1 Timotius 6:10 - Allahle a neme heteungekoke homofae

¹⁰ Rabuhine ban roise kena kaban kate u mekai yae mokoumi ro miyae u mekai wa mekai beko mahi-mahi mokate. Roise kena kaban kowate aerene aei holona ro miyae hiwa Wali Ondofolo Naei a elelere hila rabo halaeinyera wekatene, na kena ure nenaeijae kabaeikoke.

1 Timotius 6:10 ပူးပေါင်းရင်းမြစ်များ

Matius 13:22

O haka heraeiwole hun isa bele nolone balewate yo nebei niyae ro miyae nebei a faeufe boraiboke yo. Nebeibe nda yo naei wali holere molommibonde aerene buhae hokoiboyoumi nane merau yeisi raeiboi walire kena haehae koyatene, nebei a faeufe ayeikoyainyene anire omokoi.

Matius 23:13

“Mayae Musale walora wali heere foloukoke are isaeyaeukoke kelaeumi holona bele Farisi holona bele, mayae faeu kai bee holona nekaube yo. Raei me kelee u keleene nekate yo holo naei eise eke romau mayae ahaeube. Mayae eyeiboise kena okoinye, enayembondere relaeinye yore ahaeumi. Mayae na beko hele hubannembe!

Matius 6:19

“Eba he nda kani ran kela ranne waei u mbai naeise arileyeijae. Rabuhine ban, nda kanine oyaya bele ehi bele rambun-rambunde bekore mokate, nane merau yokoyo yae honate anuwau kelarenaibonde. Nebei rambun yoko yae yaronaikonde.

Markus 4:19

nebeibe nda wali naeise buhae isokowoumi, rabuhine ban yeisi raeiboi walire nane merau rambun helende kena kaban ikowate. Nebei meraunge Raei ako faeuko naei kena une elae ban yeiboyatene ani omokoyei.

Kolose 3:5

Nebei aerene mai uwa nda kani kelana nekaube na u mekai beko nda wanen menaeijae hee roromembe: yoko kaeimae, wali niki belere u bene nekayembe, kena bekore haehae koyaube me u, bekore kena kaube, rambun yarombere kena haehae kaube (rabuhine ban nda wanen mokombombena, hoime bahe wanen ei moloi-moloise yembonde).

1 Timotius 3:3

keu bu mali ban, wali nansau banbe nebeibe nime haba, hande okoyei, roi mali ban,

1 Timotius 6:21

Rabuhine ban ro miyae hiwa nebei are hakowaimine Wali Ondofolo Naei a elelere hila rabo halaetera wekate. Reyae ebeli banale Allah yae kena buhae aere ban mare henete.

1 Timotius 6:9

Ro miyae nde roi helen yarongkondere kena haehae kondena, naei uwabe nenaei kabeukoke. Nebei roi umali elae yae hubanaimile nane merau walangka wokene heuboke. Ro miyae roise yaronate naeise na hibi-hibi u bene nekenaimilena, naei wali einye kalo nekai hubanaimile.

2 Timotius 3:2

Rabuhine ban ro miyae na u mekai wa mekai nda ma inyaibonde: naei u mbaise mo kena buhae henaimile, roise kena kaban konate, ukaei sele, ro miyae naei ro foise horonatere kena hele konate, ako nakere oboroi, helen foise eweyei, Allah kenare kole wali mane enekei,

2 Timotius 4:10

Rabuhine ban Demas nda kani kelana wali beko nibire kena kowolene eukuke, rare nukeufeboke, Tesalonika yona ewole. Kreskes, Galatia kanina ewole, nane merau Titus, Dalmatia kanina ewole.

Titus 1:11

Naeinya ahuba ame-amebe huwaimi yae mokaimi imae ei hiwa nemene Yesusle a na hele ban mae elate. Nebei mekaise mokaimi yo neuwa ahuneumibonde. Ro miyae naei rambun abun-abun naeibe wabaimi inyaimile naeise, nebei ro miyae ame-amebe kelaeimi.

Yakobus 5:19

Aka naei baeke naei, mai nolona ro miyae mbai Wali Ondofolole walora na hele wali nibira wenendena, ro miyae hi yae a usaei wennele bukennehinde.

Yudas 1:11

Neyae beko hubanayende! Na bere nda ro name nekewate Kain, Baliem, Korah u mekai beko nekewate wanen, nebei holona ro miyae na u mekai beko nekate. Kain mae nauwake Habel houbokene, Allah na uwane iwau mokouboke nane merau hiwa yo yae nare ro beko kaenewainye. Roise yaronaterene, Baliem mae Israel yokeijore nibi mbai keleumikoke Israel ro miyaere naei kena ure yobonaimile me u beko mokonaimile. Nebei aerene Baliem u mekai beko rore rowainye. Korah Allahle a Musale walora uwoumire oboroiboi ehakoiboinye, nda kani kela weweukoke bulune Korah ruke hereke. Allah nebei ro namere me nokeumi wanen mae nebei ame-amere kelaeimi ro miyaere me nommiyonde.

Wahyu 18:13

o elan yu bele, bumbu na mane-mane, o na ongkou fololo bele, mur, kemenyan, anggur bu, minyak zaitun, tepung, gandum, sapi, domba, kuda na kereta bele, nane merau yebaei bubaei.