1 Yohanes 4:19 - Allahle a neme heteungekoke homofae

¹⁹ Allah na bemere hele aere kena buhae u buhae heumekokene, eyae hire hire kena buhae u buhae hemamile.

1 Yohanes 4:19 ပူးပေါင်းရင်းမြစ်များ

Lukas 7:47

Nebeinye na beko bako helen sele faeinyeumikoke, rabuhine ban naei kena buhae kaban heufekoke. Ro miyae na beko ebi ken faeinyeungekoke, nebei ro miyae kena buhae ebi ken hemmiyende.”

Yohanes 15:16

Mayae Rare elaeufeboke ban nebeibe Reyae mare elembokamale, Raei holona yae me baemale. Reyae mare ukamale embe kakare eyeiboi ani foibe helen emmokombe. Nebei u mekai mokembena, rambun Raei Ro yae Ako Allahre riyennele yoni-yonire Neyae mare inyembe.

Yohanes 3:16

Allah yae nda kani kelana ro miyaere kena buhae u buhae kaban hewoumi aerene Reyae Na Kelu mbai ken sele kinyeumiboke. Nde maenin mae Raei a elalere hila rabo halensele kiyae Allah bele ewaheikoi nebeibe wali hena bona endowende naeise, Reyae hererelere Allah ukeufe mekale.

Galatia 5:22

Allahle Roh yae keleumi mokate u mekai nda niyae: kena buhae u buhae, rei mai, kena foi u foi, kena hebaen u hebaen, a kena han kena ban, u foi wa foi, rabo halei-salei,

1 Yohanes 4:10

Kena buhae u buhae na mekai nda niyae: eyae Allahre kena buhae u buhae haennekoke ban, nebeibe Allah yae aere kena buhae u buhae heumekoke. Aei beko bakore ahengkonde baensonde naeise, Na Kelu ukeunge meke Naei wali yae kinyembondere.

1 Yohanes 4:20

Ro miyae hi yae elende, “Reyae na hele Allahre kena buhae u buhae haenale,” nebeibe naka baekere ikele koimeyeumina, nebei ro miyae na wali ame-ame bele. Rabuhine ban aka baeke ijoko ereumi kiyaere kena buhae u buhae eheinya, roko mbai ijoko yae ereiyei Allahre kena buhae u buhae ehei sului.