1 Timotius 2:10 - Allahle a neme heteungekoke homofae

¹⁰ Miyae maengke naei ofae kaemae uware molonate nda niyae: u foi wa foi, Allahre eise molainye miyae maengke yae mokoyate wanen mae.

1 Timotius 2:10 ပူးပေါင်းရင်းမြစ်များ

Kisah 9:36

Yope yona miyae mbai na ro Tabita. Nda miyae Yesusre hila rabo haleungeke. (Na ro Yunani afaeunge Dorkas.) Naei me u foi sele mokoweke nane merau hun ban wai ban ro miyaere roko helen hakoumiyeke.

Kisah 9:39

Petrus aunguke hakoiboise mo hakoumiboke. Petrusre yawainyehoke yowa buma rakana kayeere ikate. Nebeinya miyae nannale (rora molaikoke) yo nemene mekate Petrusre yanainyekoke, na rimahili bele haiwate nane merau Dorkas na waline nekewole heene malo yoni-yoni hawoumi bele Petrusre kelewainye.

Efesus 2:10

Rabuhine ban eyae Allah yae mokowoume ro miyae. Na bere hele Allah me u foi yoni-yoni mokoungehake. Nebei me u foi yoni-yoni mokomande naeise, eyae Yesus Wali Ondofolole walora ro miyae u mekai neme mokoumeboke.

1 Timotius 2:11

Miyae maengke a usaei wasaeise isaeinyate hee, be elae u elae okoijae, kena u ane ranainyehinde nekenate.

1 Timotius 2:9

Reyae kena kale miyae maengke nauware molombonde rambun ijokore oyoboiboi ma yae hirenate. Nda mekai yae uware omoloijae: umaa bukuneufike yae, emas yae, mutiara yae, ijokore kabeisi-kabeisi holona yae, uware omoloijae. Nane merau malo roi bumana hele yae uware ehireijae.

Titus 2:14

Nana hesele ro miyae naei me beko u beko mokowate huluinye ehee bukulu emmihayendera hole molommebonde naeise, nane merau ro miyae kuyemmile Naei holo mbaise mokombonde naeise, Yesus mehauwae na wali kinyeumiboke. Ro miyae holo mbai me foi u foise mokonatere kena kaban koyate yore Yesus baele.

Titus 3:8

Homo moloukokawalene na bumana a nemene na foi bangka mo, hila rabo halen. Nebeinye Titus, Allahre hila rabo halewainye ro miyae me u foi na hibi-hibi mokonayende naeise, reyae kena kale weyae nebei a elae yae keleumile.

1 Petrus 2:12

Nauwae, Allahre oroiboi yo mayae beko mokaube are elenatebe, nebeibe mai u mekai foi mokombe erenayembe naeise, foi sele u mekai harannele. Nebei u mekai nekaubene, Allahre onaeinye yo naei kena u einye Allah bele emmihubayengkombe heene Nare hili enainyehebende.

2 Petrus 3:11

Mana mayae Allah merau raungehike Yesus benen mende yare rei mai yae rakeyaunge. Allahle holona wali ma mo nekemembe, Naei kenare kolere mo mokomembe, rabuhine ban nemene Allah beko mokonnebonde, kun waufe i yae wononde bengkonde, mokouboke rambun no yoni-yoni i naumene hibonaikonde.

Wahyu 2:19

Mai naeise nda rambunde Reyae isaeyeubokale: kalia yoni-yoni mokaube naei, kena buhae u buhae haeube naei, Rare hila rabo halaeufe naei, beko hubawaunge hororebe Raei a elalere hila rabo haleimeyaube naei, na bena kalia mokowaubera nda hee emekai bele mokaube naei.