1 Yohanes 3:2 - Allahle a neme heteungekoke homofae

² Kena buhaere haemale aka baeke, eyae nda hee Allahle kelu omire yaendebokebe, nebeibe aei uwa ma enaibende yoni-yoni namman foi yae isaeyeiboi nekande. Eyae aeisaei Yesus Wali Ondofolo mende heene eyae Naei uwa wanen mae imabonde, rabuhine ban Naei uwa hele kiteungebokere aei ijoko hele yae eremande.

1 Yohanes 3:2 ပူးပေါင်းရင်းမြစ်များ

Matius 5:8

Ro miyae naei kenare kole bele Allah naei kenare kole bele na hului mbainye orole kiyae, neyae onomi foka hubannende. Nebei holona ro miyae Allahre ijoko enainyerende.

Lukas 17:30

“Nebei wanen mbai Raei merele yane.

Lukas 20:36

Allahle malaikat ekainyekate wanen, naei wanen enainyekende, here ehubayeikoi. Rabuhine ban heraibokera walenaibondene, nebeinye ndine Allahle kelu omire enayembonde.

Yohanes 1:12

Nebeibe ro miyae nanemene eise hauwainyele yo, Naei Rore hila rabo halewainyele yo, Allahle kelu omire inyaibondere nibi mokouboke.

Yohanes 11:52

Nane merau Yahudi ro miyaere mo ban, nebeibe Allahle fa-fa here ware waeibokere arilemmihindere nane merau mbainye mokommibondere Yesus herende.

Yohanes 17:24

“Arai, nda kani kela omokoiboi heena Weyae Rare kena buhae heufekokaene nene waewae bele kiteufebokae. Rare kinyeufebokae holona yo, Reyae erenekende anuwaunge nanembainye emanekendere nane merau nda holona yo Raei nene waewaere ijoko enayerendere kena kale.

Roma 8:16

Allahle Roh yae aei kena ure nda a mbai faeu mbai yae elele, “Mayae Allahle kelu omi.”

Roma 8:18

Reyae hubanale nda heena beko hubannele bele wali one hengko aere emmekelembonde bele huluise erasi.

Roma 8:19

Allah yae nda kani kelana mokowole rambun yoni-yoni Naei kelu omi helere yakambonde naei yabe kena roweumihike rakeyate.

Roma 8:29

Wali Ondofolore hakonainyele ro miyaere Allah na beme fomona ro roumiboke, nane merau a hokoukoke Na aka baeke u nolo u kainye Naei Hina Fa Hoi Fa na bena Kiyaere yembonde naeise, Nare hakonainyele ro miyae Na Hina Fa Hoi Fa u mekai wanende inyaibonde.

1 Korintus 13:12

Nda heena aei uwa unulu nana wanen Allahle naeise eyae be nulure erate rambunne ijokore erande. Nebeibe na ya bele mensembonde be yoi mbembane wanen emarende. Nda hee raei isaei hebaen namman hiyei eraneiboi. Nebei hee yae wa, Allah raei uware isaeyeufe ma mbai reyae Allahle naeise isaeisebonde.

1 Korintus 15:49

Eyae nda kani kelane Adambe uwa wanen uwa bele nekewande. Nebei mekai mbai surgara meke Wali Ondofolole uwa wanen uwa bele emanekende.

1 Korintus 2:9

Nebeibe, Allahle homofaene nda wanen molaikoke, “Allahre kena buhae haeinye yore Neyae relahi yae mokoungehake rambunde ro miyae yae ijoko roko mbai ereiboi, angkaei yae oboroiboi, nane merau ro miyae naei kena u eisa eyakaiboi nekeimeyate.”

2 Korintus 3:18

Nane merau aei be yoi malo efelei yae be nulune erande merau, Tuhanbe nene waewaere ereyanne ro miyaere mokoume Naei uwa nene waewae bele u mekai wanen ibewande. Tuhan Naei Rohre a weunge aere mahi mokommele walora Nenaeijae u mekai neme imokowoume.

2 Korintus 4:17

Rabuhine ban nda heena kena beko u beko foma-foma bele nda wali fofone hubannera Allah yae nene waewae bele uwa yemmele huba ban haei ban nekamale. Allah yemmele wali ma na foi sele nda kena beko u beko bele wali mara.

Galatia 3:26

Yesus Wali Ondofolo Naei a elelere hila rabo halaeunge walora, mayae Allahle kelu omire yaeukoke.

Galatia 4:6

Mayae Allahle kelu omire yaeukokene, Allah Na Kelule Roh ukeunge mai kena ei u eise meke. Naei Roh walora Allahre Ako yae ebeli bonnembe.

Filipi 3:21

Allah yae Yesus Wali Ondofolore elae ikeunge nda kani kelana rambun yoni-yoni mokommibonde Naei me kelee u keleene menayorulembonde. Naei elae wake honainye walora mokommebonde eyae nda kani kelane nekande uwa kiyae bennehonde, Yesus Naei one hengko hehe bele uwa wanen imabonde.

Kolose 3:4

Wali Ondofolo yae mare wali yembe. Neyae benen nene waewae bele uwa yae yakaiboise mendene, mayae nane merau Nangkele yakambombe.

Ibrani 9:28

ro miyae helen bolen naei beko bakore kaeuboke naeise Yesus Wali Ondofolo roko mbai Naei uwa kinyeumiboke haiboke. Nane merau Neyae roko bee nendo bennehonde mendene, ro miyae naei beko bako kaeiboise ban, nebeibe ro miyae Nare rakeimeyainye yore hole molommibonde naeise mendere.

2 Petrus 1:4

Nda kani kelane nekate ro miyae naei bekore kena haehae kate hului nekate. Allahle are heteumekoke wali nibi a walora mayae na hului Naei u mekai ma yae nekembe, nane merau mai bekore kena haehae kaube huluinye ehakoyei naeise, Allah nebei a na foi sele mare yakaubokembe.

1 Yohanes 2:28

Reyae buhaere haemale kelu omi wanen ro miyae, Neyae mende heene fe hubamandene uware emafaembonde anuwaube baemale bele, nebeibe Naei ro be ro yoinye be yae rabulemabonde emahebembonde naeise, nda hee Wali Ondofolo mangkele mbainye nekembe.

1 Yohanes 2:7

Reyae buhaere haemale aka naei baeke naei, nda homone moloukokalene a emebe ewei. Nda wamale are na bere hele mayae borokaube mbai. Nebei wamale are mayae ninae borokaube.

1 Yohanes 3:1

Eyae rei mai kaban kande, rabuhine ban Allah na kena buhae emekai bele aere heumekokene, Naei kelu omi yae. Nana hesele eyae Naei kelu omi. Nda kani kelana ro miyae yae eyae Allah naei kelu omi yae me baeumebokere onaeime, rabuhine ban nda kani kelana ro miyae Allahre onaeinyene.

1 Yohanes 3:10

Allahle kelu omi bele walobo yunbe kelu omi bele nda u mekaisa mo isaeimabonde: Ro miyae nde me u ijen omokoinya, nane merau naka baekere kena buhae u buhae eheinya, Allahle kelu omi yae me ebaei sului.

1 Yohanes 3:21

Buhaere haemale aka baeke, aei me u beko bakora aei kena u isasa alalo okoinya, na hului be yae rabulandeboube Allahre ebeli bannele.

1 Yohanes 5:1

Allah yae raneujeke oro umau heraweungeboke Yesus Wali Ondofolore yeuboke Kiyaere hila rabo haleyate ro miyae naei kena u Allahlera honokate. Nane merau honoukoke akore kena buhae u buhae haeinye ro miyae, honoukoke fa-fare bele kena buhae u buhae henaimile.

Wahyu 2:28

Nane merau na hibi-hibi hakaise yo findelau yahei isemikonde.

Wahyu 22:4

Nebei yo Allah na be yoi kanenainyele nane merau Allahle ro na feline molonaimikonde.