1 Yohanes 3:19 - Allahle a neme heteungekoke homofae

^19-20 Nda nibi yae isaeimale Wali Ondofolole na hele wali nibine orande: Allah na kaban hele, aei kena u einye nekate yoni-yoni bele aei me u mokande bele nemene fomene Neyae naeisaei. Aei kena u osaemabonde heene eyae isaeimabonde me u beko mokandeboke. Eyae Allahle Roh Naei a elelere kena u einye hakomale yae kena foi u foi nekemale.

1 Yohanes 3:19 ပူးပေါင်းရင်းမြစ်များ

Yohanes 13:35

Maise naeise kena buhae hemembe walora ro miyae hiwa naeisaei inyaibonde mayae Raei moisa oraube yo.”

Yohanes 18:37

Pilatus yae hineunge, “Nebei wanenna, Weyae Ondofolo era?” Yesus yae weunge, “Wenaeijae a ijenbe warae Reyae Ondofolo. Nebei aerene hongkaisele nane merau nebei aerene na hele naei are isaeisemibondere nda kani kelare mekale. Ro miyae na hele naei a isaeyaemaelere kena kate yo Raei a boraisele.”

Roma 4:21

Abraham hila rabo halewole Allah yae naei a heteungekokere na hului ennemokombonde

Roma 8:38

Reyae na hele yae hubanale, Tuhan Yesus Wali Ondofolole walora Allah kena buhae heumekokere kayee moloiboise nda yoni-yoni yae na hului ban sele: here, wali, malaikat-malaikat, walobo yoni-yoni, nda hee baete rambun, bena ya honoifoyolene benate rambun, elae bele wake bele yoni-yoni, bumane nekate yoni-yoni, ana nekate yoni-yoni, Allah mokouboke rambun yoni-yoni nemene.

Ibrani 10:22

Nebei aerene men, nda u mekai ma yae Allah bele mbainye nekemale: na hele Allahle naeise kena kande yae, Wali Ondofolo Naei a elelere na hele hila rabo halaennele yae, kena u yolo-yolo bele nekemale yae. Nda nibi yae aei kena u yolo-yolo mokomande. Aei beko mokowande faeinyembondere nibi mbai mokombonde naeise Yesus Na ha yae rileuboke na hele elandene, nulu kemmebonde. Na hele nulu keumebokere kelemamile naeise bu konaimebonde.

Ibrani 11:13

Allah Naei a elewolere hila rabo halewounge yae nebei ro miyae nanemene Allah are heteungekoke rambun yoni-yonire eyaroikoi yae heraiboke, nebeibe naei hila rabo huluinye erewaimi, ahaufa ei hauwaimi. Nebei yo wo kowate ele moinye kolo ro miyae yae nda kani kelane mekainyekate.

1 Yohanes 1:8

Nebeibe aei uware beko bakore omokoyeijae elemalena, aei uware enaei ame-amebe baennele nane merau Wali Ondofolole walora na hele wali nibine oroi.

1 Yohanes 2:21

Mayae isaeyaeuboke Wali Ondofolole walora na hele wali nibi ane ame-ame u hele. Nebei aerene reyae nda homone moloukokale.

1 Yohanes 3:14

Eyae Allah bele wahaendekoke ro miyae holonara andebaleke wali neme bele ekannekande naeise aei aka baekere kena buhae u buhae haemmile yae kelemamile. Kena buhae u buhae ban ro miyae Allah bele wahaeikokebe nekate.

1 Yohanes 3:21

Buhaere haemale aka baeke, aei me u beko bakora aei kena u isasa alalo okoinya, na hului be yae rabulandeboube Allahre ebeli bannele.