1 Yohanes 4:18 - Allahle a neme heteungekoke homofae

¹⁸ Kena buhae u buhaere haeime ro miyaere mayae fe waku okommimae. Ro miyae Allah kena buhae u buhae heume wanen hiwa yore kena buhae haeimile yo, Allah ehee bukulu yemmilere buhae-buhae okoi. Ehee bukulure fe waku bele enaikonde ro miyae Allah kena buhae u buhae heume wanen ehei yore.

1 Yohanes 4:18 ပူးပေါင်းရင်းမြစ်များ

Matius 9:34

Nebeibe Farisi holona yo yae elate, “Walobo yun mae elae ikeunge walora, alo yoni-yonire hukeumi baleyate.”

Roma 8:15

rabuhine ban yebaei bubaei naei roware fe waku kainye wanen Allahlena Roh mare ikembe, mayae Allahre benen fe waku konembere omokoiboi, nebeibe Allahle kelu omire mokombokembe. Nebei Roh elae yae eyae Allahre “Ako” yae kaenanne.

2 Timotius 1:7

Rabuhine ban Allah Naei Roh ikeume yae aere mokommebonde fere faemale naeise ban. Nebeibe Neyae nda ma mokoumele: eyae elae wake bele imabonde Wali Ondofolole kaliare mokomale, ro miyaere kena buhae hemamile, nane merau wali na hului Allahle isaei hebaen hului yae hiyei ranemande.

Ibrani 12:28

Eyae hubamande naeise Allah yae ekuseikoi emaheikoi yo neme yan nemere mokoungehakene, men, Allahre helen foi umanende nane merau na mekai yae Nare ei hawannele bele euwa kaeu-kaeu mo kaeumale yae ei molomande,

Yakobus 2:19

Weyae na hele eleyae Allah mbai ken sele. Nebei foi sele. Nebei sului mbai walobo yoni-yoni Allah mbai yae elate nane merau nebei aerene kulu wai rokate kate.

1 Yohanes 4:12

Ro miyae roko mbai sambai Allahre ereiboi hororebe, kena buhae u buhae aeise naeise hemalena, Allah aei wali einye nekende nane merau Na kena buhae u buhae aei kena u einye na hului yembonde.