1 Tesalonika 5:12 - Allahle a neme heteungekoke homofae

¹² Aka naei baeke naei, mai jemaatna be yun be yebae mai nolone kalia elae mokoyate, aei Tuhanbe einye mare wali nibi harayayembe, nane merau a usaei wasaei weyayembene. Meyae riyayembe nebei yore ei molommiyembe.

1 Tesalonika 5:12 ပူးပေါင်းရင်းမြစ်များ

Lukas 10:7

Imae ungayembe einye mo nekembe nane merau raman bu inyaiyembe anembe, rabuhine ban kaliare mokoyate yo na me buhae bele yaronate. Nebei imae mbainye mo nekembe, imae hira hira okoijae.

Yohanes 4:38

Reyae ukamale mayae omoloikoi anuwaungare ensokombere. Ro miyae hiwa aimoloukoke, mayae ekaube nebei yo yae bolu molaikoke na anibe ensokombe.”

Kisah 20:28

Mai uware kayaa foi yae hebembe. Nane merau Allahle Roh yae ukembe hului jemaatna ro miyae nemenere kayaare foi hebembere. Domba kayaalo hebeyele wanen mae mayae Allahle Jemaat kayaa hebembe. Allah Naei Kelule ha rileuboke yae nebei jemaatre Naei yae eleukoke.

Kisah 20:35

Raei me u mokoimeyale walora keleimeyamale maei roibu walora ro miyae elae ban wake ban yore hakomamile hele. Tuhan Yesus Naei a faeu eleukoke u bene nekenayembe, ‘Riyei yaroi niyae ban, nebeibe yei wahei wali ma nekate ro miyae, onomi foka yae hubanainyende.’ ”

Roma 16:12

Trifenale Trifosale aei Tuhanbe kalia elae hele releinye miyae beere raeinya ro melaeyemmibombe. Aei Tuhanbe kali elae meumokoukoke miyae hi Persis buhaere haenale kiyae raeinya ro melaeyennebombe.

Roma 16:6

Maria mai naeise kalia elaekei sele relewounge kiyae bele raeinya ro melaeyennebombe.

1 Korintus 12:28

Nebei mekai mbai jemaat einye Allah yae nda melen bai ma yo kaeneumikoke ukeumi Naei kaliare mokonate: mbai nendo abu ako, bee nendo Allah weumi are huwaimi yo, name nendo Wali Ondofolole wali nibi are kelaeimi yo, nebeisa rambun emere-emere mokate yo, era buloona yore onomire yaimi meli mekai bele yo, hiwa yore hakonaimiyende yo, hiwa yore me mokaimi na meli mekai bele yo, afaeu mahi-mahi elate yo.

1 Korintus 15:10

Nebeibe Allah rare kena buhae aere ban mae heufekoke aerene mai ijokore eraufe wanen mae raei u mekai nekale. Nane merau Allah rare kena buhae aere ban heufekokene Yesusle abu ako yae nekate yo nolora reyae kalia mokowale ma ehameikoi sului. Raei kena kale huluinye omokoi, nebeibe Allah raei walora ro miyaere kena buhae aere ban hewoumi huluinye mokowale.

1 Korintus 16:16

Reyae moi huramale nebei ro miyae wanen yore nane merau ro miyae hi Wali Ondofolole kaliare mokate yore ei hawemmile.

1 Korintus 16:18

nda name raei kenare foi mokaise. Nebei sului mbai mai kenare foi mokayembe. Nebei u mekai ma ro miyae naei me ure yakammibonde.

1 Korintus 3:9

Mayae Allahle heke wanen nekaube. Mayae nane merau Allahle imae wanen nekaube. Meyae bee Allahle kaliare mokende yo mo.

2 Korintus 11:23

Nebei yo Wali Ondofolo Naei kaliare mokate yo yae elate. (Keunga ro miyae wanen mae elale.) Reyae nebei yore moi wokamaele. Nda weitasi kowaiselere ro miyae rare ehameikoi: kalia roi yae bu yae bewekale, kawa einye roko yae roko yae ahaeiseke, rahuae elae baiseke, kena beko isubawanalene hereinyen-hereinyen ikowale.

2 Korintus 5:9

Nebei aerene nda uwane nekandena, heremalena, eyae relemande Tuhande kena foise mo mokomande.

2 Korintus 6:1

Meyae Allah Naei kalia mbainye mokande yo yae mare moi hurayembe Allah kena buhae aere ban mae hengkokembe Kiyaele a foi faeu foi huwewayembe borowaubebe rabuhi ban mae ereijae!

Galatia 4:11

Reyae buhae hokoufe mai aerene uwa hoiboi mo relewanale nendon rambun foi ban yembonde.

Filipi 2:19

Raei rabo elae halaele Tuhan Yesus nibi wennendene, na heki ban mae Timotius ufende mai bokore endere. Neyae bensonde mende yae mai u mekai nekaube ma reyae bororebondene kenare foi mokonsebombe.

Kolose 1:29

Reyae elae hele baele nda kalia mokalere baensonderene Wali Ondofolo yae yeyeufe elae randa mokale.

1 Tesalonika 2:9

U bene nekenayembe hele aka naei baeke naei, meyae Allahlena a foi faeu foi huwewayembe heena, menaeijae reniai rai kalia mokandekoke mai wali rambunbe yaromayengkombe belene.

1 Tesalonika 4:1

Huba ahumboise, aka naei baeke naei, na bere meyae mai bokone nekewande heene, Allah kena foise mokonnele wali mare meyae kelaeyengkokembe. Mayae na hele nda wali ma nekaube. Mana aei Tuhan Yesus naei Ro eisa meyae a moi bele hurayembe wayembe nebei wali ma na hibi-hibi holennembe.

1 Tesalonika 5:14

Aka naei baeke naei, meyae moi hurayembe, kalia omokoyei yore angkaa yobommile. Buhae-buhae koyate ro miyaere kena elae yemmiyembe. Elae ban wake ban nekate yore hakommiyembe. Ro miyae hiwa bele kena hebaen u hebaen mae nekemembe.

1 Timotius 5:1

Timotius, rorele holonare oku yane roroijae hele. Waei a eleyae boronetere ako wanen mae mokoungele. Hokolo fa-fa ro holonare ako mbainye wanen mokoumile.

1 Timotius 5:20

Na hele beko mokombondena, jemaat bene a elaekei weungekonde hele. Nebei mokoubondene ro miyae hiwa u mekai beko mokonate belene, buhae hokommibonde.

2 Timotius 2:6

Heke ro miyae kalia elae mokoikoyelere na bemena ani foi moi yaroikoyole hele.

Titus 1:3

Nebeisa Allah kenare koukoke ya Naei kaliare mokoyate yo huweyaimi walora Naei a eleukoke yakaumiboke. Aei Walilo, Allah, rare ukeufe Naei a eleukokere ro miyaere hufemiyendere.

Titus 1:5

Kreta yokobane ware nukeubokawale, nebei yokobana huba omokoikoi kaliare hiyei raneubonde naeise, nane merau nebei yo yoni-yoni honatena jemaat naei be yun be yebae hebenate yo eleumikonde naeise, reyae keleukokawale wanen mae mokoukonde.

Titus 2:15

Bumane homo moloukokalena are keleumile. A na ijen mae ro miyaere aloumile, na me u beko mokatere a helee bele han bele yae angkaa yoboumile. Ro miyae hiwa yo yae ware ane enaikolote naeise ewaeisijae.

Ibrani 13:17

Mai be yun be yebae naei a borommiyembe, ungayembe huluinye mokombe, rabuhine ban nebei ro miyae mare kayaa hebayembe naeise Allahle bene wo enaikongkonde hele. Na kalia kena beko u beko yae ban nebeibe kena rei mai yae, nebei kalia mokonate naeise ungayembe huluinye mokombe, rabuhine ban nebei kalia kena beko yae mokonatena, mare foise omokoiboi sului.

Ibrani 13:7

Mai be yun be yebae, Allahle ako faeukore mare huwayembe yore, u benene nekenayembe. Na wali nekewate ma bele herewate ma bele nou hembe, nane merau na hila rabo halewate ma bure ware hamennembe.

Wahyu 1:20

Raei meube reufine ikileukokale findelau mehine bee bele oro bele isehere naeyele rambun emasra mokaiboke mehine bee bele ijokore ereukokae nda na mekai niyae: findelau mehine bee nebei jemaat mehine bee naei malaikat, oro bele isehere naeyele rambun mehine bee nebei jemaat mehine bee.”

Wahyu 2:12

“Pergamusna jemaat na malaikatre homo nda wanen mae moloukonde: Nda a niyae ramiyaeli henen reufira reufira halaeikokere mere ikileuboke Kiyaelera:

Wahyu 2:18

“Tiatirana jemaat na malaikatre homo nda wanen mae moloukonde: Nda a niyae Allahle Kelulena, Na ijoko i bolo-bolo wanen, Noro perunggu yolo-yolo wanen.

Wahyu 2:3

Raei Ro aerene beko hubawaunge hororebe, ma kena beko ebei nebeibe kena yae herawaube na hibi-hibi Raei a elelere hila rabo haleimeyaube.

Wahyu 2:8

“Jemaat Smirna na malaikatre homo nda ma yae moloukonde: Nda a niyae Hubalo Mandolera nane merau hereke nebeibe benen aunguke Kiyaelera:

Wahyu 3:1

“Sardisna jemaat na malaikatere nda wanen mae homone moloukonde: Nda a niyae Allahlena Roh mehine bee bele findelau mehine bee mene ikeleumi Kiyaelera. Mai kalia yoni-yoni mokaubere Reyae isaeyeubokale. Nebei mekai mokaubene, mayae no yaeube yo yae ro miyae hiwa elate erabae herauboke.

Wahyu 3:14

“Laodikiana jemaat na malaikatre homo nda wanen mae moloukonde: Nda a niyae Amin mae rainyeboke Ro, Allah weunge a hului yae nane merau na hele yae isaeyeumi Kiyae, Allah yae mokouboke rambun yoni-yonire mere mokoumi Kiyaelera.

Wahyu 3:7

“Filadelfia jemaatna malaikatre nda wanen mae homo moloukonde: Nda a niyae nene waewae bele Na Hele mo elele Kiyaera. Na bere Ondofolo kaban Daud Yerusalem yona romau rawembonde naei kunci ikileuboke wanen nda Kiyae Allahle holonare enayembonde romau na kunci ikileuboke. Neyae rawembondena, hi yae ha yae ahuneiboi sului. Neyae ahunembondena, hi yae ha yae eraweiboi sului.