1 Yohanes 2:11 - Allahle a neme heteungekoke homofae

¹¹ Naka baekere na hibi-hibi ikele yae koumile ro miyae, wali ouben hauben nolone namman nekele nane merau Allahre oneunge wali ma yae nekeimeyele. Wali foise ende nibi naeisaei ban yeuboke, rabuhine ban wali ouben hauben mae na ijokore kumba mokoungebokene.

1 Yohanes 2:11 ပူးပေါင်းရင်းမြစ်များ

Yohanes 12:35

Yesus yae weumi, “Nda hee ferere Reyae hehere naemmile Kiyae mai nolone nekande. Nebeinye Reyae hehere naemale Kiyae namman nekale yae Allahle isaei hebaende onaeinye yo wanen mayae yembombe belene, Raei a elale huluinye nekembe. Allahre onaeinye yo yae wali nibi foi isaeyeiboi. Nebei yo ouben hauben nolone orate wanen nekate.

Yohanes 12:40

“Wali noube enainyehembondene Reyae onomibe isemile bele, nda ro miyae ijoko yae ereiboi sului naeise nane merau na u benera isaeyeiboi sului naeise Allah yae ijoko kumba mokommibonde na kena elae mokommibonde.”

2 Korintus 3:14

Nebei mo ban, nebeibe Israel ro miyae naei u bene wa bene bele elae mokoumiboke. Meke nda hee bele Israel ro miyae Musale walora wali heere foloukoke ikowatebe, malo feleuboke wanen na kena une namman Allahle nene waewae naeise isaeyeiboi kate, rabuhine ban Yesus Wali Ondofolo hila rabo halemande walora nebei malore obuleuboke wanen Allahle nene waewaere yakanaibonde.

2 Korintus 4:4

Allahle uwa mbai Wali Ondofolo nene waewae bele Kiyaele a foi faeu foi huwandere isaeyeiboi sului nane merau isaeinyate belene, Wali Ondofolore hila rabo ehalei ro miyae mere mokoumi walobo yun mae nebei yo naei u bene kabe raneumiboke.

Titus 3:3

Na bere hele aei wali u mekai kobu heene nekewande nda wanen: ro miyae hiwa naei are oboroyei ehakoyei, hiwa yo a ame-ame yanaimeke, aei bekore kena kowande nane merau nda kani kelana foi bele yu bele erande rambun aei walire ikileumekoke, ro kelai miyae kelai hiwa na waline beko benate me u mokowande, ro miyae hiwa yo naei rambun yaromakondere kena haehae kowande, ikele aeise naeise kowande.

2 Petrus 1:9

Nde yae nebei u mekai ma naei wali einye enekeinya na ijoko nabe neumibokene, ereiboi sului. Na u benera haneungekoke Allah yae naei beko bako mokoukokere faeinyeungeboke.

1 Yohanes 1:6

Allahle a elelere oboroiboi wali ma nekatere ouben hauben wanen. Allah Naei wali nibi mbainye orande wali mbainye nekande naeise elandebe nebeibe Nare onaenne wali ma nekandena, aei uware ame-amebe bemande nane merau Wali Ondofolole walora na hele wali nibi a huluinye enekei.

1 Yohanes 2:10

Nde yae na aka baekere kena buhae u buhae hemmile, nebei kiyae Allahle hehene namman nekele. Nebei u mekai foinye na hibi-hibi nekele ro miyae, hiwa yore oro halun wanen mae u mekai beko yae enaleisi eruwei.

1 Yohanes 2:9

Nde yae Allahle hehene nekele yae elele nebeibe naka baekere na hibi-hibi ikele yae koumilena, nebei kiyae na wali ouben hauben nolone namman nekeimeyele.

1 Yohanes 3:15

Naka baekere ikele koyeumi kiyae Allahle ro be ro yoinye nebei kiyae ro miyaere hate holona rore yeuboke. Mayae maisaei ro miyaere hate holona yo mbai sambai wali hena bona eisubaikoi.

1 Yohanes 4:20

Ro miyae hi yae elende, “Reyae na hele Allahre kena buhae u buhae haenale,” nebeibe naka baekere ikele koimeyeumina, nebei ro miyae na wali ame-ame bele. Rabuhine ban aka baeke ijoko ereumi kiyaere kena buhae u buhae eheinya, roko mbai ijoko yae ereiyei Allahre kena buhae u buhae ehei sului.

Wahyu 3:17

Mayae elaube, ‘Meyae keren nale bele yo, maei uware rambun na hului arilandekoke, kalore omoloiboi.’ Nebeibe mayae onaeukoke, naeinya hele mayae ro ban sele, mai wali baengko ban, keren nale ban, kumba, melan.