1 Tesalonika 1:5 - Allahle a neme heteungekoke homofae

⁵ Rabuhine ban meyae Yesusle ako faeuko mare huwayengkokembe heena a naungehu yae ban, nebeibe Allahlena Roh elae bele yae maei kena eisa hubawanne Allahle a meyae huwewande na hele. Mayae maisaei mo, mai foi naeise mai nolone maei wali ma haranneboke nekewande.

1 Tesalonika 1:5 ပူးပေါင်းရင်းမြစ်များ

Markus 16:20

Na moisa orowate yo yae Yesusle a foi faeu foi a hine a hine huwaimiyeke. Aei Tuhan Kiyae, Yesus, nangkele yae hakowoumi, rambun emere-emere mokowate yae yakawoumi naei ako faeuko huwewate na hele yeuboke.

Lukas 1:1

Foi moi, Teofilus. Ro miyae helen mae nda rambun aei nolone bewatere homone uwa nihaeinyehike hauwate.

Kisah 11:21

Allah yae ei aumibokene, nebeinye ro miyae helen Yesusre hila rabo halewainye nane merau Tuhan mae elewole a huluinye hakowainye.

Kisah 16:14

Nebei miyae maengke nolora hi na ro Lidia Tiatira yona miyae malo maye-maye fi kolei ma naise hele nane merau Allahre eise moloyeungene. Allah na kena u kuseungekoke, Paulus yae elewole are na hele elewole.

Kisah 2:33

Nda hee Allah Naei kendan wameran meube reufine na bumane haungeboke. Allah are heteungekoke hului Naei Roh ikeunge. Aka naei baeke naei, mana mayae boraube nane merau eraube rambun, nebei Roh mbaibe mana Yesus yae maei uwane kiteumeboke.

Roma 1:16

Wali Ondofolole a foi faeu foi hufemile naeise reyae fe ehubaisi, rabuhine ban nebei a foi faeu foi walora Allahlena elae yae ro miyae Wali Ondofolo Naei a elelere hila rabo halaete yore holere molonaimibondere, na bereise Yahudi ro miyae nane merau Yahudi ban ro miyae bele.

Roma 15:13

Allah yae mokonembe rabo elae halembe Naei elele a hului mokonde. Allahlena Roh elae walora mayae rabo elae halembe Allah nuleuboke are na hele inyaibonde naeise, reyae Allahre riyanale Naei a elelere hila rabo halaeunge yae Neyae mai kena rowenensimbe nane merau rei mai bele yae haungemembe.

Roma 2:16

Reyae huwamale a foi faeu foi huluinye, Allah yae Yesus Wali Ondofolole walora ro miyae naei kena einye nunne heraweyate honoyate bele na u bene wa bene nekeyaimi belere hului emmikolonde. Nebei ya mbai u mekai beko mokayeke ro miyaere Allah ehee bukulu inyemile.

1 Korintus 1:24

Nebeibe Yahudi ro miyae bele Yahudi ban ro miyae bele Allah yae kaenewoumi yo Wali Ondofolore hila rabo halenainyele hee, Allahle elae wakere nane merau Allahle isaei hebaende isaeinyate.

1 Korintus 10:33

Ro miyae nanemene na hibi-hibi naei kena foise reyae relaenale wali ma bune wane hamenengkombe. Nebei yore hole molommibonde naeise, naei foise baele, raei foise ebaei.

1 Korintus 3:16

Mayae maisaei sele mai uwa Allahle imae obe nane merau mai uwa einye Allahle Roh nekele!

1 Korintus 3:6

Reyae mai nolone bolu moloukokale, Apolos yae bu heraeyende, nebeibe Allah yae kitenate naei elae yeumi.

1 Korintus 4:20

Rabuhine ban ro miyae na hele Allahle me kelee u keleene nekatere ro miyae a elate walora ekelei, nebeibe naei kalia Allahle elae bele mokate walora kelenaimile.

1 Korintus 9:14

Nebei sului mbai Tuhan a hokoukoke, Wali Ondofolole a foi faeu foi huwenayende ro miyae nebei a foi faeu foi hakonate ro miyae wali rambun inyaimile yae na walire nekenate.

2 Korintus 3:6

Allahlena elae wake yae maere kiteumeboke ro miyaere wali himalainyeboke yo yae me baeyeumi are heteungekoke nibi neme a ro miyaere kelemamile. Nebei nibi neme Musale walora wali heere folaikoke a walora ban, nebeibe Allahle Roh walora. Musale walora wali heere folaikoke a huluinye ehakoiboi ro miyae Allah bele wahaeikoke nekate, nebeibe Allahle Roh weumi a huluinye hakainye ro miyae wali hena bona u mekai hubanainyele.

Galatia 2:2

Yerusalem yore ekale Allah na mekai yakaufeboke huluinye hakoubokale. Jemaat kaban be yun be yebae hebate yo riyane na mo-mo nekewate yae Wali Ondofolole a foi faeu foi Yahudi ban ro miyaere huwamaele a isaeiwamaele. Rabuhine ban reyae buhae hokowoufe nebei be yun be yebaei hebate yo raei a faeufe na hele ban elenate belene. Nebeinye elae halae releungekokale nane merau releimeyanale roibu karobe balensekonde belene.

Galatia 5:5

Nebeibe Allahle Roh yae weume, aei hila rabo walora eyae na hului na rei mai yae rakemale Allah aere wali himalainyeboke yo yae me emmebaende.

Efesus 2:10

Rabuhine ban eyae Allah yae mokowoume ro miyae. Na bere hele Allah me u foi yoni-yoni mokoungehake. Nebei me u foi yoni-yoni mokomande naeise, eyae Yesus Wali Ondofolole walora ro miyae u mekai neme mokoumeboke.

Efesus 3:20

Allah buma kaenembe! Eyae ro miyae na hului rambun kaban sele u bene nekenaimele nane merau Allahre riyannelebe, nebeibe Allahle elae aei uwa einye kalia mokole walora na hului emekai bele mokongkonde.

Filipi 2:13

Rabuhine ban Allah Naei merau haraungeboke me u mai uwa walora mokongkonde naeise, Allah Nenaeijae mai kena u einye Naei kena kolere mokonengkombe.

Filipi 4:9

Nane merau reyae mai bokone mokowalere isaeiwaube, yarowaube, borowaube, erewaube, nebei niyae mayae mokombe hele. Allah rei mai onomi foka no mare ei haungemembe.

Kolose 2:2

Nebei ro miyae na hului Allahle a nunna honaimeke, Wali Ondofololena a, na foi yae isaeinyaibondere nane merau nebei isaei hebaen hului nekenatene foi hubanainyende naeise, reyae merau haraungebokale naeise naeise u bene wa bene mbai yae kena buhae u buhae henate walora na kena u hara roronate.

1 Tesalonika 2:13

Meyae Allahlena ako faeuko elewande mayae borowaube heene mai kena une elaube, nda ako faeuko ro miyae naeisa ban, na hele Allahlena. Nebei aerene roko yae roko yae mai aerene Allahre helen foi ebeli boyannele. Na hele nda ako faeuko Allahlera meke nane merau mayae Wali Ondofolore hilare rabore halaeunge yo nebei ako faeuko mai wali einye na foi mokole.

2 Tesalonika 2:14

Meyae Yesusle a foi faeu foi huwayengkokembe walora Allah mare kaenengkokembe wali hena bona yarongkombere, nane merau aei Tuhan Yesus Wali Ondofolo Naei nene waewae mayae na hului hubannele.

2 Timotius 2:10

Allah yae a hokoukoke Yesus Wali Ondofolo yae yeumi wali hena bona enaiyaronde ro miyae naeise nda beko hubanalere kena yae herawale. Nebei ro miyae huba ban haei ban buma kaenaimiyende.

2 Timotius 2:8

Nda niyae bene nekenayete: Yesus Wali Ondofolo Yahudi naei Ondofolo kaban Daudle orona mena Kiyae nulu yo mahe yora aunguke. Nebei Kiyaele a foi faeu foibe kelaewale.

Ibrani 10:22

Nebei aerene men, nda u mekai ma yae Allah bele mbainye nekemale: na hele Allahle naeise kena kande yae, Wali Ondofolo Naei a elelere na hele hila rabo halaennele yae, kena u yolo-yolo bele nekemale yae. Nda nibi yae aei kena u yolo-yolo mokomande. Aei beko mokowande faeinyembondere nibi mbai mokombonde naeise Yesus Na ha yae rileuboke na hele elandene, nulu kemmebonde. Na hele nulu keumebokere kelemamile naeise bu konaimebonde.

Ibrani 6:11

Meyae kena hele kande Allah nuleungekoke a huluinye mokondere rabo elae halembe naeise, nebei me foi u foi na hibi-hibi mokomembe.

1 Petrus 1:12

Nebei yenjo kayaayo Wali Ondofolole naeise a nuleungekoke, nebeibe Allah nare isaeyeumiboke nebei a bena honoifoyole hee mai foi naeise, nebei yendo kayaa yo foi naeise ban. Nebei nulainyekoke a bele, Wali Ondofolole a foi faeu foi surgara ukeunge meke Allahle Roh walora ro miyae mare isaeyaeikokembe a bele, mbai. Nebei nulainyekoke rambun nda hee baetere malaikat yoni-yoni yae isaeinyaibondere kena hele kowate.

1 Petrus 1:3

Allah aei Tuhan Yesus Wali Ondofolole Akore bumane kaemanende, rabuhine ban Neyae nda nibi yae aere yanekoi yase yae ei hawewoume: Yesus Wali Ondofolo ro miyae herewate nolora aunguke walora mokoumeboke aei kena ure benen neme honoumekoke. Nebei aerene aei wali nekande yae wali hena bona emayaronde naei bele Allah yae rambun foi yoni-yoni mokoungehake naei belere eyae rabo elae halaende. Nebei rambun yoni-yoni kakare eyeiboi, bekore eijeiboi, ure eyeiboi, nane merau mai naeise surgane koloukoke ekaisonate.

1 Petrus 5:3

Mare kinyewombe holona mai kenare kaube huluinye mo mokonayembe naei u bene eharaijae, nebeibe hiwa yo mai u mekai bune wane hamenainyele ma yae ei haweumile.

2 Petrus 1:10

Nebeinye aka naei baeke naei, elae yae relennele Allah kenare kole hului nekemembe. Nebei nibi yaere Allah na hele mare kaenengkokembere nane merau elembokembe wekembe Naei holone hambokembere elaebe mokonnebombe. Bumane moloukokale honate a hului mokombena, mayae beko na hibi-hibi omokoyei,

2 Petrus 1:19

Allahle yenjo kayaayo yae elewate ako faeuko aei nolone honate, na helere yaeiboke. Mana nda ako faeuko mai u benene nekenayembe hele, rabuhine ban nebei ako faeuko walora mayae na hului nda hene isaeyembombe a na hele bele, a ame-ame bele. Nebei ako faeuko isehe wanen mai nibi ouben haubende naenengkombe. Yesus benen mende heene, Neyae mokommebonde Allahle naeise na yaka isaeimabonde, hehe wanen naemmele. Nebei hehe findelau yahei kitende wanen.