1 Timotius 5:14 - Allahle a neme heteungekoke homofae

¹⁴ Nebeinye raei kena kale nebei miyae nannale namman na hokolona, rore enelensonde, kelu omi bele yembonde, naei imae obe foi yae holende, aei yokeijo walobo yun kiyae mon rowende jemaatre fe mokommele belene.

1 Timotius 5:14 ပူးပေါင်းရင်းမြစ်များ

Roma 14:13

Allah aei walire hului kolommekonderene, men, aeise naeise hila rabo mbainye halaende ro miyae hibe u mekai beko mokomale belene, eyae u mekai harannele beko omokoi yae nekemale.

2 Korintus 11:12

Ro miyae hiwa Wali Ondofolole abu ako ame-ame elate yo raeinya wanen mbai maisa wali rambun yaratene ((maei anuwau elae bele mbai naeise)) na uware enaikaende bele, reyae mainya wali rambunde eyaroi.

1 Timotius 2:8

Reyae kena kale ro yoni-yoni na kena u yolo-yolo yae ikele han ban mae ebelire bonainyele. (Na bere Yahudi ro miyae nane merau me bumare kaeiboyainyele yae ebeli bowainyele.)

1 Timotius 4:3

Nebei yo yae kelaeimi ro miyaere eyaroijae, miyae rore eijae, nane merau raman hiwa aneijae. Nebei kelaeimi are ame-ame baete, rabuhine ban Wali Ondofolore hila rabo halaeinye ro miyae Naei na hele wali nibi are rainyeboke yo Nare helen foi yae ungainyelera anenaikonde naeise, Allah nebei raman mokouboke.

1 Timotius 5:11

Miyae nannale namman na hokolona ro ehaweijae. Rabuhine ban ro kena kongkondera Wali Ondofolole kalia mo mokonatere kena okoi, rore enelensonde.

1 Timotius 6:1

Kaliare mokaimi ro miyae, rowa yoni-yoni na mekai sele be hinenaimiyende hele. Nebei mekai yaere ro miyae yae Allahle Rore nane merau aei a usaei wasaei kelaemmire beko yae eleikoi sului.

Titus 2:8

Nane merau a na ijen mae mo keleumile, hiwa yo ware me nonaiwotere na hului ban. Weyae nebei merau keleumilena, waei a keleyamae ahire elate ro miyae fe yae konate. Nebei mekai yaere aere a beko ewei sului.

Ibrani 13:4

Mai nolone ro bele miyae bele mokaimiboke mbainye yaeiboke naei hubara haeisa yanennele nane merau ro bele miyae bele mbainye honote naeise Allah kena kole yae erennembe, rabuhine ban ro miyae bele miyae ro bele mbainye hononate yo, nane merau yoko kaeimae kate yo bele Allah yae me nommiyonde.