1 Timotius 4:16 - Allahle a neme heteungekoke homofae

¹⁶ Waei u mekai wa mekai bele nebei a usaei kelaemaele belere kayaa foi yae hebele. Naendae wanen horore beko hubanayete, no ban hee ban mokole. Rabuhine ban nebei mekai mokolene, waei uwa hole moloungebonde nane merau ro miyae nanemene waeinya wamae are borate yo bele hole moloumibonde.

1 Timotius 4:16 ပူးပေါင်းရင်းမြစ်များ

Markus 13:9

“Nebei hee kayaa bele yae hebembe, rabuhine ban Rare ehakoyei yo yae mare ikilenayengkombe, yo riyare kinyenayembombe, mai wali ijoko erenayengkombere. Ei mom-mom imaene erahuae yae bonayembe. Rangkele mbainye nekandene yaungayembombe gubernur yoni-yoni bene ondofolo yoni-yoni bene embe. Nebei hee yae mon rowembe Raei a foi faeu foi wemmile.

Lukas 21:34

“Mauwa kayaa foi yae hele hebembe, yo koi yo bae naeise bele bu elae naeise bele nda wali naei kena beko mokoyeumi naeise bele aerene buhae hokonayembe belene, nane merau huba mokoikoi ya mende obo yoku wali omokoisainye walangkane ikilenaikonde beko hubanainyekonde wanen mare beko hubanayembe belene.

Kisah 26:22

Nebeibe meke nda heene Allah nin kan roroufemekene, nda hee ro raimi bele, ro ban bele ro miyae bene hebale a wamale. Nda wamale a na bere Musa yae nane merau Allahle yenjo kayaayo yae a mehininde kolowainye mbai.

Kisah 6:4

Meyae wa Allahre ebeli boi-boise nane merau Wali Ondofolole walora wali nibi are kelemamiyende.”

Roma 11:14

Nebei kalia yae reyae rabo halaele raei yoho mbainya ro miyae, Yahudi yore, mokoremibonde kena hensen konayende, nane merau Allah yae hiwa yore hole molommibonde.

Roma 16:17

Aka naei baeke naei, reyae moi hurerembe jemaat einye maise naeise a horonatere mokaimi ro miyaere nane merau mare kelaeyengkombe Wali Ondofolole na hele a nenaei ma kelaeimi ro miyaere ijoko robommile, naei nolora uwa wemembe.

Roma 2:7

Ro miyae u mekai foi na hibi-hibi mokayeke walora uwa emmikaende naei bele be emmihinende naei bele nane merau wali hem ban kana ban belere baete yore, Allah yae wali hena bona emmiyende.

1 Korintus 1:21

Allah Naei isaei hebaen huluinye, ro miyae nda kani kelana wali beko nibine orate yo naei isaei hebaen walora Allahre oroiboi. Allah kena koukoke Naei mokouboke nibi huluinye Wali Ondofolore hila rabo halenainye ro miyaere hole molommibonde. Nebei nibi a faeufe huwaimi hee, ro miyae nebei a faeufe a bangka-bangka yae elate.

1 Korintus 9:22

Hila rabo elae ban yo reyae na hului Wali Ondofolole a weumi huluinye nekenatere yaweremibonde menate naeise, naei u nolo u kainye nebei yo yae nekale. Nibi rahe ma eneharabole hiwa yore hole moloremibonde naeise, ro miyae nanemene na nekate wali ma yae eisaraiboyanale.

1 Korintus 9:27

Reyae ro miyaere Wali Ondofolole a foi faeu foise hufemile baensonde heene, reyae me buhae na hului yae roufele naeise raei uware elae relaenale haranale raei kena foise kale huluinye mokorele.

Efesus 4:14

Nebei heene eyae aei wali kelu omi wayeu wanen mae enekei. Kelu omi na hele are foi yae isaeyeiboi. Bu mokona alu ruwae boye yae ndire ndare kounge wanen mae nebei kelu omi wanen ro miyaere ame-amere kelaeimi naei a mongko-mongko waimi yore hakoyaimi.

Kolose 4:17

Arkhipusre a wennele, “Tuhan Yesus a ukete kaliare foi yae mokoukonde baensonde.”

1 Timotius 1:3

Reyae Efesus yora kulun bowale Makedonia kanire erelere hee yae ware moi hurewawale Efesus yone uwa heraweungele nekele. Nebeinya ro miyaere wali nibi na ijen ban ekeleijae nane merau

1 Timotius 4:15

Ro miyae nanemene erenate Wali Ondofolo yae na hibi isaei hebaen ware baranete Naei kaliare mokole naeise, nebei kalia na mekai yae na hibi-hibi mokole.

1 Timotius 4:6

Timotius, aei aka baekere nda wawale are no ban hee ban isaeyeumilena, weyae Wali Ondofolole kaliare mokate holona ro foise yeubonde. Eraman uware elae yeumi wanen mae Wali Ondofolo Naei a elelere hila rabo haleimeyeyae bele Naei wali nibire kelaeimi are hakoimeyeyae bele wa kena ure elae mokoimeyayete.

2 Timotius 2:10

Allah yae a hokoukoke Yesus Wali Ondofolo yae yeumi wali hena bona enaiyaronde ro miyae naeise nda beko hubanalere kena yae herawale. Nebei ro miyae huba ban haei ban buma kaenaimiyende.

2 Timotius 3:14

Nebeibe weyae Timotius, a usaei wasaei na hele ware kelaeyekokete bele na hele eleyae belere me bobo ikileungekonde, rabuhine ban waeisaei sele nde naei yae nebei isaei hebaende kelewayete yo.

2 Timotius 4:2

Yesus Naei wali nibi naei a foi faeu foi huweumile hele. Ro miyae boronate naeise kena, kena ban weyae keleumile naeise uwa mokoisa-mokoisa yae nekele. A helee bele han bele yae angkaa yoboumile. Homo mbai a mbainye oromembe, beko mokonate holonare a usaei elae yae weungele, nane merau foise mokonate holonare moi hureumile. Nebei mokole hee na hebaen-sebaen mae na mekai bele yae huweumile.

Titus 1:9

Nebei ro Yesusle ako faeukore eyae kelewannelere hila rabo elaekei sele halende, neyae na hului Wali Ondofolole wali nibi a yae jemaatna ro miyaere alommile naeise, nane merau Yesusle ako faeuko na hele ban keleyaimi yore na u bene ijen alommile naeise.

Titus 2:15

Bumane homo moloukokalena are keleumile. A na ijen mae ro miyaere aloumile, na me u beko mokatere a helee bele han bele yae angkaa yoboumile. Ro miyae hiwa yo yae ware ane enaikolote naeise ewaeisijae.

Titus 2:7

Titus wa wali foi naei na hibi-hibi yae mo mokole, ro miyae hiwa wa waline erenatene nebei bune wane hakonate. Weyae a helee bele han bele wamae ma mae ei molonayete naeise keleumile.

Filemon 1:19

Nda homone raei me yae moloukokale. Reyae na hele elale nebei kou kalore renaeijae aherekonde baensonde. Nda a u bene nekenayete raei walora weyae wali neme bele nekeyae. Reyaebe yae Wali Ondofolole a foi faeu foise kelewawale.

Ibrani 12:15

Maise naeise uwa kayaa bele hebembe mai nolona nda me u keli yembonde bele: mbai nendo, ro miyae Allah kena buhae aere ban mae hembe naeise ehubaikoi; bee nendo, ro miyae mbai mai u nolo u kainye kena u ikele bele yae ro miyae helende mokommibonde aku hombe nane merau Allahre ei ehawei yae nekenate;

Ibrani 13:9

Raman naeise a usaei mahi-mahi kelaeyembere mare Wali Ondofolole wali nibire onengkombe naeise ewaeisijae. Naei foi sele Wali Ondofolo kena buhae aere ban hembe Kiyae Naei a elele yae mai kena u hara roronembe, era henana ramande anembe a yae ban. Era hena huluinye raman anate ro miyae naei uware rabuhi ban sele.

Yakobus 5:20

Bene nekenayembe nda niyae: Ro miyae hi nebei beko bako imokowole kiyaere a usaei wennekonde nane merau nebei ro miyae naei u mekai beko mara bukennehindena, nebei rore hole molonnebonde. Rabuhine ban neyae ebukei nekendena, here no unulu bele waheikoke wanen nebei ro miyae Allahle waheneikonde. Nane merau bukennehindena, nebei ro miyae naei beko yoni-yoni Allah faeinyembonde.