1 Yohanes 5:10 - Allahle a neme heteungekoke homofae

^10-11 Allah yae Yesusle naeise nda are ukeume, “Raei Kelule walora mare wali hena bona ikamale.” Nde yae Allahle Kelure hila rabo halennele kiyae, Allah yae elele are na kena einye nekende. Nebeibe Allah yae Naei Kelule a elelere na hele ban mae elate ro miyae Allahre ame-ame bele Kiyae yae elate, rabuhine ban Allah yae Na Kelu naei a eleukokere na hele ban mae elaikokene.

1 Yohanes 5:10 ပူးပေါင်းရင်းမြစ်များ

Yohanes 3:16

Allah yae nda kani kelana ro miyaere kena buhae u buhae kaban hewoumi aerene Reyae Na Kelu mbai ken sele kinyeumiboke. Nde maenin mae Raei a elalere hila rabo halensele kiyae Allah bele ewaheikoi nebeibe wali hena bona endowende naeise, Reyae hererelere Allah ukeufe mekale.

Yohanes 3:18

Nde yae Raei a elalere hila rabo halenselena, me onoyoi nekenate. Nebeibe nde yae hila rabo Raei a elalere ehaleinya, Allah yae me nokounge. Rabuhine ban nebei ro miyae Reyae Allahle Kelu mbai kende hila rabo ehaleinye.

Yohanes 3:33

Yesus isaeyeumi are hila rabo halaete yo na hele yae elate Allah na hele a mo weume.

Yohanes 5:38

Nane merau Maekole euwara elele a faeu mai kena ei u einye ohonoi, rabuhine ban Ako Allah Rare ukeufe mekalebe, nebeibe Raei a elalere mayae hila rabo ehalei.

Kisah 8:37

Filipus yae weunge, “Wali Ondofolo Naei a elelere hila rabo elae halelena, reyae na hului bu koreibote.” Nebei Etiopiana ro yae weunge, “Reyae, Yesus Wali Ondofolo Kiyaere hila rabo nana hele halaenale, Neyae Allahle Kelu.”

Roma 8:16

Allahle Roh yae aei kena ure nda a mbai faeu mbai yae elele, “Mayae Allahle kelu omi.”

Galatia 4:1

Nda wanen mae a ahundebondere. Ro mbai herendena, naei rambun-rambun honate na kelu benare nukeiboyounge. Nda kelu fa roijando eyeiboinye ro hi miyae hi yae holaeinye. Nebei yo naei me kelee u keleene yebaei bubaei mokoyele wanen nekele. Naendae wanen horo nebei imae obena honate rambun naei me einyebe,

Galatia 4:6

Mayae Allahle kelu omire yaeukokene, Allah Na Kelule Roh ukeunge mai kena ei u eise meke. Naei Roh walora Allahre Ako yae ebeli bonnembe.

Kolose 3:3

rabuhine ban mai kena u herauboke, nda hee Wali Ondofolo bele Allahle bokone nekaube.

Ibrani 3:12

Aka naei baeke naei, mauware kayaa hebembe benen u mekai beko mokomembera Wali Ondofolo Naei a elelere hila rabo ehaleinye, Allah wali bele Kiyaere moi bulennebombe belene.

2 Petrus 1:19

Allahle yenjo kayaayo yae elewate ako faeuko aei nolone honate, na helere yaeiboke. Mana nda ako faeuko mai u benene nekenayembe hele, rabuhine ban nebei ako faeuko walora mayae na hului nda hene isaeyembombe a na hele bele, a ame-ame bele. Nebei ako faeuko isehe wanen mai nibi ouben haubende naenengkombe. Yesus benen mende heene, Neyae mokommebonde Allahle naeise na yaka isaeimabonde, hehe wanen naemmele. Nebei hehe findelau yahei kitende wanen.

1 Yohanes 1:10

Aei uware beko bakore omokoyeijae elemalena, Allahre ame-ame bele Ro yae erannele nane merau Naei a elelere aei kena u eisa oboroiboi. ((Rabuhine ban Allah a eleukoke, ro miyae nanemene beko bakore mokate yo mo.))

1 Yohanes 5:1

Allah yae raneujeke oro umau heraweungeboke Yesus Wali Ondofolore yeuboke Kiyaere hila rabo haleyate ro miyae naei kena u Allahlera honokate. Nane merau honoukoke akore kena buhae u buhae haeinye ro miyae, honoukoke fa-fare bele kena buhae u buhae henaimile.

Wahyu 12:17

Alaka nebei miyaere ikele hele kowounge. Naei orona mena hiwa Allahle a weumire hubara haeisa yaneyainye ro miyae Yesuslena isaeyaeimi yore bele habelekeumi buloo fela relaeinye.

Wahyu 2:17

Nda a boraube ro miyae, Allahle Roh yae jemaat-jemaatre weumi a huluinye ma wali nou hembo! Hila rabo bekore mokounge elaere melennehande ro miyaere feu manna nunna honate bele na ro nemere molaikoke ruka keleumon bele Reyae isemikonde. Nebei ro neme hi yae ha yae isaeyeiboi, yaronaikonde yo yae mo naeisaei.

Wahyu 2:28

Nane merau na hibi-hibi hakaise yo findelau yahei isemikonde.