1 Tesalonika 4:9 - Allahle a neme heteungekoke homofae

⁹ Yesusle eisa hila rabo mbai haleyaube aka baeke mare buhae heyaumire maisaeinye, Allah yae nda naeise kelewombene meyae homo hi nda naeise omoloikoi.

1 Tesalonika 4:9 ပူးပေါင်းရင်းမြစ်များ

Matius 22:39

Wali heere foloukoke bee nendo nebei sului mbai: Waei uware buhae haenae wanen mae ya-ya wali nibi mbainye oraube ro miyaere buhae heumiyende.

Yohanes 14:26

Nebeibe Ako Allahle Roh, mare holenembe Kiyae, Raei Ro yae wennele mende. Nebei Kiyae yae mare kelenembe nane merau mokonembe Reyae kelewamale a usaei wasaei nanemene mai u benene nekenayembe.

Kisah 4:32

Nebei ro miyae hilare rabore halewate yo nemene na kena mbai u mbai. Nebei nolora hi yae naei rambun naei uwa mbai naei yae eleikoi. Nemene na mena-mena rambun honate nemenaei bangka mo.

Roma 12:10

Ako nake mbainya aka baeke wanen mae maise naeise kena buhae u buhae hembe nane merau mere mokayembe holo wanen ei hawemmile.

2 Korintus 9:1

Yesus Naei eleuboke wekeumi ro miyaere hakaumi rambun yemmile enate naeise benen reyae homone omoloi sului,

Filipi 3:15

Eyae Yesusle einye henandeboke ro miyae nebei u bene mbai nekeyaimele. Nebeibe mai u nolo u kainya u mekai hire u bene mahi nekenayensimbena, Allah Nenaeijae na hului sului nebei rambun naeise yakanengkombe.

1 Tesalonika 5:1

Aka naei baeke naei, Yesus mende hee naei bele na ralo yakama naei bele meyae omoloi,

Ibrani 10:16

“Bena ya mendene Reyae nda a heteremikonde. Bena ya mendene Raeinya wali heere foloukokale ro miyae naei kena u einye haufemile nane merau naei u bene wa bene einye eremolongkonde.”

Ibrani 13:1

Maise naeise ako nake mbainya aka baeke wanen mae mai kena buhae haeube hole molonnele.

1 Petrus 3:8

A fofo ken wamale, nda wali ma maise naeise nekembe: Wali Ondofolole wali nibi homo mbainye orombe, mai nolone kou kalo naei are boromembe, aka baeke wanen mae kena buhae u buhae hembe, ro miyae hiwa naei beko aerene mangkele kena beko hubannele, kena ane rannehimbe,

1 Petrus 4:8

Nebeibe nda bereinya u mekai niyae, kena buhae u buhae nana hesele yae hi yae hire hennele. Rabuhine ban eyae kena buhae u buhae hemalene, ro miyae naei u mekai beko helen selere na hului u benera nundenaimende.

2 Petrus 1:7

Allah kenare kole hului nekemembe yae Yesusle einye aka baeke ware kena buhae hemmiyembe; Yesusle einye aka baeke ware hemmiyembe yae ro miyae nemene kena buhae hemmiyembe.

1 Yohanes 2:10

Nde yae na aka baekere kena buhae u buhae hemmile, nebei kiyae Allahle hehene namman nekele. Nebei u mekai foinye na hibi-hibi nekele ro miyae, hiwa yore oro halun wanen mae u mekai beko yae enaleisi eruwei.

1 Yohanes 3:11

Yesusle a faeu na bere hele huwoumbera mayae nda abe boraukoke, “Eyae kena buhae u buhae aeise naeise hemale.”

1 Yohanes 3:23

Nda a niyae Allah ukeume eyae mokomalere: Allah na Kelu Yesus Wali Ondofolore raneujeke na hele elemale hele, nane merau Naei a ukeume hului kena buhae u buhae aeise naeise hemale hele.

1 Yohanes 4:21

Nda a Yesus Wali Ondofolo yae aere ukeume mokomalere: nde yae Allahre kena buhae hennele, naei aka baekere nebei sului mbai kena buhae u buhae hemmile hele.