa wanen mae nda kani kelare meke are na hele yae elenatena, nebei ro miyae Allahle Roh a weumi walora elate.

1 Yohanes 5:1

Allah yae raneujeke oro umau heraweungeboke Yesus Wali Ondofolore yeuboke Kiyaere hila rabo haleyate ro miyae naei kena u Allahlera honokate. Nane merau honoukoke akore kena buhae u buhae haeinye ro miyae, honoukoke fa-fare bele kena buhae u buhae henaimile.

1 Yohanes 5:15

Eyae isaeyaendeboke riyanne huluinye Allah borommebondena, eyae riyewande rambun yoni-yoni na hului yaromakonde.

1 Yohanes 5:18

Eyae isaeyaendeboke kena u Allahlera honokate ro miyae u mekai bekore na hibi mo omokoyei. Allahle Kelu nare ei haweyeumine, walobo yun, u mekai bekore mokole kiyae, Allahle kelu omire beko omokoi sului.

1 Yohanes 5:5

Ro miyae Yesus Allahle Kelu are na hele elenate yo yae mo na hului nda kani kelana wali beko nibi nelaere meleungehake.

Wahyu 15:3

Nda yo Allahle yebaei bubaei Musa yae kowole bele Domba Kelu kowole bele koi bae kate, “Tuhan Allah Elaelo Wakelo, Waei me u mokowoyae kaban sele nane merau era mahi hele. Weyae kani kelana nemene naei Ondofolo mere mokoimeyamae. Waei wali nibi a na ijen sele nane merau na hele.

Wahyu 19:11

Nebeisa reyae erale surga wekainyele. Erale bae kuda keleumon mbai yakauboke. Helaukeungele kiyae na roallah weunge a huluinye nekele nane merauna hele. Buloo felane melesayeumi yore na ijen mae me noyoumi.

Wahyu 3:14

“Laodikiana jemaat na malaikatre homo nda wanen mae moloukonde: Nda a niyae Amin mae rainyeboke Ro, Allah weunge a hului yae nane merau na hele yae isaeyeumi Kiyae, Allah yae mokouboke rambun yoni-yonire mere mokoumi Kiyaelera.

Wahyu 3:7

“Filadelfia jemaatna malaikatre nda wanen mae homo moloukonde: Nda a niyae nene waewae bele Na Hele mo elele Kiyaera. Na bere Ondofolo kaban Daud Yerusalem yona romau rawembonde naei kunci ikileuboke wanen nda Kiyae Allahle holonare enayembonde romau na kunci ikileuboke. Neyae rawembondena, hi yae ha yae ahuneiboi sului. Neyae ahunembondena, hi yae ha yae eraweiboi sului.

Wahyu 6:10

Nda holona yo kali kaban lon mae kaenate, “Weyae nemene fomene me mokamae. Weyae nene waewae bele nane merau na hele no. Makei hee yae Weyae nda kani kelana ro miyae walire hului eumikolonde nane merau maere howaime aerene ehee bukulu eumiyende?”