1 Timotius 6:21 - Allahle a neme heteungekoke homofae

²¹ Rabuhine ban ro miyae hiwa nebei are hakowaimine Wali Ondofolo Naei a elelere hila rabo halaetera wekate. Reyae ebeli banale Allah yae kena buhae aere ban mare henete.

1 Timotius 6:21 ပူးပေါင်းရင်းမြစ်များ

Matius 6:13

Maere wabenaimele hee, ei haweumele meyae ane nalemmihinde balemale belene. Walobo yun, bekore mokole kiyaele me ei u eisa hole moloumebonde. ((Rabuhine ban Waei me kelee u keleene ro miyae nemene nekenate. Elae wake nane merau one hengko bele Waei einye huba ban haei ban ninae hononende. Amin.))’

Roma 1:7

Mayae Roma kanina Allah kena buhaere hembe nane merau kaenengkokembe ro miyae, Yesus Naei eleuboke wekeumi holone nekembe yore nda homofae reyae moloukokale. Reyae ebeli banale aei Ako Allahle Tuhan Yesus Wali Ondofolole mare kena buhae aere ban mae henembe nane merau rei mai haungembe.

Roma 16:20

Allah rei mai yeumi Kiyae na heki ban walobo yun kiyaele elae mohennebondera mai oro keleene menerulensinde. Reyae ebeli banale Tuhan Yesus Wali Ondofolo yae mare kena buhae aere ban mae henembe.

Roma 16:23

Gayus rare naei imaene ukeufe nekale kiyae nane merau nebei imaene arileisiyate jemaatna ro miyae nemene mare ro melaeyayembe. Erastus nda yona roi mere ikileuboke kiyaele aei aka baeke Kwartusle mare ro melaeyayembe.

Kolose 4:18

Reyae Paulus mare ro melaeyerembombe. Nda homo hubare mokorekondere raei me yae moloukokale. Bene nekenayembe reyae ha rinenaisekoke wanen mae namman kawane hebale. Reyae ebeli boyanale Allah mare kena buhae aere ban mae ei haungemembe.

1 Timotius 1:19

Nane merau weyae releungele yae Wali Ondofolo Naei a elelere hila rabo haleungele nane merau kena u yolo-yolo yae huba haleungekonde naeise, nebei a wawale. Ro miyae hiwa Wali Ondofolo Naei a elelere oboroiboinye, naei kena une beko hubanainyele nane merau naei hila rabo mohi-mohi kamai-kamai yaeiboke, kakai ruka ranne ruwae yae hayeukokene beko yembonde wanen.

1 Timotius 1:6

Ro miyae hiwa nebei mekai walira aiweke yo a bangka-bangka mo huwate.

1 Timotius 6:10

Rabuhine ban roise kena kaban kate u mekai yae mokoumi ro miyae u mekai wa mekai beko mahi-mahi mokate. Roise kena kaban kowate aerene aei holona ro miyae hiwa Wali Ondofolo Naei a elelere hila rabo halaeinyera wekatene, na kena ure nenaeijae kabaeikoke.

2 Timotius 2:18

Nda ro bee wali nibi na hele kelaemmira wekete. Neyae ame-ame yae wabaimi, herewate ro miyae anainyunde ya moibe wokande lonbe. Nebei a bangka-bangkare borowate ro miyae hiwa a ame-amere hila rabo halaete.

2 Timotius 4:22

Allahre reyae ebeli banale Yesus Wali Ondofolo waei kena u ei haungete, Naeinya kena buhae aere ban mae henete.

Titus 3:15

Rangkele nekande ro miyae ware ro melaeyaeyete. Nebeinya Yesusre hila rabo haleyainyene maere buhaere haeimele yore ro melaeyeumibonde. Reyae ebeli banale Allah mare kena buhae aere ban mae henemembe.

Ibrani 13:25

Reyae ebeli banale Allah kena buhae aere ban mae mare nemene henembe.