1 Timotius 6:4 - Allahle a neme heteungekoke homofae

⁴ nebei kiyae nauware isaei rabo-rabobe halele nane merau mbai sambai naeisaei banbe. Neyae u bene mahi-mahi nekaimi are nane merau are kilenatere mokommile are kena kaban boronde. Nebei a yoni-yoni ro miyaere mokommile nda u mekai ma nekenate: kena hensen, ikele han, a beko beko, ro ro miyae miyae,

1 Timotius 6:4 ပူးပေါင်းရင်းမြစ်များ

Kisah 15:2

Paulusle Barnabasle nebei yo bele akure yeuboke howate. Nebei are Yesusle abu ako na hiwa bele nane merau nebeinya jemaat na be yun be yebae bele enayelengkonde naeise, Paulusle Barnabasle na ro hiwa bele yaraikoke Yerusalem yore enatere.

Kisah 18:15

Nebeibe nda mewaube ro kenane, a faeu kenane, mai wali heere foloukoke era hena kenabe releyaunge. Menaeijae mo kolonneko. Reyae ahi elale nebei wanen a koloi-koloise!”

Kisah 8:9

Nebei yona ro mbai na ro Simon. Neyae heki hele Samaria ro miyaere mokoumiyeke na buloo aerere maekoyeumi ijoko kelei-kelei mo kelaeinyeke. Nenaeijae weumi, “Reyae nda woke ro hosoro nekate wanen ban ma.”

Roma 12:16

Mangkele mbainye foi yae nekembe. Mai u bene yae eisamekoi rambun yoni-yonire eleijae, nebeibe be ijoko erei yae ro ban ro miyae bele orombe. Mai uwabe isaei hebaen emekai bele honayembe yae ehubaijae.

Roma 13:13

Aei u mekai mokandere Allahle ro be ro yoinye na yaka yeubokene, eyae na mekai yae nekemale. Nda me u omokoijae hele: holoka beko kombe, keu bu mali, yoko kaeimae kombe, bekore kena haehae koyaube mokombe, han fela kombe, kena hensen kombe,

Roma 14:1

Ro miyae Wali Ondofolo Naei elele a huluinye nekatene naei waline rahe me u mokonatere kena wauwau koyate yore, mai kena rei mai yae ei annebombe. Naei u bene nekainye are aukaka yae okonnemae.

Roma 2:8

Nebeibe rore baete nane merau Allah uwoumi Wali Ondofolole na hele wali nibi are moi bulaeinyera wali nibi bekore hakainyele yo, Allah Naei romou fere-fere kolere enainyehubande.

1 Korintus 11:16

Nebei a wamalere ro miyae hiwa aku honatena, isaeyembombe meyae nebei u mekaise mo kelaemmi. Jemaat yoni-yoni nanemene nebei u mekai kelaemmi a huluinye nekate.

1 Korintus 11:18

Nebei riya arileisiyaube einye aku kiteiboyole naei bele mai nolone yoho-yoho kaube naei bele a boroukokale. Nebei boroukokale a hiware reyae na hele yae elale.

1 Korintus 3:18

Mai uware ame-ame ebennemae. Mai u nolo u kainya hi yae naei uware nda kani kelana wali beko nibine orate yo naei isaei hebaen bele elendena, neyae Allahle isaei hebaen bele yembonde naeise, naei foi sele nebei u bene ma wononde nda kani kelana wali beko nibine orate yo eraimi kobu ro miyaere yembonde.

1 Korintus 3:3

Namman sele nda kani kelana wali beko nibine orate ro miyae wanen mai u mekai mokoimeyaube. Mai u nolo u kainye kena hensen kaubene nane merau aku haubene mai wali namman sele nda kani kelana wali beko nibine orate ro miyae huluinye nekaube. Mayae ro miyae hosoro wali ma yae nekaube.

2 Korintus 11:20

Mayae nda u mekai bele ro miyaebe ei hauwaumi: naei yebaei bubaeise mokayembe yo, mai rambunde ame-ame yae yarowate yo, u mbemba yae kalia mokombere mokayembe yo, nenaeijae anuwau bumane baete yo, me boi u boise konayemembe yo.

Galatia 5:15

Kayaa bele hebembe! Maise naeise a beko faeu beko elembena, me u beko mokombena, mai wali horombombe.

Galatia 5:26

Uwabe isaei hebaen emekai bele honole yae ehubaijae, kena ikele hire hire omokoijae, nane merau kena hensen maise naeise okoyeijae.

Galatia 6:3

Nde yae nauware rabuhi bele yae hubannele elende era bae niyae erabuhi ban selebe, nebei ro nauware nenaeijae ame-ame yaneunge.

Filipi 1:15

Na hele ro miyae holo mbai kena hensen mae kate aerene, nane merau rangkele are kilemalerene, Wali Ondofolo naeise huwate. Nebeibe holo bee nendo u bene foi yae harainyeboke huwate.

Filipi 2:14

Ro hi miyae hi yae mare a beko eweise me noyoi fende na hului ban naeise, nane merau u mekai yolo-yolo Allahle kelu omi wanen nekembe naeise, mai me u yoni-yoni rilibo ban mae emmokombe nane merau a kilei-kilei ban mae nekembe. Nda kani kela einye ro miyae meleyae wali nalaiboke horoyate yo ouben hauben nolone nekate nolone Wali Ondofololena wali nibi kelemmibomberene, mayae findelau wanen mae hehe naemmile. Nebei mekainye Yesus benen mende heene mai aerene reyae na hului uwa erekaende, rabuhine ban reyae ungfo wangfore kowekale yoni-yoni rambun foibe mokaikoke.

Filipi 2:3

Rore ronayembombere baembe naei, eise molonayembere relaeunge naei, me ube omokoijae. Mai u mekaibe harannebombe, maeise naeise kena u ane rannehimbe hi yae hire bereise yae erennele.

Kolose 2:18

Mai roibure u inyaibonde belene, ame-ame merau wae nauwa ane rannehinde ro miyae nane merau malaikat-malaikatre ei molaimi ro miyae mayae, ewaeisijae mai hila rabo haleyaungere beko mokonnebonde. Nebei u mekai wanen yo a kang-kangna kaneumikokere a helen elele, bekore kena haehae koyatere haraumi elae mokoumi aere ban mae nauware kaete,

2 Tesalonika 2:4

Nebei ro nansau fele yakambonde heene Allah naei yokeijo na kaban selere yembonde. Neyae mende walobo holona yore nane merau nda kanina kelana eise moloyaimi rambun-rambunde are yae heraweumibonde. Naei me u na beko hele mokombonde nda niyae: Allahle imaebe enensinde, naei imae wanen mae nuwembonde, naei uware Allah yae elende.

1 Timotius 1:4

Yahudi yo mei-mei relime bele na yobe kamahe bele u bene enekeijae weyae a elae weumile naeise nekele. Nebei a yoni-yoni mokommile ro miyae u bene nenaei nenaei nekenaimile, Allahle kaliare omokoyei. Wali Ondofolo Naei a elelere hakainye ro miyae walora Allah kaliare mokole.

1 Timotius 1:7

Nebei yo Musale walora wali heere foloukoke are kelaeimi holona ro miyaere inyaibondere kena hele kate. Nebei homofae be bele rabuleiboyate kelaeimibe, nebeibe a na haraungebokere onaete nane merau nebei kelaeimi a na mekaise, nenaeijae isaeyeiboi.

1 Timotius 3:6

Jemaat kayaare hebate holona ro manemfa hele Yesusre hakoungeboke ro holona yae ban, rabuhine ban nauwa isaei rabo-rabobe halendene nalennehinde ruwende belene. Na bere hele Allah yae walobo yunde nauwa isaei rabo-rabobe halewolene, ehee bukulu ikeunge wanen mbai nebei rore yennele.

2 Timotius 2:14

Nebei Yesus Naei ako faeuko kelei-keleise kelenaimile ro miyaere nda a ukawale hului yae weyae roko yae roko yae benen u benere nekenaimilere weumile. A faeu kenane kilate yore Allahle ro be ro yoinye a usaei foi sele yae weumikonde. Rabuhine ban a bele yae kilate rambun foi ban sele, boronate ro miyaere beko bele mokonaimile.

2 Timotius 2:23

A kobu-kobu naeise a ekileijae. Rabuhine ban waeisaei sele nebei a kobu-kobu kilenatera hande na hului honate.

2 Timotius 3:4

ro miyae kelaise mokate, mokombonde rambunde u bene foi yae enekeikoi, nauwa isaei bele ro yae kaenate, nda kani kela naei yukaei bele rambunde kena kaban konate. Allahre kena okoyei,

Titus 3:9

Nebeibe a bangka-bangka, han hoi-soi a ma eleijae. Abu naei arai naeitena yo mei-mei huwate aerene bele, Musale walora wali heere foloukoke aerene bele a ekileijae. Rabuhine ban nebei mekai a kileyate yae foise eyei, rambun foi omokoiboi.

Yakobus 1:19

Aka naei baeke naei, reyae buhaere haemale yo, nda a isaeisembombere borombo, Yesus Naei a elelere u hale yae borombo, u hale eleyeijae, nane merau ikele u hale okoyeijae.

2 Petrus 2:12

Nebei ame-amere kelaeimi yo obo yoku u mekai wanen yaeiboke, rabuhine ban u bene foi yae ehayeikoi na bekore kena haehae koyatere mo hakoyatene isaeyeiboi rambunde aukaka yae kaimi. Nebei aerene ro miyae yae obo yokure ikilate beko mokonaimile wanen Allah nare beko mokommibonde.

2 Petrus 2:18

Nebei yo a bangka-bangkare na ukaei bele yae huwaimi, ro miyaere a keleyaimi na bekore kena haehae koyate hului mo nekenate. Nebei a keleyaimi walora ro miyae manemfa hele wali beko nibine orate yo holora wekate yore muli yoboyaimile.

Yudas 1:10

Nebeibe, nebei ame-amere kelaeimi ro miyae naeisaei ban sele rambun yoni-yonire a horoyaimi. Nebei yo na bekore kena haehae kate rambun yoni-yoni mo isaeyaete, foi naeise isaeyeiboi, obo yoko wanen. Nebei rambunde hakoyaimi yae naei uware nenaei beko mokaimi.

Yudas 1:16

Nebei ame-amere kelaeimi ro miyae nda u mekai yae nekate: a mulun-mulun na hibi mo eleyate, naei bekore kena haehae kate huluinye mokate, nauwa bumane kaete, nauwa foi naeise hiwa yore a ame-ame yae kena hawaimi.

Wahyu 3:17

Mayae elaube, ‘Meyae keren nale bele yo, maei uware rambun na hului arilandekoke, kalore omoloiboi.’ Nebeibe mayae onaeukoke, naeinya hele mayae ro ban sele, mai wali baengko ban, keren nale ban, kumba, melan.